ವಾರಂಗಲ್‌ನಲ್ಲಿ ಅಂತರರಾಜ್ಯ ಮುಕ್ತ ಅಥ್ಲೆಟಿಕ್ಸ್: ಅಮ್ಲನ್, ಚಿತ್ರವೇಲ್‌ಗೆ ಚಿನ್ನ

ವಾರಂಗಲ್: ಅಸ್ಸಾಂನ ಅಮ್ಲನ್ ಬೊರ್ಗೊಹೈನ್ ಮತ್ತು ತಮಿಳುನಾಡಿನ ಪ್ರವೀಣ ಚಿತ್ರವೇಲ್ ಭಾನುವಾರ ಇಲ್ಲಿ ಮುಕ್ತಾಯವಾದ 60ನೇ ರಾಷ್ಟ್ರೀಯ ಓಪನ್ ಅಥ್ಲೆಟಿಕ್ಸ್ ಚಾಂಪಿಯನ್ಷಿಪ್ನಲ್ಲಿ ದಾಖಲೆ ಬರೆದರು.

. ಪುರುಷರ 200 ಮೀಟರ್ಸ್ ಓಟದಲ್ಲಿ 20.75 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದ ಅಮ್ಲನ್ ಚಿನ್ನ ಗೆದ್ದರು. 23 ವರ್ಷದ ಅಮ್ಲನ್ ಹೈದರಾಬಾದ್ನಲ್ಲಿ ನೆಲೆಸಿದ್ದಾರೆ. 2014ರ ನಂತರ ಅವರು ಇದೇ ಮೊದಲ ಸಲ 200 ಮೀಟರ್ಸ್ ಓಟದಲ್ಲಿ ಭಾಗವಹಿಸಿದ್ದಾರೆ.

. ತಮಿಳುನಾಡಿನ 20 ವರ್ಷದ ಚಿತ್ರವೇಲ್ ಅವರು ಪುರುಷರ ಟ್ರಿಪಲ್ ಜಂಪ್ನಲ್ಲಿ 16.88 ಮೀಟರ್ ದೂರ ಜಿಗಿದು ಚಿನ್ನದ ಪದಕ ಜಯಿಸಿದರು. 2019ರಲ್ಲಿ ತಾವೇ ಮಾಡಿದದ 16.51 ಮೀಟರ್ ದಾಖಲೆಯನ್ನು ಉತ್ತಮಪಡಿಸಿಕೊಂಡರು.

. ಈ ಹಿಂದೆ ಉತ್ತಮ ಸಾಧನೆ ಮಾಡಿದ್ದ ರಂಜೀತ್ ಮಹೇಶ್ವರಿ (17.30 ಮೀ) ಮತ್ತು ಅರ್ಪಿಂದರ್ ಸಿಂಗ್ (17.17 ಮೀ) ಅವರ ನಂತರದ ಸ್ಥಾನವನ್ನು ಚಿತ್ರವೇಲ್ ಪಡೆದರು.

. ಇಲ್ಲಿ ಅವರಿಗೆ ನಿಕಟ ಪೈಪೋಟಿಯೊಡ್ಡಿದ ಅಬ್ದುಲ್ಲಾ ಅಬೂಬಕ್ಕರ್ (16.84ಮೀ) ಮತ್ತು ಕಾರ್ತಿಕ್ ಉನ್ನಿಕೃಷ್ಣನ್ (16.80ಮೀ) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಗಳಿಸಿದರು.

. ಮಂಜು ಬಾಲಾ ದಾಖಲೆ: ಮಹಿಳೆಯರ ಹ್ಯಾಮರ್ ಥ್ರೋನಲ್ಲಿ ಐದು ಥ್ರೋಗಳನ್ನು 60 ಮೀಟರ್ಸ್ಗಿಂತಲೂ ಹೆಚ್ಚು ಅಂತರಕ್ಕೆ ಎಸೆದ ಮಂಜು ಬಾಲಾಸಿಂಗ್ ನೂತನ ದಾಖಲೆ ಬರೆದರು. ಅವರು ತಮ್ಮ ಮೂರನೇ ಎಸೆತದಲ್ಲಿ 64.42 ಮೀ ಸಾಧನೆ ಮಾಡಿ ದಾಖಲೆ ಬರೆದರು.

. 2014ರ ಏಷ್ಯನ್ ಗೇಮ್ಸ್ನಲ್ಲಿ ಮಂಜುಬಾಲಾ ಪದಕ ಜಯಿಸಿದ್ದರು.

. ಎಸ್ಡಬ್ಲ್ಯುಆರ್ಗೆ 5 ಚಿನ್ನ

. ನೈರುತ್ಯ ರೈಲ್ವೆಯ ಅಥ್ಲೀಟ್ಗಳು ಐದು ಚಿನ್ನ, ಒಂದು ಬೆಳ್ಳಿ ಮತ್ತು ಮೂರು ಕಂಚಿನ ಪದಕಗಳನ್ನು ಜಯಿಸಿದ್ದಾರೆ.

. ಬೆಂಗಳೂರಿನ ರೈಲ್ವೆ ಕಚೇರಿಯಲ್ಲಿ ಜೂನಿಯರ್ ಕ್ಲರ್ಕ್ ಆಗಿರುವ ಐಶ್ವರ್ಯ ಶನಿವಾರ ಲಾಂಗ್ ಜಂಪ್ ಮತ್ತು ಟ್ರಿಪಲ್ ಜಂಪ್ನಲ್ಲಿ ಚಿನ್ನದ ಪದಕಗಳನ್ನು ಜಯಿಸಿದರು.

. ಜೆಸ್ಸಿ ಸುಂದರೇಶನ್ ಹೈಜಂಪ್ ನಲ್ಲಿ ಚಿನ್ನ, ಸಿಮಿ 100 ಮೀಟರ್ ಓಟದಲ್ಲಿ ಕಂಚು, 4X100 ಮೀ ಓಟದಲ್ಲಿ ಚಿನ್ನದ ಪದಕ ಜಯಿಸಿದರು.

. ಚಿನ್ನ ಗೆದ್ದ ಮಹಿಳೆಯರ ರಿಲೇ ತಂಡದಲ್ಲಿ ದಾನೇಶ್ವರಿ ಅವರೂ ಇದ್ದರು. 20 ಕಿ.ಮೀ ರೇಸ್ ವಾಕ್ನಲ್ಲಿ ರವೀನಾ ಬೆಳ್ಳಿ ಮತ್ತು ಪೋಲ್ವಾಲ್ಟ್ನಲ್ಲಿ ಮೆರಿಯಾ ಜೇಸನ್ ಕಂಚು ಜಯಿಸಿದರು. ಪುರುಷರ 20 ಕಿ.ಮೀ ರೇಸ್ ವಾಕ್ನಲ್ಲಿ ಜುನೀದ್ ಕಂಚು ಗಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಾರಂಗಲ್‌ನಲ್ಲಿ ಅಂತರರಾಜ್ಯ ಮುಕ್ತ ಅಥ್ಲೆಟಿಕ್ಸ್: ಅಮ್ಲನ್, ಚಿತ್ರವೇಲ್‌ಗೆ ಚಿನ್ನ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