ಮಹಿಳಾ ಏಷ್ಯಾ ಕಪ್‌ ಹಾಕಿ: ಭಾರತಕ್ಕೆ ಸುಲಭದ ತುತ್ತಾದ ಥಾಯ್ಲೆಂಡ್

ಹಾಂಗ್ಝೌ (ಚೀನಾ) : ಉದಿತಾ ದುಹಾನ್ ಮತ್ತು ಬ್ಯೂಟಿ ಡುಂಗ್ಡುಂಗ್ ಅವರು ಗಳಿಸಿದ ಅವಳಿ ಗೋಲುಗಳ ನೆರವಿನಿಂದ ಭಾರತ ತಂಡ, ಮಹಿಳೆಯರ ಏಷ್ಯಾ ಕಪ್ ಹಾಕಿ ಟೂರ್ನಿಯ ತನ್ನ ಮೊದಲ ಪಂದ್ಯದಲ್ಲಿ ಶುಕ್ರವಾರ ಥಾಯ್ಲೆಂಡ್ ತಂಡವನ್ನು 11–0 ಗೋಲುಗಳಿಂದ ಸೋಲಿಸಿತು.

. ಉದಿತಾ ಅವರು ಪಂದ್ಯದ 30ನೇ ಮತ್ತು 52ನೇ ನಿಮಿಷ ಪೆನಾಲ್ಟಿ ಕಾರ್ನರ್ಗಳ ಮೂಲಕ ಗೋಲುಗಳನ್ನು ಗಳಿಸಿದರು. ಡುಂಗ್ಡುಂಗ್ ಅವರು 45 ಮತ್ತು 54ನೇ ನಿಮಿಷ ಗೋಲು ಹೊಡೆದರು.

. ಭಾರತದ ಇತರ ಗೋಲುಗಳನ್ನು– ಮಮ್ತಾಝ್ ಖಾನ್ (7ನೇ ನಿಮಿಷ), ಸಂಗೀತಾ ಕುಮಾರಿ (10ನೇ), ನವನೀತ್ ಕೌರ್ (16ನೇ), ಲಾಲ್ರೆಮ್ಸಿಯಾಮಿ (18ನೇ), ತೋಡಂ ಸುಮನ್ ದೇವಿ (49ನೇ), ಶರ್ಮಿಳಾ ದೇವಿ (57ನೇ) ಮತ್ತು ರುತುಜಾ ದಾದಾಸೊ ಪಿಸಳ್ (60ನೇ ನಿಮಿಷ) ಅವರು ಗಳಿಸಿದರು.

. ಸ್ಕೋರು ಸೂಚಿಸಿರುವಂತೆ ಭಾರತ ಈ ಪಂದ್ಯದಲ್ಲಿ ಸಂಪೂರ್ಣ ಮೇಲುಗೈ ಸಾಧಿಸಿತ್ತು. ವಿಶ್ವ ಕ್ರಮಾಂಕದಲ್ಲಿ ಪ್ರಸ್ತುತ 9ನೇ ಸ್ಥಾನದಲ್ಲಿರುವ ‘ನೀಲಿ ಧಿರಿಸಿನ ವನಿತೆಯರು’ ವಿರಾಮದ ವೇಳೆಗೆ 5–0 ಗೋಲುಗಳಿಂದ ಮುಂದಿದ್ದರು. ವಿಶ್ವಕ್ರಮಾಂಕದಲ್ಲಿ ಥಾಯ್ಲೆಂಡ್ 30ನೇ ಸ್ಥಾನದಲ್ಲಿದೆ.

. ಭಾರತ ಈ ಪಂದ್ಯದಲ್ಲಿ 9 ಪೆನಾಲ್ಟಿ ಕಾರ್ನರ್ಗಳಲ್ಲಿ ಐದನ್ನು ಗೋಲುಗಳಾಗಿ ಪರಿವರ್ತಿಸಿತು. ಥಾಯ್ಲೆಂಡ್ಗೆ ಪೆನಾಲ್ಟಿ ಕಾರ್ನರ್ಗಳೇ ಲಭ್ಯವಾಗಲಿಲ್ಲ.

