ಬಾಕ್ಸಿಂಗ್: 9 ಚಿನ್ನ ಬಾಚಿದ ಭಾರತ

ಲಾ ನುಸಿಯಾ (ಸ್ಪೇನ್): ಒಲಿಂಪಿಕ್ ಪದಕ ವಿಜೇತೆ ಲವ್ಲಿನಾ ಬೋರ್ಗೊಹೈನ್ ಮತ್ತು ಮಾಜಿ ಯುವ ವಿಶ್ವ ಚಾಂಪಿಯನ್ ಅರುಂಧತಿ ಚೌಧರಿ ಅವರ ನೇತೃತ್ವದಲ್ಲಿ ಭಾರತದ ಬಾಕ್ಸಿಂಗ್ ಪಟುಗಳು ಬಾಕ್ಸಾಮ್ ಎಲೈಟ್ ಇಂಟರ್ನ್ಯಾಷನಲ್ ಟೂರ್ನಿಯಲ್ಲಿ ಒಂಬತ್ತು ಚಿನ್ನದ ಪದಕಗಳನ್ನು ಗೆದ್ದುಕೊಂಡರು.

. ಮಹಿಳಾ ವಿಭಾಗದ ಏಳು ಫೈನಲ್ಗಳಲ್ಲಿ ಭಾರತದ ಸ್ಪರ್ಧಿಗಳು ಫೈನಲ್ ತಲುಪಿದ್ದರು. 54 ಕೆ.ಜಿ. ವಿಭಾಗದ ಫೈನಲ್ನಲ್ಲಿ ಭಾರತದ ಸ್ಪರ್ಧಿಗಳೇ ಇದ್ದರು. ಭಾರತ ಒಟ್ಟು 9 ಚಿನ್ನ, ಮೂರು ಬೆಳ್ಳಿ ಮತ್ತು ಏಳು ಕಂಚಿನ ಪದಕಗಳನ್ನು ಗೆದ್ದು ಟೂರ್ನಿಯ ಅತಿ ಯಶಸ್ವಿ ತಂಡ ಎನಿಸಿತು.

. ಬಾಕ್ಸಾಮ್ ಎಲೀಟ್ 2026 ಟೂರ್ನಿಯಲ್ಲಿ 20 ರಾಷ್ಟ್ರಗಳ 200 ಮಂದಿ ಕಣದಲ್ಲಿದ್ದರು. ‘ಈ ಸಾಧನೆಯು ಈ ಕ್ರೀಡೆಯಲ್ಲಿ ಭಾರತ ತನ್ನ ಕಾರ್ಯಯೋಜನೆಯಲ್ಲಿ ಸಾಧಿಸಿರುವ ಪ್ರಗತಿಯ ಸಂಕೇತವಾಗಿದೆ’ ಎಂದು ಭಾರತ ಬಾಕ್ಸಿಂಗ್ ಫೆಡರೇಷನ್ ಅಧ್ಯಕ್ಷ ಅಜಯ್ ಸಿಂಗ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

. ಮಂಜು ರಾಣಿ (48 ಕೆ.ಜಿ), ನೀತು (51 ಕೆ.ಜಿ) ಅವರು ಕ್ರಮವಾಗಿ ಸ್ಪೇನ್ನ ಮಾರ್ತಾ ಲೋಪೆಝ್ ಮತ್ತು ನೋಲಿಯಾ ಗುಟಿರೆಝ್ ಅವರನ್ನು ಸೋಲಿಸಿ ಚಿನ್ನ ಗೆದ್ದರು. 54 ಕೆ.ಜಿ. ವಿಭಾಗದಲ್ಲಿ ಪೂನಮ್, ಸ್ವದೇಶದ ಪ್ರೀತಿ ಅವರನ್ನು ಸೋಲಿಸಿದರು.

