<p><strong>ಹನಮಕೊಂಡ</strong> <strong>(ತೆಲಂಗಾಣ)</strong>: ಕೇರಳದ ಲಾಂಗ್ಜಂಪರ್ ಸಿ.ವಿ.ಅನುರಾಗ್ ಅವರು ಶುಕ್ರವಾರ ಇಂಡಿಯನ್ ಓಪನ್ 23 ವರ್ಷದೊಳಗಿನವರ ಅಥ್ಲೆಟಿಕ್ ಕೂಟದಲ್ಲಿ 8.06 ಮೀ. ದೂರ ಜಿಗಿದು ಚಿನ್ನ ಗೆದ್ದರು. ಎಂಟು ಮೀಟರ್ ಜಿಗಿದವರ ಕ್ಲಬ್ಗೆ ಸಾಲಿಗೆ ಹೊಸದಾಗಿ ಸೇರ್ಪಡೆಯಾದರು.</p><p>ಇದು 21 ವರ್ಷ ವಯಸ್ಸಿನ ಅನುರಾಗ್ ಅವರ ವೈಯಕ್ತಿಕ ಶ್ರೇಷ್ಠ ಸಾಧನೆಯಾಗಿದ್ದು ಎರಡನೇ ಯತ್ನದಲ್ಲಿ ಈ ದೂರ ದಾಖಲಿಸಿದರು. ಆ ಮೂಲಕ 2024ರಲ್ಲಿ ತಾವೇ ಸ್ಥಾಪಿಸಿದ್ದ 7.87 ಮೀ.ಗಳ ದಾಖಲೆಯನ್ನು ಅವರು ಸುಧಾರಿಸಿದರು.</p><p>ಮೊದಲ ಯತ್ನದಲ್ಲಿ 7.88 ಮಿ. ಜಿಗಿದಿದ್ದರು. ಎರಡನೇ ಯತ್ನದಲ್ಲಿ 8.06 ಮೀ. ಜಿಗಿದ ಅವರು ನಂತರದ ಯತ್ನಗಳಲ್ಲಿ ಕ್ರಮವಾಗಿ 7.96 ಮೀ, 6.62 ಮೀ ಮತ್ತು 7.88 ಮೀ. ದೂರ ಜಿಗಿದರು.</p><p>ತಮಿಳುನಾಡಿನ ಶರನ್ ಜೆ. (7.82 ಮೀ.) ಮತ್ತು ಪೊಲೀಸ್ ತಂಡದ ಆರ್ಯನ್ ಚೌಧರಿ (7.67 ಮೀ.) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಗಳಿಸಿದರು.</p>.<p>ಕರ್ನಾಟಕಕ್ಕೆ 4 ಪದಕ:</p>.<p>ಎರಡನೇ ದಿನ ಕರ್ನಾಟಕದ ಅಥ್ಲೀಟುಗಳು ಮೂರು ಬೆಳ್ಳಿ, ಒಂದು ಕಂಚಿನ ಪದಕ ಗೆದ್ದುಕೊಂಡರು.</p>.<p>ಪುರುಷರ ಡಿಸ್ಕಸ್ ಥ್ರೊನಲ್ಲಿ ನಾಗೇಂದ್ರ ಎ. ಅವರು 52.48 ಮೀ. ದೂರಕ್ಕೆ ಡಿಸ್ಕ್ ಎಸೆದು ಬೆಳ್ಳಿ ಗೆದ್ದುಕೊಂಡರು. ಜೆಎಸ್ಡಬ್ಲ್ಯು ತಂಡದ ಉಜ್ವಲ್ 53.60 ಮೀ. ದಾಖಲಿಸಿ ಚಿನ್ನ ಗೆದ್ದರು.</p>.<p>ಹೈಜಂಪ್ನಲ್ಲಿ ಸುದೀಪ್ 2.11 ಮೀ. ಜಿಗಿದು ಬೆಳ್ಳಿ ಗೆದ್ದರು. ಹರಿಯಾಣದ ಶಿವ್ ಭಗವಾನ್ (2.13 ಮೀ.) ಚಿನ್ನ ತಮ್ಮದಾಗಿಸಿಕೊಂಡರು. </p>.<p>ಮಹಿಳೆಯರ ವಿಭಾಗದ 400 ಮೀ. ಓಟವನ್ನು 54.71 ಸೆ.ಗಳಲ್ಲಿ ಪೂರೈಸಿದ ಪ್ರಿಯಾ ಬೆಳ್ಳಿ ಗೆದ್ದರು. ಉತ್ತರ ಪ್ರದೇಶದ ಆಯುಷಿ (53.62 ಸೆ.) ಚಿನ್ನ ಗೆದ್ದರು.</p>.<p>100 ಮೀ ಹರ್ಡಲ್ಸ್ನಲ್ಲಿ ಶ್ರೀಯಾ ರಾಜೇಶ್ 13.90 ಸೆ.ಗಳಲ್ಲಿ ದೂರ ಕ್ರಮಿಸಿ ಕಂಚಿನ ಪದಕ ತಮ್ಮದಾಗಿಸಿಕೊಂಡರು. ಜೆೆೆಎಸ್ಡಬ್ಲ್ಯು ಪ್ರತಿನಿಧಿಸಿದ ಪ್ರಾಂಜಲಿ ಆರ್. (13.73 ಸೆ.) ಮತ್ತು ತಮಿಳುನಾಡಿನ ಅಕ್ಷ್ಚಿ ದಾಸ್ (13.90 ಸೆ.) ಕ್ರಮವಾಗಿ ಮೊದಲ ಎರಡು ಸ್ಥಾನ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹನಮಕೊಂಡ</strong> <strong>(ತೆಲಂಗಾಣ)</strong>: ಕೇರಳದ ಲಾಂಗ್ಜಂಪರ್ ಸಿ.