. ಭಾರತ ತನ್ನ ಮುಂದಿನ ಪಂದ್ಯವನ್ನು ಶನಿವಾರ ಜಪಾನ್ ವಿರುದ್ಧ ಆಡಲಿದೆ. ಗುಂಪಿನ ಅಂತಿಮ ಪಂದ್ಯದಲ್ಲಿ ಸೆ. 8ರಂದು ಸಿಂಗಪುರವನ್ನು ಎದುರಿಸಲಿದೆ.

. ಎಂಟು ತಂಡಗಳು ತಲಾ ನಾಲ್ಕರಂತೆ ಎರಡು ಗುಂಪುಗಳಲ್ಲಿದೆ. ಮೊದಲ ಎರಡು ಸ್ಥಾನ ಗಳಿಸಿದ ತಂಡಗಳು ಸೂಪರ್ ಫೋರ್ ಹಂತಕ್ಕೆ ಮುನ್ನಡೆಯಲಿವೆ. ಈ ಹಂತದಲ್ಲಿ ಮೊದಲೆರಡು ಸ್ಥಾನ ಪಡೆಯುವ ತಂಡಗಳು ಸೆ. 14ರಂದು ಫೈನಲ್ ಆಡಲಿವೆ. ಫೈನಲ್ನಲ್ಲಿ ಗೆಲ್ಲುವ ತಂಡ 2026ರಲ್ಲಿ ಬೆಲ್ಜಿಯಂ ಮತ್ತು ನೆದರ್ಲೆಂಡ್ಸ್ ಜಂಟಿ ಆತಿಥ್ಯದಲ್ಲಿ ನಡೆಯಲಿರುವ ಮಹಿಳಾ ವಿಶ್ವಕಪ್ ಹಾಕಿ ಟೂರ್ನಿಗೆ ಅರ್ಹತೆ ಪಡೆಯಲಿದೆ.

. ಭಾರತ ತಂಡವು ಈ ಪಂದ್ಯಕ್ಕೆ ಅನುಭವಿಗಳಾದ ಗೋಲ್ ಕೀಪರ್ ಸವಿತಾ ಪೂನಿಯಾ ಮತ್ತು ಡ್ರ್ಯಾಗ್ಫ್ಲಿಕರ್ ದೀಪಿಕಾ ಅವರಿಲ್ಲದೇ ಆಡುತ್ತಿದೆ. ಇಬ್ಬರೂ ಗಾಯಾಳಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಹಿಳಾ ಏಷ್ಯಾ ಕಪ್‌ ಹಾಕಿ: ಭಾರತಕ್ಕೆ ಸುಲಭದ ತುತ್ತಾದ ಥಾಯ್ಲೆಂಡ್

ಚಿನಕುರುಳಿ: ಶುಕ್ರವಾರ, ಸೆಪ್ಟೆಂಬರ್ 05, 2025

ಚುರುಮುರಿ: ಬ್ರೈನ್‌ ಮ್ಯಾಪಿಂಗ್!

ದಿನ ಭವಿಷ್ಯ: ಈ ರಾಶಿಯವರ ವೈವಾಹಿಕ ಮಾತುಕತೆಗಳಲ್ಲಿ ಹಿತಕರ ಬೆಳವಣಿಗೆ ಇರುವುದು

ಚಿನಕುರುಳಿ: ಗುರುವಾರ, ಸೆಪ್ಟೆಂಬರ್ 04, 2025

ಕೊಹ್ಲಿ, ಧೋನಿ ಸೇರಿ ಎಲ್ಲರೂ ಬೆನ್ನಿಗೆ ಇರಿಯುವವವರೇ ಆಗಿದ್ದರು: ಯುವರಾಜ್ ತಂದೆ