ಪ್ರೊ ಲೀಗ್ ಹಾಕಿ: ಬೆಲ್ಜಿಯಂ ಎದುರು ಭಾರತಕ್ಕೆ ಶುಭಾರಂಭದ ವಿಶ್ವಾಸ

ರೂರ್ಕೆಲಾ: ಭಾರತ ಪುರುಷರ ಹಾಕಿ ತಂಡ 2025ರ ಎಫ್ಐಎಚ್ ಪ್ರೊ ಲೀಗ್ನಲ್ಲಿ ಎಂಟನೇ ಸ್ಥಾನ ಗಳಿಸಿ ನಿರಾಸೆ ಮೂಡಿಸಿತ್ತು. ಬುಧವಾರ ಆರಂಭವಾಗುವ ಈ ಋತುವಿನ ಪ್ರೊ ಲೀಗ್ನ ಮೊದಲ ಪಂದ್ಯದಲ್ಲಿ ಆತಿಥೇಯ ಭಾರತ ತಂಡ ಉತ್ತಮ ಪ್ರದರ್ಶನದ ನಿರೀಕ್ಷೆಯಲ್ಲಿದೆ.

. ಬುಧವಾರ ಪ್ರಬಲ ಬೆಲ್ಜಿಯಂ ತಂಡವನ್ನು ಎದುರಿಸುವ ಮೂಲಕ ಭಾರತ ತಂಡ ಅಭಿಯಾನ ಆರಂಭಿಸಲಿದೆ. ಆತಿಥೇಯರು ಮರುದಿನ ಅರ್ಜೆಂಟೀನಾ ತಂಡದ ವಿರುದ್ಧ ಕಣಕ್ಕಿಳಿಯಲಿದ್ದಾರೆ. ಶನಿವಾರ ಬೆಲ್ಜಿಯಂ ತಂಡದ ವಿರುದ್ಧ ಮರುಪಂದ್ಯ ಆಡಲಿರುವ ಭಾರತ ತಂಡವು, ಭಾನುವಾರ ಅರ್ಜೆಂಟೀನಾ ತಂಡವನ್ನು ಮತ್ತೊಮ್ಮೆ ಎದುರಿಸಲಿದೆ.

. ಅನುಭವಿ ಮತ್ತು ಉದಯೋನ್ಮುಖ ಆಟಗಾರರ ಹದವಾದ ಮಿಶ್ರಣ ಹೊಂದಿರುವ ಭಾರತ ತಂಡವು, ಪ್ರಬಲ ಎದುರಾಳಿಗಳ ವಿರುದ್ಧ ತವರಿನಂಗಳದಲ್ಲಿ ಆಡುವ ಪರಿಸ್ಥಿತಿಯ ಲಾಭ ಪಡೆಯಲು ಯೋಚನೆಯಲ್ಲಿದೆ.

. ಭಾರತ ಈ ಬಾರಿಯ ಲೀಗ್ನಲ್ಲಿ ಆಡಲು ಕಾತರದಿಂದ ಕಾಯುತ್ತಿದ್ದರೆ, ಅರ್ಜೆಂಟೀನಾ ಮತ್ತು ಬೆಲ್ಜಿಯಂ– ಈ ಎರಡೂ ತಂಡಗಳು ಈಗಾಗಲೇ ಕೆಲವು ಪಂದ್ಯಗಳನ್ನು ಆಡಿದ್ದು ಉತ್ತಮ ಆರಂಭ ಮಾಡಿವೆ. ಅರ್ಜೆಂಟೀನಾ ನಾಲ್ಕು ಪಂದ್ಯಗಳನ್ನು ಆಡಿದ್ದು 11 ಅಂಕಗಳೊಡನೆ ಎರಡನೇ ಸ್ಥಾನದಲ್ಲಿದೆ. ಮೂರು ಪಂದ್ಯಗಳನ್ನು ನಿಗದಿ ಅವಧಿಯಲ್ಲಿ ಗೆದ್ದು, ಒಂದನ್ನು ಶೂಟೌಟ್ನಲ್ಲಿ ಜಯಿಸಿದೆ.

. ಬೆಲ್ಜಿಯಂ ಸಹ ನಾಲ್ಕು ಪಂದ್ಯಗಳನ್ನು ಆಡಿದ್ದು, 10 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ. ಮೂರು ಪಂದ್ಯಗಳನ್ನು ಗೆದ್ದು, ಒಂದನ್ನು ಶೂಟೌಟ್ನಲ್ಲಿ ಸೋತಿದೆ.

