<p><strong>ಬೆಂಗಳೂರು</strong>: ಆಯುಷ್ ಕೊಟ್ಟಾರಿ ಮತ್ತು ಅರವಿಂದ್ರನ್ ಎಸ್. ಅವರ ಆಟದ ಬಲದಿಂದ ಕರ್ನಾಟಕ ತಂಡವು ಎನ್ಎಫ್ಸಿ ಸಬ್ ಜೂನಿಯರ್ ಬಾಲಕರ (13 ವರ್ಷದೊಳಗಿನವರ) ಫುಟ್ಬಾಲ್ ಟೂರ್ನಿಯ ಸೆಮಿಫೈನಲ್ನಲ್ಲಿ 5–3 ಗೋಲುಗಳಿಂದ ದೆಹಲಿ ತಂಡವನ್ನು ಸೋಲಿಸಿ ಪ್ರಶಸ್ತಿ ಸುತ್ತು ಪ್ರವೇಶಿಸಿತು.</p>.<p>ಬೆಂಗಳೂರು ಫುಟ್ಬಾಲ್ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಮಧ್ಯಂತರದ ವೇಳೆ ಆತಿಥೇಯರು 2–1 ಗೋಲುಗಳ ಮುನ್ನಡೆ ಪಡೆದಿತ್ತು. ಉತ್ತರಾರ್ಧದಲ್ಲೂ ಕರ್ನಾಟಕದ ಬಾಲಕರು ಚುರುಕಿನ ಆಟವಾಡಿದರು. </p>.<p>ಕರ್ನಾಟಕದ ಪರ ಆಯುಷ್ (33ನೇ ಮತ್ತು 44ನೇ ನಿ.) ಮತ್ತು ಅರವಿಂದ್ರನ್ (58ನೇ ಮತ್ತು 73ನೇ) ತಲಾ ಎರಡು ಗೋಲಿನೊಂದಿಗೆ ಮಿಂಚಿದರೆ, ಸಿ.ಎಚ್.ಸಕೀಪ್ (65ನೇ ನಿ) ಒಂದು ಬಾರಿ ಚೆಂಡನ್ನು ಗುರಿ ಸೇರಿಸಿದರು.</p>.<p>ಮ್ಯಾಕ್ಡೋನಿಶ್ ನ್ಗೈರಂಗಬಾಮ್ (80ನೇ ಮತ್ತು 84ನೇ ನಿ), ಹುತೊ ಮಿಲ್ಲೊ (34ನೇ) ದೆಹಲಿ ತಂಡಕ್ಕೆ ಗೋಲು ತಂದಿತ್ತರು.</p>.<p>ಟೂರ್ನಿಯಲ್ಲಿ ಒಟ್ಟು 14 ತಂಡಗಳು ಪಾಲ್ಗೊಂಡಿವೆ. ಎ ಮತ್ತು ಸಿ ಗುಂಪಿನ ಪಂದ್ಯಗಳು ಈಗಾಗಲೇ ಮುಕ್ತಾಯವಾಗಿ ಕರ್ನಾಟಕ ಫೈನಲ್ಗೇರಿದೆ. ಶನಿವಾರದಿಂದ ಬಿ ಮತ್ತು ಡಿ ಗುಂಪಿನ ಪಂದ್ಯಗಳು ಆರಂಭಗೊಳ್ಳಲಿವೆ. ಅವುಗಳಲ್ಲಿ ಅಗ್ರಸ್ಥಾನ ಪಡೆಯುವ ತಂಡ ಇದೇ 22ರಂದು ಕರ್ನಾಟಕವನ್ನು ಎದುರಿಸಲಿದೆ. </p>.<p>ಶನಿವಾರ ಬಿ ಗುಂಪಿನ ಪಂದ್ಯದಲ್ಲಿ ಮಣಿಪುರ ಮತ್ತು ಕೇರಳ; ಜಾರ್ಖಂಡ್ ಮತ್ತು ಗುಜರಾತ್; ಡಿ ಗುಂಪಿನ ಪಂದ್ಯದಲ್ಲಿ ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳ; ಮಹಾರಾಷ್ಟ್ರ ಮತ್ತು ಗೋವಾ ತಂಡಗಳು ಮುಖಾಮುಖಿಯಾಗುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಆಯುಷ್ ಕೊಟ್ಟಾರಿ ಮತ್ತು ಅರವಿಂದ್ರನ್ ಎಸ್. ಅವರ ಆಟದ ಬಲದಿಂದ ಕರ್ನಾಟಕ ತಂಡವು ಎನ್ಎಫ್ಸಿ ಸಬ್ ಜೂನಿಯರ್ ಬಾಲಕರ (13 ವರ್ಷದೊಳಗಿನವರ) ಫುಟ್ಬಾಲ್ ಟೂರ್ನಿಯ ಸೆಮಿಫೈನಲ್ನಲ್ಲಿ 5–3 ಗೋಲುಗಳಿಂದ ದೆಹಲಿ ತಂಡವನ್ನು ಸೋಲಿಸಿ ಪ್ರಶಸ್ತಿ ಸುತ್ತು ಪ್ರವೇಶಿಸಿತು.</p>.<p>ಬೆಂಗಳೂರು ಫುಟ್ಬಾಲ್ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಮಧ್ಯಂತರದ ವೇಳೆ ಆತಿಥೇಯರು 2–1 ಗೋಲುಗಳ ಮುನ್ನಡೆ ಪಡೆದಿತ್ತು. ಉತ್ತರಾರ್ಧದಲ್ಲೂ ಕರ್ನಾಟಕದ ಬಾಲಕರು ಚುರುಕಿನ ಆಟವಾಡಿದರು. </p>.<p>ಕರ್ನಾಟಕದ ಪರ ಆಯುಷ್ (33ನೇ ಮತ್ತು 44ನೇ ನಿ.) ಮತ್ತು ಅರವಿಂದ್ರನ್ (58ನೇ ಮತ್ತು 73ನೇ) ತಲಾ ಎರಡು ಗೋಲಿನೊಂದಿಗೆ ಮಿಂಚಿದರೆ, ಸಿ.ಎಚ್.ಸಕೀಪ್ (65ನೇ ನಿ) ಒಂದು ಬಾರಿ ಚೆಂಡನ್ನು ಗುರಿ ಸೇರಿಸಿದರು.</p>.<p>ಮ್ಯಾಕ್ಡೋನಿಶ್ ನ್ಗೈರಂಗಬಾಮ್ (80ನೇ ಮತ್ತು 84ನೇ ನಿ), ಹುತೊ ಮಿಲ್ಲೊ (34ನೇ) ದೆಹಲಿ ತಂಡಕ್ಕೆ ಗೋಲು ತಂದಿತ್ತರು.</p>.<p>ಟೂರ್ನಿಯಲ್ಲಿ ಒಟ್ಟು 14 ತಂಡಗಳು ಪಾಲ್ಗೊಂಡಿವೆ. ಎ ಮತ್ತು ಸಿ ಗುಂಪಿನ ಪಂದ್ಯಗಳು ಈಗಾಗಲೇ ಮುಕ್ತಾಯವಾಗಿ ಕರ್ನಾಟಕ ಫೈನಲ್ಗೇರಿದೆ. ಶನಿವಾರದಿಂದ ಬಿ ಮತ್ತು ಡಿ ಗುಂಪಿನ ಪಂದ್ಯಗಳು ಆರಂಭಗೊಳ್ಳಲಿವೆ. ಅವುಗಳಲ್ಲಿ ಅಗ್ರಸ್ಥಾನ ಪಡೆಯುವ ತಂಡ ಇದೇ 22ರಂದು ಕರ್ನಾಟಕವನ್ನು ಎದುರಿಸಲಿದೆ. </p>.<p>ಶನಿವಾರ ಬಿ ಗುಂಪಿನ ಪಂದ್ಯದಲ್ಲಿ ಮಣಿಪುರ ಮತ್ತು ಕೇರಳ; ಜಾರ್ಖಂಡ್ ಮತ್ತು ಗುಜರಾತ್; ಡಿ ಗುಂಪಿನ ಪಂದ್ಯದಲ್ಲಿ ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳ; ಮಹಾರಾಷ್ಟ್ರ ಮತ್ತು ಗೋವಾ ತಂಡಗಳು ಮುಖಾಮುಖಿಯಾಗುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
