<p><strong>ಬೆಂಗಳೂರು: ಪ್ಯಾ</strong>ರಾಲಿಂಪಿಯನ್ ಸುಮಿತ್ ಅಂಟಿಲ್ ಮತ್ತು ಗುಜರಾತ್ನ ಸಿ.ಎಸ್. ನಿಮಿಷಾ ಅವರು ಶುಕ್ರವಾರ ಇಲ್ಲಿ ಆರಂಭವಾದ 7ನೇ ಇಂಡಿಯನ್ ಪ್ಯಾರಾ ಅಥ್ಲೆಟಿಕ್ಸ್ನಲ್ಲಿ ಚಿನ್ನದ ಪದಕ ಗೆದ್ದರು. </p>.<p>ಕಂಠೀರವ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೂಟದ ಪುರುಷರ ಜಾವೆಲಿನ್ ಥ್ರೋ (ಎಫ್12 ಹಾಗೂ ಎಫ್64) ಸ್ಪರ್ಧೆಯಲ್ಲಿ ಹರಿಯಾಣದ ಸುಮಿತ್ ಅವರು 72.25 ಮೀಟರ್ಸ್ ದೂರ ಎಸೆತದ ಸಾಧನೆ ಮಾಡಿದರು.</p>.<p>ರಸ್ತೆ ಅಪಘಾತದಲ್ಲಿ ಎಡಗಾಲು ಕಳೆದುಕೊಂಡಿದ್ದ ಸುಮಿತ್ ಅವರು ಕೃತಕ ಕಾಲು ಅಳವಡಿಸಿಕೊಂಡಿದ್ದಾರೆ. 2020ರ ಟೋಕಿಯೊ ಮತ್ತು 2024ರ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ಗಳಲ್ಲಿ ಅವರು ಚಿನ್ನದ ಪದಕ ಗೆದ್ದಿದ್ದರು. ಹೋದ ವರ್ಷದ ವಿಶ್ವ ಪ್ಯಾರಾ ಗೇಮ್ಸ್ನಲ್ಲಿಯೂ ಚಿನ್ನದ ಸಾಧನೆ ಮಾಡಿದ್ದರು. </p>.<p>ಮಹಿಳೆಯರ ಲಾಂಗ್ ಜಂಪ್ (ಟಿ46 ಹಾಗೂ ಟಿ47) ಸ್ಪರ್ಧೆಯಲ್ಲಿ ಗುಜರಾತ್ನ ಸಿ.ಎಸ್. ನಿಮಿಷಾ 5.43 ಮೀಟರ್ಸ್ ದೂರ ಜಿಗಿದರು. ಅದರೊಂದಿಗೆ ಬಂಗಾರ ಪದಕ ತಮ್ಮದಾಗಿಸಿಕೊಂಡರು. ಪೋಲಿಯೊದಿಂದಾಗಿ ಅವರ ಒಂದು ಕೈ ಊನವಾಗಿರುವುದರಿಂದ ಈ ವಿಭಾಗದಲ್ಲಿ ಸ್ಪರ್ಧಿಸುತ್ತಿದ್ದಾರೆ. </p>.<p>ಪುರುಷರ ವಿಭಾಗದ ಜಾವೆಲಿನ್ನಲ್ಲಿ ಹರಿಯಾಣದ ನವದೀಪ್ ಕುಮಾರ್ ಅವರು 42.63 ಮೀಟರ್ಸ್ ದೂರ ಸಾಧನೆ ಮಾಡಿ ಬಂಗಾರ ಗಳಿಸಿದರು. ಎಫ್40 ಮತ್ತು ಎಫ್41 ವಿಭಾಗ ಇದಾಗಿದ್ದು, ಕುಬ್ಜರು ಭಾಗವಹಿಸುತ್ತಾರೆ. ನವದೀಪ್ ಅವರು ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ನಲ್ಲಿಯೂ ಪದಕ ಜಯಿಸಿದ್ದರು. </p>.<p>ಕರ್ನಾಟಕಕ್ಕೆ ಎರಡು ಪದಕ: ಈ ಕೂಟದಲ್ಲಿ ಕರ್ನಾಟಕದ ಸ್ಪರ್ಧಿಗಳು ಎರಡು ಪದಕ ಜಯಿಸಿದರು. ಪುರುಷರ 1500 ಮೀ ಓಟ (ಟಿ11)ದಲ್ಲಿ ಕೇಶವಮೂರ್ತಿ ಕಾನಾಟಿಕೆ ಬೆಳ್ಳಿ ಪದಕ ಗಳಿಸಿದರು. ಅವರು 4 ನಿಮಿಷ, 44.60 ಸೆಕೆಂಡುಗಳಲ್ಲಿ ಗುರಿ ತಲುಪಿದರು. ಈ ವಿಭಾಗದಲ್ಲಿ ಛತ್ತೀಸಗಡದಲ್ಲಿ ಸುಖದೇವ್ ಮತ್ತು ಹರಿಯಾಣದ ಅಂಕುರ್ ಧರ್ಮಾ ಕರ್ಮವಾಗಿ ಚಿನ್ನ ಮತ್ತು ಕಂಚು ಗಳಿಸಿದರು. </p>.<p>ಮಹಿಳೆಯರ ವಿಭಾಗದ ಲಾಂಗ್ ಜಂಪ್ (ಟಿ20, ಟಿ37 ಮತ್ತು ಟಿ44) ವಿಭಾಗದಲ್ಲಿ ಕರ್ನಾಟಕದ ಹರ್ಷಿತಾ ಟೇಟರ್ ಅವರು ಬೆಳ್ಳಿ ಪದಕ ಪಡೆದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: ಪ್ಯಾ</strong>ರಾಲಿಂಪಿಯನ್ ಸುಮಿತ್ ಅಂಟಿಲ್ ಮತ್ತು ಗುಜರಾತ್ನ ಸಿ.