<p><strong>ಅಂತ್ಯಾಲ (ಟರ್ಕಿ)</strong>: ಭಾರತದ ಕಾಂಪೌಂಡ್ ಆರ್ಚರಿ ಸ್ಪರ್ಧಿಗಳು, ಆರ್ಚರಿ ವಿಶ್ವಕಪ್ ಸ್ಟೇಜ್3 ಕೂಟದಲ್ಲಿ ನಿರಾಶೆ ಮೂಡಿಸಿದರು. ಶುಕ್ರವಾರ ವೈಯಕ್ತಿಕ ಮತ್ತು ಮಿಶ್ರ ವಿಭಾಗದಲ್ಲಿ ಒಬ್ಬರಿಗೂ ಪದಕ ಸುತ್ತಿಗೇರಲು ಸಾಧ್ಯವಾಗಲಿಲ್ಲ.</p>.<p>ಶಾಂಘೈನಲ್ಲಿ ನಡೆದ ಈ ಹಿಂದಿನ ವಿಶ್ವಕಪ್ನಲ್ಲಿ ಎರಡು ಚಿನ್ನ, ಒಂದು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳನ್ನು ಗೆದ್ದುಕೊಂಡು ಭಾರತ ಪದಕಪಟ್ಟಿಯಲ್ಲಿ ದಕ್ಷಿಣ ಕೊರಿಯಾ ನಂತರ ಎರಡನೇ ಸ್ಥಾನ ಪಡೆದಿತ್ತು. ಆದರೆ ಈ ಕೂಟದಲ್ಲಿ ಇದುವರೆಗೆ ಪದಕ ಖಾತೆ ತೆರೆದಿಲ್ಲ.</p>.<p>ಕಳೆದ ವಿಶ್ವಕಪ್ನ ವಿಜೇತೆ ಹಾಗೂ ನಾಲ್ಕನೇ ಶ್ರೇಯಾಂಕದ ಮಧುರಾ ದಾಮಣಗಾಂವಕರ್ ಕ್ವಾರ್ಟರ್ಫೈನಲ್ನಲ್ಲಿ ಐದನೇ ಶ್ರೇಯಾಂಕದ ಮರಿಯಾನಾ ಬರ್ನಾಲ್ (ಮೆಕ್ಸಿಕೊ) ಅವರಿಗೆ 152–159ರಲ್ಲಿ ಮಣಿದರು.</p>.<p>ವಿಶ್ವ ಚಾಂಪಿಯನ್ ಅದಿತಿ ಸ್ವಾಮಿ ಅವರೂ ಎಂಟರ ಘಟ್ಟದಲ್ಲಿ 147–152ರಲ್ಲಿ ಎರಡನೇ ಶ್ರೇಯಾಂಕದ ಆಂಡ್ರಿಯಾ ಬಸೆರಾ (ಮೆಕ್ಸಿಕೊ) ಅವರಿಗೆ ಮಣಿದರು.</p>.<p>ಪುರುಷರ ವಿಭಾಗದಲ್ಲಿ 13ನೇ ಶ್ರೇಯಾಂಕದ ರಿಷಭ್ ಯಾದವ್ ಅವರು 28ನೇ ಶ್ರೇಯಾಂಕದ ನಿಕೋಲಸ್ ಗೆರಾರ್ಡ್ (ಫ್ರಾನ್ಸ್) ಅವರಿಗೆ ಎಂಟರ ಘಟ್ಟದಲ್ಲಿ ಸೋತರು. ಯಾದವ್ ಇದಕ್ಕೆ ಮೊದಲು ಸ್ವದೇಶದ ಅಭಿಷೇಕ್ ವರ್ಮಾ ಅವರನ್ನು ಪ್ರಿಕ್ವಾರ್ಟರ್ಫೈನಲ್ನಲ್ಲಿ ಮಣಿಸಿದ್ದರು.</p>.<p>ಅಚ್ಚರಿ ಎಂಬಂತೆ, ವಿಶ್ವ ಚಾಂಪಿಯನ್ ಓಜಸ್ ದೇವತಳೆ ಅವರು ಮೊದಲ ಸುತ್ತಿನಲ್ಲೇ ಅಮೆರಿಕದ ಜೇಮ್ಸ್ ಲುಟ್ಝ್ ಅವರಿಗೆ 157–161ರಲ್ಲಿ ಮಣಿದರು.</p>.