ವಿ.ಅನುರಾಗ್ ಅವರು ಶುಕ್ರವಾರ ಇಂಡಿಯನ್ ಓಪನ್ 23 ವರ್ಷದೊಳಗಿನವರ ಅಥ್ಲೆಟಿಕ್ ಕೂಟದಲ್ಲಿ 8.06 ಮೀ. ದೂರ ಜಿಗಿದು ಚಿನ್ನ ಗೆದ್ದರು. ಎಂಟು ಮೀಟರ್ ಜಿಗಿದವರ ಕ್ಲಬ್ಗೆ ಸಾಲಿಗೆ ಹೊಸದಾಗಿ ಸೇರ್ಪಡೆಯಾದರು.</p><p>ಇದು 21 ವರ್ಷ ವಯಸ್ಸಿನ ಅನುರಾಗ್ ಅವರ ವೈಯಕ್ತಿಕ ಶ್ರೇಷ್ಠ ಸಾಧನೆಯಾಗಿದ್ದು ಎರಡನೇ ಯತ್ನದಲ್ಲಿ ಈ ದೂರ ದಾಖಲಿಸಿದರು. ಆ ಮೂಲಕ 2024ರಲ್ಲಿ ತಾವೇ ಸ್ಥಾಪಿಸಿದ್ದ 7.87 ಮೀ.ಗಳ ದಾಖಲೆಯನ್ನು ಅವರು ಸುಧಾರಿಸಿದರು.</p><p>ಮೊದಲ ಯತ್ನದಲ್ಲಿ 7.88 ಮಿ. ಜಿಗಿದಿದ್ದರು. ಎರಡನೇ ಯತ್ನದಲ್ಲಿ 8.06 ಮೀ. ಜಿಗಿದ ಅವರು ನಂತರದ ಯತ್ನಗಳಲ್ಲಿ ಕ್ರಮವಾಗಿ 7.96 ಮೀ, 6.62 ಮೀ ಮತ್ತು 7.88 ಮೀ. ದೂರ ಜಿಗಿದರು.</p><p>ತಮಿಳುನಾಡಿನ ಶರನ್ ಜೆ. (7.82 ಮೀ.) ಮತ್ತು ಪೊಲೀಸ್ ತಂಡದ ಆರ್ಯನ್ ಚೌಧರಿ (7.67 ಮೀ.) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಗಳಿಸಿದರು.</p>.<p>ಕರ್ನಾಟಕಕ್ಕೆ 4 ಪದಕ:</p>.<p>ಎರಡನೇ ದಿನ ಕರ್ನಾಟಕದ ಅಥ್ಲೀಟುಗಳು ಮೂರು ಬೆಳ್ಳಿ, ಒಂದು ಕಂಚಿನ ಪದಕ ಗೆದ್ದುಕೊಂಡರು.</p>.<p>ಪುರುಷರ ಡಿಸ್ಕಸ್ ಥ್ರೊನಲ್ಲಿ ನಾಗೇಂದ್ರ ಎ. ಅವರು 52.48 ಮೀ. ದೂರಕ್ಕೆ ಡಿಸ್ಕ್ ಎಸೆದು ಬೆಳ್ಳಿ ಗೆದ್ದುಕೊಂಡರು. ಜೆಎಸ್ಡಬ್ಲ್ಯು ತಂಡದ ಉಜ್ವಲ್ 53.60 ಮೀ. ದಾಖಲಿಸಿ ಚಿನ್ನ ಗೆದ್ದರು.</p>.<p>ಹೈಜಂಪ್ನಲ್ಲಿ ಸುದೀಪ್ 2.11 ಮೀ. ಜಿಗಿದು ಬೆಳ್ಳಿ ಗೆದ್ದರು. ಹರಿಯಾಣದ ಶಿವ್ ಭಗವಾನ್ (2.13 ಮೀ.) ಚಿನ್ನ ತಮ್ಮದಾಗಿಸಿಕೊಂಡರು. </p>.<p>ಮಹಿಳೆಯರ ವಿಭಾಗದ 400 ಮೀ. ಓಟವನ್ನು 54.71 ಸೆ.ಗಳಲ್ಲಿ ಪೂರೈಸಿದ ಪ್ರಿಯಾ ಬೆಳ್ಳಿ ಗೆದ್ದರು. ಉತ್ತರ ಪ್ರದೇಶದ ಆಯುಷಿ (53.62 ಸೆ.) ಚಿನ್ನ ಗೆದ್ದರು.</p>.<p>100 ಮೀ ಹರ್ಡಲ್ಸ್ನಲ್ಲಿ ಶ್ರೀಯಾ ರಾಜೇಶ್ 13.90 ಸೆ.ಗಳಲ್ಲಿ ದೂರ ಕ್ರಮಿಸಿ ಕಂಚಿನ ಪದಕ ತಮ್ಮದಾಗಿಸಿಕೊಂಡರು. ಜೆೆೆಎಸ್ಡಬ್ಲ್ಯು ಪ್ರತಿನಿಧಿಸಿದ ಪ್ರಾಂಜಲಿ ಆರ್. (13.73 ಸೆ.) ಮತ್ತು ತಮಿಳುನಾಡಿನ ಅಕ್ಷ್ಚಿ ದಾಸ್ (13.90 ಸೆ.) ಕ್ರಮವಾಗಿ ಮೊದಲ ಎರಡು ಸ್ಥಾನ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
