ಮುಂದುವರಿದ ಪವನ್ ಪರಾಕ್ರಮ– ಮೂರನೇ ಸ್ಥಾನಕ್ಕೆ ನೆಗೆದ ಬುಲ್ಸ್‌

ಪಟ್ನಾ: ಉತ್ತಮ ರೈಡಿಂಗ್ ಪ್ರದರ್ಶನ ಮುಂದುವರಿಸಿದ ಪವನ್ ಶೆರಾವತ್ ಬೆಂಗಳೂರು ಬುಲ್ಸ್ ತಂಡ ಪಾರಮ್ಯ ಸಾಧಿಸಲು ನೆರವಾದರು. ಅವರ ಉತ್ತಮ ಕೊಡುಗೆಯ ನೆರವಿನಿಂದ ಬೆಂಗಳೂರು ಬುಲ್ಸ್ ತಂಡ ಪ್ರೊ ಕಬಡ್ಡಿ ಲೀಗ್ ಪಂದ್ಯದಲ್ಲಿ ಗುರುವಾರ ತಳದಲ್ಲಿರುವ ತೆಲುಗು ಟೈಟನ್ಸ್ ಮೇಲೆ 47–26 ರಲ್ಲಿ ಆರಾಮವಾಗಿ ಗೆಲುವನ್ನು ದಾಖಲಿಸಿತು.

. ಪಾಟಲೀಪುತ್ರ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ವಿರಾಮದ ವೇಳೆಗೆ ವಿಜೇತರು 21–14 ಪಾಯಿಂಟ್ಗಳ ಮುನ್ನಡೆ ಸಾಧಿಸಿದ್ದರು. 23 ವರ್ಷ ವಯಸ್ಸಿನ ಪವನ್ ಈ ಪಂದ್ಯದಲ್ಲಿ 17 ಪಾಯಿಂಟ್ಸ್ ಗಳಿಸಿಕೊಟ್ಟರು. ಆ ಹಾದಿಯಲ್ಲಿ ಪ್ರೊ ಕಬಡ್ಡಿ ಲೀಗ್ನಲ್ಲಿ 400 ಪಾಯಿಂಟ್ಗಳ ಮೈಲಿಗಲ್ಲನ್ನು ದಾಟಿಸಿದರು.

. ಈ ಗೆಲುವಿನಿಂದ 12 ತಂಡಗಳ ಪಾಯಿಂಟ್ ಪಟ್ಟಿಯಲ್ಲಿ ಬುಲ್ಸ್ ಮೂರನೇ ಸ್ಥಾನಕ್ಕೆ ಜಿಗಿಯಿತು. ದಬಂಗ್ ಡೆಲ್ಲಿ (21) ಮತ್ತು ಜೈಪುರ್ ಪಿಂಕ್ ಪ್ಯಾಂಥರ್ಸ್ (20) ಮೊದಲ ಎರಡು ಸ್ಥಾನದಲ್ಲಿವೆ. ಬುಲ್ಸ್ ಕೂಡ 20 ಪಾಯಿಂಟ್ಸ್ ಸಂಗ್ರಹಿಸಿದ್ದರೂ, ಸ್ಕೋರ್ಗಳ ವ್ಯತ್ಯಾಸದ ಆಧಾರದಲ್ಲಿ ಮೂರನೇ ಸ್ಥಾನದಲ್ಲಿದೆ. ಟೈಟನ್ಸ್ ಆರು ಪಂದ್ಯಗಳಲ್ಲಿ ಐದು ಸೋತಿದ್ದು, ಒಂದು ಟೈ ಮಾಡಿಕೊಂಡು ಕೊನೆಯ ಸ್ಥಾನದಲ್ಲಿದೆ.

. ರೋಹಿತ್ ಕುಮಾರ್ ಮತ್ತು ಪವನ್ ಶೆರಾವತ್ ಆರಂಭದಿಂದಲೇ ಯಶಸ್ವಿ ರೈಡ್ಗಳ ಮೂಲಕ ಎದುರಾಳಿಗಳ ಮೇಲೆ ಒತ್ತಡ ಹೇರಿದರು. ಯಾವ ಹಂತದಲ್ಲೂ ಪ್ರತಿರೋಧ ಎದುರಾಗುವಂತೆ ಕಾಣಲಿಲ್ಲ.

. ಪವನ್ ಈ ಬಾರಿ ಆರು ಬೋನಸ್ ಸೇರಿದಂತೆ ರೈಡಿಂಗ್ನಲ್ಲಿ 14 ಮತ್ತು ಟ್ಯಾಕ್ಲಿಂಗ್ನಲ್ಲಿ ಮೂರು ಪಾಯಿಂಟ್ಸ್ ಗಳಿಸಿಕೊಟ್ಟರು. ಅವರಿಗೆ ರೈಡಿಂಗ್ನಲ್ಲಿ ಬೆಂಬಲ ನೀಡಿದ ರೋಹಿತ್ ಕುಮಾರ್ ಎಂಟು ಪಾಯಿಂಟ್ಸ್ ಗಳಿಸಿಕೊಟ್ಟರು. ಕ್ಯಾಚಿಂಗ್ನಲ್ಲಿ ಮಹೇಂದರ್ ಸಿಂಗ್ ಐದು ಪಾಯಿಂಟ್ಸ್ ಗಳಿಸಿದರು.

. ಟೈಟನ್ಸ್ ಪರ ಯಶಸ್ವಿ ರೈಡರ್ ಎನಿಸಿದ ಸಿದ್ಧಾರ್ಥ ಎಸ್.ದೇಸಾಯಿ 11 ಪಾಯಿಂಟ್ಸ್ ಗಳಿಸಿದರು. ಅವರು ಗುರುವಾರ ಮೂರನೇ ಪಾಯಿಂಟ್ ಪಡೆಯುತ್ತಿದ್ದಂತೆ ಪಿಕೆಎಲ್ನಲ್ಲಿ 250 ಪಾಯಿಂಟ್ಗಳನ್ನು ಪೂರೈಸಿದ ದಾಖಲೆಗೆ ಪಾತ್ರರಾದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮುಂದುವರಿದ ಪವನ್ ಪರಾಕ್ರಮ– ಮೂರನೇ ಸ್ಥಾನಕ್ಕೆ ನೆಗೆದ ಬುಲ್ಸ್‌

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!

ಚುರುಮುರಿ | ಒಳಾರ್ಥ–ಗೂಢಾರ್ಥ!

ವಿಶ್ವ ನಂ.1 ಕಾರ್ಲ್‌ಸನ್‌ಗೆ ಸೋಲುಣಿಸಿದ ಗುಕೇಶ್‌

IND vs ENG: ಜೇಮಿ ಸ್ಮಿತ್ 80 ಎಸೆತಗಳಲ್ಲಿ ಶತಕ,ಭಾರತಕ್ಕೆ ಆಂಗ್ಲರ ಪಡೆ ತಿರುಗೇಟು

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

NC Classic | ಭಾರತೀಯ ಅಥ್ಲೆಟಿಕ್ಸ್ ಇತಿಹಾಸದಲ್ಲಿ ಹೊಸ ಅಧ್ಯಾಯ: ನೀರಜ್ ಚೋಪ್ರಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!

ಚುರುಮುರಿ | ಒಳಾರ್ಥ–ಗೂಢಾರ್ಥ!