. ಇತಿಹಾಸ ಗಮನಿಸಿದರೆ, ಭಾರತ ವಿರುದ್ಧ ಈವರೆಗಿನ ಮುಖಾಮುಖಿಯಲ್ಲಿ ಬೆಲ್ಜಿಯಂ ಮೇಲುಗೈ ಸಾಧಿಸಿದೆ. 2013 ರಿಂದ ಈಚೆಗೆ ಉಭಯ ತಂಡಗಳು 34 ಸಲ ಮುಖಾಮುಖಿಯಾಗಿದ್ದು, ಯುರೋಪಿನ ತಂಡ 22 ಸಲ, ಭಾರತ 11 ಸಲ ಗೆದ್ದಿವೆ. ಎರಡು ಪಂದ್ಯಗಳು ಡ್ರಾ ಆಗಿವೆ.

. ಅರ್ಜೆಂಟೀನಾ ವಿರುದ್ಧ ಭಾರತದ ದಾಖಲೆ ಉತ್ತಮವಾಗಿದೆ.2013ರ ನಂತರ ಆಡಿರುವ 19 ಪಂದ್ಯಗಳಲ್ಲಿ 10ರಲ್ಲಿ ಗೆದ್ದಿದೆ. ಅರ್ಜೆಂಟೀನಾ ಏಳರಲ್ಲಿ ವಿಜಯಿಯಾಗಿದೆ.

. ‘ತಂಡದಲ್ಲಿ ಯುವ ಆಟಗಾರರಾದ ಅಮನದೀಪ್ ಲಾಕ್ರಾ, ಮನ್ಮೀತ್ ಸಿಂಗ್, ರೋಷನ್ ಕುಜೂರ್ ಅವರು ತಂಡದಲ್ಲಿ ಅವಕಾಶ ಪಡೆದಿರುವುದು ಸಂತಸ ಮೂಡಿಸಿದೆ. ಇತ್ತೀಚೆಗೆ ನಡೆದ ಹೀರೊ ಹಾಕಿ ಇಂಡಿಯಾ ಲೀಗ್ನಲ್ಲಿ ಈ ಯುವ ಆಟಗಾರರು ಅಮೋಘವಾಗಿ ಆಡಿದ್ದು, ತಮ್ಮಲ್ಲಿರುವ ಸಾಮರ್ಥ್ಯದ ಪರಿಚಯ ನೀಡಿದ್ದಾರೆ’ ಎಂದು ಭಾರತ ತಂಡದ ನಾಯಕ ಹರ್ಮನ್ಪ್ರೀತ್ ಸಿಂಗ್ ಹೇಳಿದರು.

. ‘ಅಂತರರಾಷ್ಟ್ರೀಯ ಮಟ್ಟದಲ್ಲಿ ಛಾಪು ಮೂಡಿಸಲು ಅವರಿಎ ಇದು ಸಕಾಲ. ಅವರೆಲ್ಲಾ ಅವಕಾಶ ಬಳಸಿಕೊಳ್ಳುವ ವಿಶ್ವಾಸವಿದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೊ ಲೀಗ್ ಹಾಕಿ: ಬೆಲ್ಜಿಯಂ ಎದುರು ಭಾರತಕ್ಕೆ ಶುಭಾರಂಭದ ವಿಶ್ವಾಸ

ಚಿನಕುರುಳಿ: ಮಂಗಳವಾರ, 10 ಫೆಬ್ರುವರಿ 2026

ಗುಂಡಣ್ಣ: ಮಂಗಳವಾರ, 10 ಫೆಬ್ರುವರಿ 2026

ಚುರುಮುರಿ: ಅಮೆರಿಕ ಮಗಾ...

ದಿನ ಭವಿಷ್ಯ: ಪ್ರಯತ್ನಿಸಿದ ಎಲ್ಲಾ ಕಾರ್ಯಗಳಲ್ಲಿ ಯಶಸ್ಸು ಪಡೆಯುವಿರಿ

ಏಷ್ಯನ್ ಶೂಟಿಂಗ್ ಚಾಂಪಿಯನ್‌ಷಿಪ್‌: ಆಕೃತಿಗೆ ಬೆಳ್ಳಿ, ಅಂಜುಮ್‌ಗೆ ಕಂಚು