ENG vs IND Test | ಗೆಲುವಿನ ದೀಪ ಬೆಳಗಿಸಿದ ಆಕಾಶ್: ಭಾರತಕ್ಕೆ 336 ರನ್ ಜಯ

ಬರ್ಮಿಂಗ್ಹ್ಯಾಮ್: ಎಜ್ಬಾಸ್ಟನ್ನಲ್ಲಿ ಟೆಸ್ಟ್ ಗೆಲುವು ಸಾಧಿಸುವ ಭಾರತದ ಆರು ದಶಕಗಳ ಕನಸು ಭಾನುವಾರ ನನಸಾಯಿತು. ಸಪಾಟಾದ ಪಿಚ್ ಮೇಲೆ ಛಲ ಮತ್ತು ಬಲದ ಪ್ರದರ್ಶನ ನೀಡಿದ ಬೌಲರ್ಗಳು ಅತಿಥೇಯ ಇಂಗ್ಲೆಂಡ್ ಬಳಗಕ್ಕೆ ಸೋಲಿನ ಕಹಿಯುಣಿಸಿದರು. ಐದು ಪಂದ್ಯಗಳ ಸರಣಿಯಲ್ಲಿ 1–1ರ ಸಮಬಲ ಸಾಧಿಸಿದರು.

ಎಜ್ಬಾಸ್ಟನ್ ಕ್ರೀಡಾಂಗಣದಲ್ಲಿ ಕಿಕ್ಕಿರಿದು ಸೇರಿದ್ದ ಅಭಿಮಾನಿಗಳ ಸಮ್ಮುಖದಲ್ಲಿ ಆಕಾಶ್ ದೀಪ್ (21.1–2–99–6) ಅಮೋಘ ಬೌಲಿಂಗ್ ರಂಗೇರಿತು. ಭಾರತ ತಂಡವು 1967ರಲ್ಲಿ ಮೊದಲ ಬಾರಿಗೆ ಇಲ್ಲಿ ಟೆಸ್ಟ್ ಪಂದ್ಯ ಆಡಿತ್ತು. ಇಲ್ಲಿ ಒಟ್ಟು ಏಳು ಪಂದ್ಯ ಸೋತಿದ್ದು, ಒಂದರಲ್ಲಿ ಡ್ರಾ ಮಾಡಿಕೊಂಡಿತ್ತು. ಆದರೆ ಗೆಲುವಿನ ರುಚಿ ಸವಿದಿದ್ದು ಈಗಲೇ. ಈ ಪಂದ್ಯದ ನಾಲ್ಕು ದಿನಗಳ ಆಟದಲ್ಲಿಯೂ ಶುಭಮನ್ ಗಿಲ್ ಬಳಗವು ಮೇಲುಗೈ ಸಾಧಿಸಿತ್ತು. ಅಂತಿಮ ದಿನವಾದ ಭಾನುವಾರ ಉಭಯ ತಂಡಗಳಿಗೂ ಮಹತ್ವದ್ದಾಗಿತ್ತು. ಶನಿವಾರ ರಾತ್ರಿ ಮತ್ತು ಇಂದು ಬೆಳಿಗ್ಗೆ ಸುರಿದ ಮಳೆಯಿಂದಾಗಿ ಆಟಕ್ಕೆ ವ್ಯತ್ಯಯವಾಗುವ ಆತಂಕವಿತ್ತು. ಮಧ್ಯಾಹ್ನದ ಹೊತ್ತಿಗೆ ಆಗಸದಲ್ಲಿ ಸೂರ್ಯ ಬೆಳಗಿದ. ಕ್ರೀಡಾಂಗಣದಲ್ಲಿ ಆಕಾಶ್ ದೀಪ್ ಪ್ರಜ್ವಲಿಸಿದರು. 336 ರನ್ಗಳ ಬೃಹತ್ ಜಯ ಒಲಿಯಿತು.