. ಪ್ರಿಯಾ (60 ಕೆ.ಜಿ) ಮತ್ತು ಅರುಂಧತಿ (70 ಕೆ.ಜಿ) ಅವರು ಉಕ್ರೇನಿನ ಎದುರಾಳಿಗಳ ವಿರುದ್ಧ 5:0 ಗೆಲುವು ಸಾಧಿಸಿದರು. ಲವ್ಲೀನಾ, ಇಂಗ್ಲೆಂಡ್ನ ಮೇರಿ–ಕೇಟ್ ಸ್ಮಿತ್ ಎದುರು 4:1 ಗೆಲುವು ಪಡೆದರು. 80 ಕೆ.ಜಿ. ಫೈನಲ್ನಲ್ಲಿ ನೈನಾ ಅವರು ಉಕ್ರೇನಿನ ರೈಸಾ ಪಿಸ್ಕುನ್ ಅವರನ್ನು ಪರಾಭವಗೊಳಿಸಿದರು.

. ಭಾರತ ಮಹಿಳಾ ತಂಡದ ಉತ್ತಮ ಪ್ರದರ್ಶನಕ್ಕೆ ಮುಖ್ಯ ಕೋಚ್ ಸ್ಯಾಂಟಿಯಾಗೊ ನೀವಾ ಹರ್ಷ ವ್ಯಕ್ತಪಡಿಸಿದ್ದಾರೆ.

. ಪುರುಷರ ವಿಭಾಗದ 60 ಕೆ.ಜಿ. ಫೈನಲ್ನಲ್ಲಿ ಸಚಿನ್, ಕೆನಡಾದ ಕಿಯೊಮಾ–ಅಲಿ ಅಲ್ ಅಹಮದಿ ವಿರುದ್ಧ 3:2 ಜಯ ಸಾಧಿಸಿದರು. ಆಕಾಶ್ (75 ಕೆ.ಜಿ) ಅವರು ತೀವ್ರ ಹಣಾಹಣಿಯಲ್ಲಿ ಕಜಾಕಸ್ತಾನದ ಅಮನ್ ಕೊನ್ಸಬೆಕೊವ್ ಎದುರು ಗೆದ್ದು ಭಾರತದ ಪದಕಬೇಟೆಗೆ ಮತ್ತೊಂದು ಚಿನ್ನ ಸೇರಿಸಿದರು.

. ದೀಪಕ್ (70 ಕೆ.ಜಿ), ಅಂಕುಶ್ (80 ಕೆ.ಜಿ) ಅವರು ಬೆಳ್ಳಿ ಗೆದ್ದರು. ಫೈನಲ್ನಲ್ಲಿ ಕ್ರಮವಾಗಿ ಕಜಾಕಸ್ತಾನ ಮತ್ತು ಉಕ್ರೇನ್ ಎದುರಾಳಿಗಳಿಗೆ ಮಣಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಕ್ಸಿಂಗ್: 9 ಚಿನ್ನ ಬಾಚಿದ ಭಾರತ

ಚಿನಕುರುಳಿ: 2026ರ ಫೆಬ್ರುವರಿ 8, ಭಾನುವಾರ

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳ ಮಾತಿನಿಂದ ನೋವಾಗಬಹುದು

ವಾರ ಭವಿಷ್ಯ: ವಾರ ಭವಿಷ್ಯ 8-2-2026 ರಿಂದ 14-2-2026ರವರೆಗೆ– ಮನಸ್ಸಿನಲ್ಲಿ ಆನಂದ

ಗುಂಡಣ್ಣ: 2026ರ ಫೆಬ್ರುವರಿ 8, ಭಾನುವಾರ

ಸ್ಪೇನ್‌ಗೆ ಹೊರಟಿದ್ದ ಸಿರಾಜ್‌ಗೆ ಸೂರ್ಯ ಕರೆ: ಮತ್ತೆ ನಡೆದಿದ್ದು ಮಿಯಾ ಮ್ಯಾಜಿಕ್

ರಣಜಿ ಕ್ವಾರ್ಟರ್‌ಫೈನಲ್: ರಾಹುಲ್, ಕರುಣ್ ಮೇಲೆ ನಿರೀಕ್ಷೆಯ ನೋಟ