<p>ಕಾಂಪೌಂಡ್ ಮಿಶ್ರ ತಂಡ ವಿಭಾಗದಲ್ಲಿ ಮಧುರಾ ದಾಮಣಗಾಂವಕರ್– ರಿಷಭ್ ಯಾದವ್ ಅವರು 160–162ರಲ್ಲಿ ಎಸ್ಟೋನಿಯಾದ ಎದುರಾಳಿಗಳಿಗೆ ಮಣಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಂತ್ಯಾಲ (ಟರ್ಕಿ)</strong>: ಭಾರತದ ಕಾಂಪೌಂಡ್ ಆರ್ಚರಿ ಸ್ಪರ್ಧಿಗಳು, ಆರ್ಚರಿ ವಿಶ್ವಕಪ್ ಸ್ಟೇಜ್3 ಕೂಟದಲ್ಲಿ ನಿರಾಶೆ ಮೂಡಿಸಿದರು. ಶುಕ್ರವಾರ ವೈಯಕ್ತಿಕ ಮತ್ತು ಮಿಶ್ರ ವಿಭಾಗದಲ್ಲಿ ಒಬ್ಬರಿಗೂ ಪದಕ ಸುತ್ತಿಗೇರಲು ಸಾಧ್ಯವಾಗಲಿಲ್ಲ.</p>.<p>ಶಾಂಘೈನಲ್ಲಿ ನಡೆದ ಈ ಹಿಂದಿನ ವಿಶ್ವಕಪ್ನಲ್ಲಿ ಎರಡು ಚಿನ್ನ, ಒಂದು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳನ್ನು ಗೆದ್ದುಕೊಂಡು ಭಾರತ ಪದಕಪಟ್ಟಿಯಲ್ಲಿ ದಕ್ಷಿಣ ಕೊರಿಯಾ ನಂತರ ಎರಡನೇ ಸ್ಥಾನ ಪಡೆದಿತ್ತು. ಆದರೆ ಈ ಕೂಟದಲ್ಲಿ ಇದುವರೆಗೆ ಪದಕ ಖಾತೆ ತೆರೆದಿಲ್ಲ.</p>.<p>ಕಳೆದ ವಿಶ್ವಕಪ್ನ ವಿಜೇತೆ ಹಾಗೂ ನಾಲ್ಕನೇ ಶ್ರೇಯಾಂಕದ ಮಧುರಾ ದಾಮಣಗಾಂವಕರ್ ಕ್ವಾರ್ಟರ್ಫೈನಲ್ನಲ್ಲಿ ಐದನೇ ಶ್ರೇಯಾಂಕದ ಮರಿಯಾನಾ ಬರ್ನಾಲ್ (ಮೆಕ್ಸಿಕೊ) ಅವರಿಗೆ 152–159ರಲ್ಲಿ ಮಣಿದರು.</p>.<p>ವಿಶ್ವ ಚಾಂಪಿಯನ್ ಅದಿತಿ ಸ್ವಾಮಿ ಅವರೂ ಎಂಟರ ಘಟ್ಟದಲ್ಲಿ 147–152ರಲ್ಲಿ ಎರಡನೇ ಶ್ರೇಯಾಂಕದ ಆಂಡ್ರಿಯಾ ಬಸೆರಾ (ಮೆಕ್ಸಿಕೊ) ಅವರಿಗೆ ಮಣಿದರು.</p>.<p>ಪುರುಷರ ವಿಭಾಗದಲ್ಲಿ 13ನೇ ಶ್ರೇಯಾಂಕದ ರಿಷಭ್ ಯಾದವ್ ಅವರು 28ನೇ ಶ್ರೇಯಾಂಕದ ನಿಕೋಲಸ್ ಗೆರಾರ್ಡ್ (ಫ್ರಾನ್ಸ್) ಅವರಿಗೆ ಎಂಟರ ಘಟ್ಟದಲ್ಲಿ ಸೋತರು. ಯಾದವ್ ಇದಕ್ಕೆ ಮೊದಲು ಸ್ವದೇಶದ ಅಭಿಷೇಕ್ ವರ್ಮಾ ಅವರನ್ನು ಪ್ರಿಕ್ವಾರ್ಟರ್ಫೈನಲ್ನಲ್ಲಿ ಮಣಿಸಿದ್ದರು.</p>.<p>ಅಚ್ಚರಿ ಎಂಬಂತೆ, ವಿಶ್ವ ಚಾಂಪಿಯನ್ ಓಜಸ್ ದೇವತಳೆ ಅವರು ಮೊದಲ ಸುತ್ತಿನಲ್ಲೇ ಅಮೆರಿಕದ ಜೇಮ್ಸ್ ಲುಟ್ಝ್ ಅವರಿಗೆ 157–161ರಲ್ಲಿ ಮಣಿದರು.</p>.<p>ಕಾಂಪೌಂಡ್ ಮಿಶ್ರ ತಂಡ ವಿಭಾಗದಲ್ಲಿ ಮಧುರಾ ದಾಮಣಗಾಂವಕರ್– ರಿಷಭ್ ಯಾದವ್ ಅವರು 160–162ರಲ್ಲಿ ಎಸ್ಟೋನಿಯಾದ ಎದುರಾಳಿಗಳಿಗೆ ಮಣಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
