<p><strong>ನ್ಯೂಯಾರ್ಕ್</strong>: ಭಾರತದ ಅರ್ಜುನ್ ಎರಿಗೈಸಿ ಅವರು ಜೂಲಿಯಸ್ ಬಾರ್ ಕಪ್ ಆನ್ಲೈನ್ ಚೆಸ್ ಟೂರ್ನಿಯಲ್ಲಿ ಅಗ್ರಸ್ಥಾನಕ್ಕೇರಿದ್ದಾರೆ. ಆರ್. ಪ್ರಗ್ನಾನಂದ ಎರಡನೇ ಸ್ಥಾನ ಕಾಯ್ದುಕೊಂಡಿದ್ದಾರೆ.</p>.<p>ಎಂಟು ಸುತ್ತಿನ ಬಳಿಕ ಅರ್ಜುನ್ ಅವರ ಬಳಿ 17 ಪಾಯಿಂಟ್ಸ್ ಇದ್ದರೆ, ಪ್ರಗ್ನಾನಂದ 15 ಪಾಯಿಂಟ್ಸ್ ಕಲೆಹಾಕಿದ್ದರು.</p>.<p>ಬಹುನಿರೀಕ್ಷಿತ ಎಂಟನೇ ಸುತ್ತಿನ ಹಣಾಹಣಿಯಲ್ಲಿ ಪ್ರಗ್ನಾನಂದ ಅವರು ವಿಶ್ವ ಚಾಂಪಿಯನ್, ನಾರ್ವೆಯ ಮ್ಯಾಗ್ನಸ್ ಕಾರ್ಲ್ಸನ್ ಅವರೊಂದಿಗೆ ಡ್ರಾ ಸಾಧಿಸಿದರು. ಈ ಋತುವಿನ ಎರಡು ಆನ್ಲೈನ್ ಟೂರ್ನಿಗಳಲ್ಲಿ ಭಾರತದ ಆಟಗಾರ, ಕಾರ್ಲ್ಸನ್ ಅವರನ್ನು ಮಣಿಸಿದ್ದರು.</p>.<p>ಮಂಗಳವಾರ ಎರಡನೇ ದಿನದ ಪಂದ್ಯಗಳ ಅಂತ್ಯಕ್ಕೆ ಕಾರ್ಲ್ಸನ್ ಕೂಡ ಎರಡನೇ ಸ್ಥಾನದಲ್ಲಿದ್ದರು.</p>.<p>ದಿನದ ಮೊದಲ ಪಂದ್ಯದಲ್ಲಿ ಅರ್ಜುನ್ ಅವರು ಅಮೆರಿಕದ ಹಾನ್ಸ್ ನೀಮನ್ ಎದುರು ಗೆದ್ದರೆ ಬಳಿಕ ಅದೇ ದೇಶದ ಲೆವೊನ್ ಅರೊನಿಯನ್ ಅವರನ್ನು ಸೋಲಿಸಿದರು.</p>.<p>ಮೂರನೇ ಪಂದ್ಯದಲ್ಲಿ ಅರ್ಜುನ್ ಮತ್ತು ಪ್ರಗ್ನಾನಂದ ಸೆಣಸಾಟ ನಡೆಸಿದರು. 67 ನಡೆಗಳ ಈ ಪಂದ್ಯದಲ್ಲಿ ಭಾರತದ ಇಬ್ಬರೂ ಆಟಗಾರರು ಪಾಯಿಂಟ್ಸ್ ಹಂಚಿಕೊಂಡರು. ಎಂಟನೇ ಮತ್ತು ದಿನದ ಕೊನೆಯ ಸುತ್ತಿನಲ್ಲಿ ಅರ್ಜುನ್, ಕ್ರೊವೇಷ್ಯಾದ ಇವಾನ್ ಸ್ಟಾರಿಚ್ ಎದುರು ಡ್ರಾ ಸಾಧಿಸಿದರು.</p>.<p>ದಿನದ ಮೊದಲ ಪಂದ್ಯದಲ್ಲಿ ಪ್ರಗ್ನಾನಂದ ಅವರು ಪೋಲೆಂಡ್ನ ರಾಡೊಸ್ಲಾವ್ ವೊಜ್ತಾಸೆಕ್ ಅವರೊಂದಿಗೆ ಡ್ರಾ ಸಾಧಿಸಿದರು. ಬಳಿಕ ತನಗಿಂತ ಹೆಚ್ಚಿನ ರ್ಯಾಂಕಿನ ಜರ್ಮನಿ ಆಟಗಾರ ವಿನ್ಸೆಂಟ್ ಕೇಮರ್ ಅವರನ್ನು ಮಣಿಸಿದರು. ಬಳಿಕ 67 ನಡೆಗಳ ಪಂದ್ಯದಲ್ಲಿ ಕಾರ್ಲ್ಸನ್ ಎದುರು ಸಮಬಲ ಸಾಧಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್</strong>: ಭಾರತದ ಅರ್ಜುನ್ ಎರಿಗೈಸಿ ಅವರು ಜೂಲಿಯಸ್ ಬಾರ್ ಕಪ್ ಆನ್ಲೈನ್ ಚೆಸ್ ಟೂರ್ನಿಯಲ್ಲಿ ಅಗ್ರಸ್ಥಾನಕ್ಕೇರಿದ್ದಾರೆ. ಆರ್. ಪ್ರಗ್ನಾನಂದ ಎರಡನೇ ಸ್ಥಾನ ಕಾಯ್ದುಕೊಂಡಿದ್ದಾರೆ.