ಎಸ್. ನಿಮಿಷಾ ಅವರು ಶುಕ್ರವಾರ ಇಲ್ಲಿ ಆರಂಭವಾದ 7ನೇ ಇಂಡಿಯನ್ ಪ್ಯಾರಾ ಅಥ್ಲೆಟಿಕ್ಸ್ನಲ್ಲಿ ಚಿನ್ನದ ಪದಕ ಗೆದ್ದರು. </p>.<p>ಕಂಠೀರವ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೂಟದ ಪುರುಷರ ಜಾವೆಲಿನ್ ಥ್ರೋ (ಎಫ್12 ಹಾಗೂ ಎಫ್64) ಸ್ಪರ್ಧೆಯಲ್ಲಿ ಹರಿಯಾಣದ ಸುಮಿತ್ ಅವರು 72.25 ಮೀಟರ್ಸ್ ದೂರ ಎಸೆತದ ಸಾಧನೆ ಮಾಡಿದರು.</p>.<p>ರಸ್ತೆ ಅಪಘಾತದಲ್ಲಿ ಎಡಗಾಲು ಕಳೆದುಕೊಂಡಿದ್ದ ಸುಮಿತ್ ಅವರು ಕೃತಕ ಕಾಲು ಅಳವಡಿಸಿಕೊಂಡಿದ್ದಾರೆ. 2020ರ ಟೋಕಿಯೊ ಮತ್ತು 2024ರ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ಗಳಲ್ಲಿ ಅವರು ಚಿನ್ನದ ಪದಕ ಗೆದ್ದಿದ್ದರು. ಹೋದ ವರ್ಷದ ವಿಶ್ವ ಪ್ಯಾರಾ ಗೇಮ್ಸ್ನಲ್ಲಿಯೂ ಚಿನ್ನದ ಸಾಧನೆ ಮಾಡಿದ್ದರು. </p>.<p>ಮಹಿಳೆಯರ ಲಾಂಗ್ ಜಂಪ್ (ಟಿ46 ಹಾಗೂ ಟಿ47) ಸ್ಪರ್ಧೆಯಲ್ಲಿ ಗುಜರಾತ್ನ ಸಿ.ಎಸ್. ನಿಮಿಷಾ 5.43 ಮೀಟರ್ಸ್ ದೂರ ಜಿಗಿದರು. ಅದರೊಂದಿಗೆ ಬಂಗಾರ ಪದಕ ತಮ್ಮದಾಗಿಸಿಕೊಂಡರು. ಪೋಲಿಯೊದಿಂದಾಗಿ ಅವರ ಒಂದು ಕೈ ಊನವಾಗಿರುವುದರಿಂದ ಈ ವಿಭಾಗದಲ್ಲಿ ಸ್ಪರ್ಧಿಸುತ್ತಿದ್ದಾರೆ. </p>.<p>ಪುರುಷರ ವಿಭಾಗದ ಜಾವೆಲಿನ್ನಲ್ಲಿ ಹರಿಯಾಣದ ನವದೀಪ್ ಕುಮಾರ್ ಅವರು 42.63 ಮೀಟರ್ಸ್ ದೂರ ಸಾಧನೆ ಮಾಡಿ ಬಂಗಾರ ಗಳಿಸಿದರು. ಎಫ್40 ಮತ್ತು ಎಫ್41 ವಿಭಾಗ ಇದಾಗಿದ್ದು, ಕುಬ್ಜರು ಭಾಗವಹಿಸುತ್ತಾರೆ. ನವದೀಪ್ ಅವರು ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ನಲ್ಲಿಯೂ ಪದಕ ಜಯಿಸಿದ್ದರು. </p>.<p>ಕರ್ನಾಟಕಕ್ಕೆ ಎರಡು ಪದಕ: ಈ ಕೂಟದಲ್ಲಿ ಕರ್ನಾಟಕದ ಸ್ಪರ್ಧಿಗಳು ಎರಡು ಪದಕ ಜಯಿಸಿದರು. ಪುರುಷರ 1500 ಮೀ ಓಟ (ಟಿ11)ದಲ್ಲಿ ಕೇಶವಮೂರ್ತಿ ಕಾನಾಟಿಕೆ ಬೆಳ್ಳಿ ಪದಕ ಗಳಿಸಿದರು. ಅವರು 4 ನಿಮಿಷ, 44.60 ಸೆಕೆಂಡುಗಳಲ್ಲಿ ಗುರಿ ತಲುಪಿದರು. ಈ ವಿಭಾಗದಲ್ಲಿ ಛತ್ತೀಸಗಡದಲ್ಲಿ ಸುಖದೇವ್ ಮತ್ತು ಹರಿಯಾಣದ ಅಂಕುರ್ ಧರ್ಮಾ ಕರ್ಮವಾಗಿ ಚಿನ್ನ ಮತ್ತು ಕಂಚು ಗಳಿಸಿದರು. </p>.<p>ಮಹಿಳೆಯರ ವಿಭಾಗದ ಲಾಂಗ್ ಜಂಪ್ (ಟಿ20, ಟಿ37 ಮತ್ತು ಟಿ44) ವಿಭಾಗದಲ್ಲಿ ಕರ್ನಾಟಕದ ಹರ್ಷಿತಾ ಟೇಟರ್ ಅವರು ಬೆಳ್ಳಿ ಪದಕ ಪಡೆದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