. 28 ವರ್ಷದ ಆಕಾಶ್ ಅವರನ್ನು ಜಸ್ಪ್ರೀತ್ ಬೂಮ್ರಾ ಅವರ ಬದಲಿಗೆ ಕಣಕ್ಕಿಳಿಸಲಾಗಿತ್ತು. ಬೂಮ್ರಾ ಅವರು ಈ ಪಂದ್ಯದಲ್ಲಿ ವಿಶ್ರಾಂತಿ ಪಡೆದಿದ್ದರು. ಆಕಾಶ್ ತಮ್ಮ ಆಯ್ಕೆಯನ್ನು ಸಮರ್ಥಿಸಿಕೊಂಡ ಬಗೆ ಅಮೋಘ. ಮೊದಲ ಇನಿಂಗ್ಸ್ನಲ್ಲಿ ನಾಲ್ಕು ಮತ್ತು ಎರಡನೇಯದ್ದರಲ್ಲಿ ಆರು ವಿಕೆಟ್ ಕಿತ್ತು ತಮ್ಮ ಬುಟ್ಟಿಗೆ ಹಾಕಿಕೊಂಡರು. ಉಳಿದ ಬೌಲರ್ಗಳು ಪರಿಣಾಮಕಾರಿ ದಾಳಿ ನಡೆಸುತ್ತ, ಒಂದಿಷ್ಟು ಬೌಂಡರಿ, ಸಿಕ್ಸರ್ ಚಚ್ಚಿಸಿಕೊಳ್ಳುತ್ತ ಉಳಿದ ವಿಕೆಟ್ಗಳನ್ನು ಉರುಳಿಸಿದರು. 608 ರನ್ಗಳ ಬೃಹತ್ ಗುರಿ ಬೆನ್ನಟ್ಟಿದ್ದ ಆತಿಥೇಯರ ಆಟ 271 ರನ್ಗಳಿಗೆ ಅಂತ್ಯವಾಯಿತು.

. ನಾಲ್ಕನೇ ದಿನ ಸಂಜೆಯೇ ಗಿಲ್ ಪಡೆಯು ಎರಡನೇ ಇನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತ್ತು. ‘ಬಾಝ್ಬಾಲ್’ ಶೈಲಿ ಖ್ಯಾತಿಯ ಇಂಗ್ಲೆಂಡ್ ದಿನದಾಟದ ಮುಕ್ತಾಯಕ್ಕೆ 72 ರನ್ಗಳಿಗೆ 3 ವಿಕೆಟ್ ಕಳೆದುಕೊಂಡಿತ್ತು. ಹೀಗಾಗಿ ಕೊನೆಯ ದಿನದಾಟದಲ್ಲಿ ಜಯಿಸಲು 90 ಓವರ್ ಗಳಲ್ಲಿ 536 ರನ್ ಗಳ ಅಗತ್ಯವಿತ್ತು.

ಆಕಾಶ್ ಅಕ್ಷರಶಃ ಬೆಂಕಿಯ ಚೆಂಡುಗಳನ್ನು ಉರುಳಿಸಿದರು. ಸ್ವಿಂಗ್ ಎಸೆತಗಳ ವೈಭವ ಮೆರೆದರು. ಮೊಹಮ್ಮದ್ ಶಮಿ ಶೈಲಿಯ ಬೌಲಿಂಗ್ ಅನ್ನು ನೆನಪಿಸಿದರು. ಸಪಾಟಾದ ಪಿಚ್ನಲ್ಲಿ ಆತಿಥೇಯ ಬ್ಯಾಟರ್ಗಳು ಈ ಎಸೆತಗಳಿಗೆ ಒಂದಿಷ್ಟು ವಿಚಲಿತರಾದರು. ಇದರ ನಡುವೆಯ ಜೆಮಿ ಸ್ಮಿತ್ 88 ರನ್ ಗಳಿಸಿದರು. ಕೊನೆಯ ಹಂತದಲ್ಲಿ ಬ್ರೈಡನ್ ಕಾರ್ಸ್ ಮತ್ತು ಶೋಯಬ್ ಬಶೀರ್ ಅವರೂ ಸೋಲನ್ನು ಒಂದಿಷ್ಟು ಹೊತ್ತು ಮುಂದೂಡಿದರು. ಬೀಸಾಟವಾಡಿದ ಇಬ್ಬರೂ ಬೌಲರ್ಗಳಿಗೆ ಬಿಸಿ ಮುಟ್ಟಿಸುವ ಪ್ರಯತ್ನ ಮಾಡಿದರು. ಈ ಹಂತದಲ್ಲಿ ಫೀಲ್ಡರ್ಗಳೂ ಒಂದೆರಡು ಕ್ಯಾಚ್ಗಳನ್ನು ಕೈಚೆಲ್ಲಿದರು.