</p>.<p>ಎಂಟು ಸುತ್ತಿನ ಬಳಿಕ ಅರ್ಜುನ್ ಅವರ ಬಳಿ 17 ಪಾಯಿಂಟ್ಸ್ ಇದ್ದರೆ, ಪ್ರಗ್ನಾನಂದ 15 ಪಾಯಿಂಟ್ಸ್ ಕಲೆಹಾಕಿದ್ದರು.</p>.<p>ಬಹುನಿರೀಕ್ಷಿತ ಎಂಟನೇ ಸುತ್ತಿನ ಹಣಾಹಣಿಯಲ್ಲಿ ಪ್ರಗ್ನಾನಂದ ಅವರು ವಿಶ್ವ ಚಾಂಪಿಯನ್, ನಾರ್ವೆಯ ಮ್ಯಾಗ್ನಸ್ ಕಾರ್ಲ್ಸನ್ ಅವರೊಂದಿಗೆ ಡ್ರಾ ಸಾಧಿಸಿದರು. ಈ ಋತುವಿನ ಎರಡು ಆನ್ಲೈನ್ ಟೂರ್ನಿಗಳಲ್ಲಿ ಭಾರತದ ಆಟಗಾರ, ಕಾರ್ಲ್ಸನ್ ಅವರನ್ನು ಮಣಿಸಿದ್ದರು.</p>.<p>ಮಂಗಳವಾರ ಎರಡನೇ ದಿನದ ಪಂದ್ಯಗಳ ಅಂತ್ಯಕ್ಕೆ ಕಾರ್ಲ್ಸನ್ ಕೂಡ ಎರಡನೇ ಸ್ಥಾನದಲ್ಲಿದ್ದರು.</p>.<p>ದಿನದ ಮೊದಲ ಪಂದ್ಯದಲ್ಲಿ ಅರ್ಜುನ್ ಅವರು ಅಮೆರಿಕದ ಹಾನ್ಸ್ ನೀಮನ್ ಎದುರು ಗೆದ್ದರೆ ಬಳಿಕ ಅದೇ ದೇಶದ ಲೆವೊನ್ ಅರೊನಿಯನ್ ಅವರನ್ನು ಸೋಲಿಸಿದರು.</p>.<p>ಮೂರನೇ ಪಂದ್ಯದಲ್ಲಿ ಅರ್ಜುನ್ ಮತ್ತು ಪ್ರಗ್ನಾನಂದ ಸೆಣಸಾಟ ನಡೆಸಿದರು. 67 ನಡೆಗಳ ಈ ಪಂದ್ಯದಲ್ಲಿ ಭಾರತದ ಇಬ್ಬರೂ ಆಟಗಾರರು ಪಾಯಿಂಟ್ಸ್ ಹಂಚಿಕೊಂಡರು. ಎಂಟನೇ ಮತ್ತು ದಿನದ ಕೊನೆಯ ಸುತ್ತಿನಲ್ಲಿ ಅರ್ಜುನ್, ಕ್ರೊವೇಷ್ಯಾದ ಇವಾನ್ ಸ್ಟಾರಿಚ್ ಎದುರು ಡ್ರಾ ಸಾಧಿಸಿದರು.</p>.<p>ದಿನದ ಮೊದಲ ಪಂದ್ಯದಲ್ಲಿ ಪ್ರಗ್ನಾನಂದ ಅವರು ಪೋಲೆಂಡ್ನ ರಾಡೊಸ್ಲಾವ್ ವೊಜ್ತಾಸೆಕ್ ಅವರೊಂದಿಗೆ ಡ್ರಾ ಸಾಧಿಸಿದರು. ಬಳಿಕ ತನಗಿಂತ ಹೆಚ್ಚಿನ ರ್ಯಾಂಕಿನ ಜರ್ಮನಿ ಆಟಗಾರ ವಿನ್ಸೆಂಟ್ ಕೇಮರ್ ಅವರನ್ನು ಮಣಿಸಿದರು. ಬಳಿಕ 67 ನಡೆಗಳ ಪಂದ್ಯದಲ್ಲಿ ಕಾರ್ಲ್ಸನ್ ಎದುರು ಸಮಬಲ ಸಾಧಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
