ಲಾಸೇನ್: ಮುಂದಿನ ವರ್ಷಕ್ಕೆ ಮುಂದೂಡಲಾಗಿರುವ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಭಾರತ ಹಾಕಿ ತಂಡವು ನ್ಯೂಜಿಲೆಂಡ್ ಎದುರು ಮೊದಲ ಪಂದ್ಯ ಆಡಲಿದೆ. ಮಹಿಳಾ ತಂಡ ನೆದರ್ಲೆಂಡ್ಸ್ಗೆ ಆರಂಭಿಕ ಸವಾಲು ಎಸೆಯಲಿದೆ.
ನಾಲ್ಕು ದಶಕಗಳಿಂದ ಪದಕದ ಬರ ಎದುರಿಸುತ್ತಿರುವ ಭಾರತ ತಂಡ ಮೊದಲ ಪಂದ್ಯವನ್ನು ಜುಲೈ 24ರಂದು ಆಡಲಿದೆ. ಅದೇ ದಿನ ಮಹಿಳೆಯರ ತಂಡದ ಮೊದಲ ಪಂದ್ಯವೂ ನಡೆಯಲಿದೆ. ಹಾಕಿ ಪಂದ್ಯಗಳ ವೇಳಾಪಟ್ಟಿಯನ್ನು ಶುಕ್ರವಾರ ಬಿಡುಗಡೆ ಮಾಡಲಾಗಿದೆ.
ಒಲಿಂಪಿಕ್ಸ್ನಲ್ಲಿ ಎಂಟು ಬಾರಿ ಚಾಂಪಿಯನ್ ಆಗಿದ್ದ ಭಾರತ ತಂಡ ಈ ಬಾರಿ ‘ಎ‘ ಗುಂಪಿನಲ್ಲಿ ಸ್ಥಾನ ಪಡೆದುಕೊಂಡಿದೆ.