. ಕೊನೆಗೂ ಆಕಾಶ್ ದೀಪ್ ಅವರ ಆರನೇ ವಿಕೆಟ್ ರೂಪದಲ್ಲಿ ಬ್ರೈಡನ್ ಔಟಾದರು. ಆಕಾಶ್ ಎಸೆತವನ್ನು ಆಡಿದ ಕಾರ್ಸ್ ಅವರು ಫೀಲ್ಡರ್ ಗಿಲ್ಗೆ ಕ್ಯಾಚಿತ್ತರು. ನಾಯಕತ್ವ ವಹಿಸಿಕೊಂಡ ನಂತರ ಆಡಿದ ಎರಡನೇ ಟೆಸ್ಟ್ ಮತ್ತು ಮೊದಲ ಗೆಲುವಿನ ಖುಷಿಯಲ್ಲಿ ಶುಭಮನ್ ಕುಣಿದಾಡಿದರು. ಅವರೊಂದಿಗೆ ಸಹ ಆಟಗಾರರೂ ಸೇರಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ENG vs IND Test | ಗೆಲುವಿನ ದೀಪ ಬೆಳಗಿಸಿದ ಆಕಾಶ್: ಭಾರತಕ್ಕೆ 336 ರನ್ ಜಯ

ಚಿನಕುರುಳಿ: ಶುಕ್ರವಾರ, 29 ಆಗಸ್ಟ್ 2025

ಚುರುಮುರಿ: ಬುರುಡೆ ಸಿಂಡ್ರೋಮ್!

Betting Case | ನಾನು ಸತ್ತರೆ ಇ.ಡಿ ಹೊಣೆ: ಶಾಸಕ ವೀರೇಂದ್ರ

ದಿನಭವಿಷ್ಯ: ಶುಕ್ರವಾರ 29 ಆಗಸ್ಟ್-25; ಮನೆಯಲ್ಲಿ ಆಶಾಂತ ವಾತಾವರಣ ಬರದಂತೆ ಕಾಪಾಡಿ

ತಡರಾತ್ರಿ ಗೆದ್ದ ಪಾಲ್ ಮೂರನೇ ಸುತ್ತಿಗೆ

ಭಾರತ ತಂಡದಲ್ಲಿ ಮತ್ತೆ ಕರ್ನಾಟಕದ ಪ್ರತಿಭೆಗಳ ‘ಆಟ’

ಪ್ರೊ ಕಬಡ್ಡಿ: ತಮಿಳು ಬಳಗಕ್ಕೆ ಮಣಿದ ತೆಲುಗು ಪಡೆ

ಕಾಮನ್‌ವೆಲ್ತ್ ವೇಟ್‌ಲಿಫ್ಟಿಂಗ್: ದಿಲ್‌ಬಾಗ್‌ಗೆ ಬೆಳ್ಳಿ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಚಿನಕುರುಳಿ: ಶುಕ್ರವಾರ, 29 ಆಗಸ್ಟ್ 2025

ಚುರುಮುರಿ: ಬುರುಡೆ ಸಿಂಡ್ರೋಮ್!

Betting Case | ನಾನು ಸತ್ತರೆ ಇ.ಡಿ ಹೊಣೆ: ಶಾಸಕ ವೀರೇಂದ್ರ

ದಿನಭವಿಷ್ಯ: ಶುಕ್ರವಾರ 29 ಆಗಸ್ಟ್-25; ಮನೆಯಲ್ಲಿ ಆಶಾಂತ ವಾತಾವರಣ ಬರದಂತೆ ಕಾಪಾಡಿ