<p><strong>ಲಂಡನ್ (ಪಿಟಿಐ): </strong>ವಿಶ್ವ ಚಾಂಪಿಯನ್ಷಿಪ್ನ ಮಹಿಳೆಯರ 400 ಮೀಟರ್ಸ್ ಓಟದ ಸ್ಪರ್ಧೆಯಲ್ಲಿ ಭಾರತದ ನಿರ್ಮಲಾ ಶೆರಾನ್ ಅವರು ಸೆಮಿಫೈನಲ್ನಲ್ಲಿ ನಿರಾಸೆ ಕಂಡರು.</p>.<p>ಒಲಿಂಪಿಕ್ಸ್ ಕ್ರೀಡಾಂಗಣದಲ್ಲಿ ನಡೆದ ಸೆಮಿಫೈನಲ್ನ ಎರಡನೇ ಹೀಟ್ನಲ್ಲಿ ನಿರ್ಮಲಾ ಅವರು<br />53.07 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದರು. ಈ ಮೂಲಕ ಒಟ್ಟಾರೆ 22ನೇ ಸ್ಥಾನಕ್ಕೆ ತೃಪ್ತಿಪಟ್ಟರು. ಹೀಟ್ನಲ್ಲಿ ಒಟ್ಟು 24 ಓಟಗಾರ್ತಿಯರು ಭಾಗವಹಿಸಿದ್ದರು.</p>.<p>50.08 ಸೆಕೆಂಡುಗಳಲ್ಲಿ ನಿಗದಿತ ದೂರ ಕ್ರಮಿಸಿದ ಬಹ್ರೇನ್ನ ಸಾಲ್ವ ನಾಸೆರ್ ಮೊದಲ ಸ್ಥಾನ ಪಡೆದು ಫೈನಲ್ಗೆ ಅರ್ಹತೆ ಗಳಿಸಿದರು.</p>.<p>ಹಿಂದಿನ ಆವೃತ್ತಿಯಲ್ಲಿ ಚಿನ್ನ ಗೆದ್ದಿರುವ ಅಲಿಸನ್ ಫೆಲಿಕ್ಸ್ ಅವರು 50.12 ಸೆಕೆಂಡುಗಳಲ್ಲಿ ಅಂತಿಮ ರೇಖೆ ಮುಟ್ಟಿದರು.</p>.<p>ಟ್ರ್ಯಾಕ್ನ ಮೂರನೇ ಸಾಲಿನಲ್ಲಿ ಓಡಿದ ನಿರ್ಮಲಾ ಅವರಿಗೆ ಇಲ್ಲಿ ಫೈನಲ್ ಪ್ರವೇಶಿಸುವ ಉತ್ತಮ ಅವಕಾಶ ಇತ್ತು. 200 ಮೀಟರ್ಸ್<br />ವರೆಗೂ ದಿಟ್ಟತನದಿಂದ ಓಡಿದ ಅವರು ನಂತರ ವೇಗ ತಗ್ಗಿಸಿಕೊಂಡು ಹಿಂದೆ ಬಿದ್ದರು. ಹೀಟ್ಸ್ನಲ್ಲಿ ನಿರ್ಮಲಾ<br />ಅವರು 52.01 ಸೆಕೆಂಡುಗಳ ಸಾಮರ್ಥ್ಯ ತೋರಿ ಸೆಮಿಫೈನಲ್ಗೆ ಅರ್ಹತೆ ಗಳಿಸಿದ್ದರು.</p>.<p>‘ಇಲ್ಲಿ ಪದಕ ಗೆಲ್ಲಲಾಗದಿದ್ದರೆ, ವೈಯಕ್ತಿಕ ಸಾಧನೆಯನ್ನಾದರೂ (51.28ಸೆ.) ಉತ್ತಮಪಡಿಸಿಕೊಳ್ಳಬೇಕು ಎಂಬ ಗುರಿ ಇಟ್ಟುಕೊಂಡಿದ್ದೆ. ಹೀಟ್ಸ್ನಲ್ಲಿ ಶ್ರೇಷ್ಠ ಸಾಮರ್ಥ್ಯ ತೋರಿದ್ದರಿಂದ ವಿಶ್ವಾಸ ಹೆಚ್ಚಿತ್ತು. ಆದರೆ ಸೆಮಿಫೈನಲ್ ಹೀಟ್ಸ್ನಲ್ಲಿ ಚುರುಕಾಗಿ ಓಡಲು ಆಗಲಿಲ್ಲ’ ಎಂದು ಸ್ಪರ್ಧೆಯ ಬಳಿಕ ನಿರ್ಮಲಾ ಪ್ರತಿಕ್ರಿಯಿಸಿದ್ದಾರೆ.</p>.<p>ಸ್ವಪ್ನಾಗೆ 26ನೇ ಸ್ಥಾನ:ಹೆಪ್ಟಾಥ್ಲಾನ್ನಲ್ಲಿ ಕಣಕ್ಕಿಳಿದಿದ್ದ ಸ್ವಪ್ನಾ ಬರ್ಮನ್ ಅವರು 26ನೇ ಸ್ಥಾನ ಗಳಿಸಲಷ್ಟೇ ಶಕ್ತರಾದರು.</p>.<p>ಸ್ಪರ್ಧೆಯ ವೇಳೆ ಬೆನ್ನು ನೋವಿನಿಂದ ಬಳಲಿದ್ದ ಅವರು 5,431 ಪಾಯಿಂಟ್ಸ್ ಕಲೆಹಾಕಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ): </strong>ವಿಶ್ವ ಚಾಂಪಿಯನ್ಷಿಪ್ನ ಮಹಿಳೆಯರ 400 ಮೀಟರ್ಸ್ ಓಟದ ಸ್ಪರ್ಧೆಯಲ್ಲಿ ಭಾರತದ ನಿರ್ಮಲಾ ಶೆರಾನ್ ಅವರು ಸೆಮಿಫೈನಲ್ನಲ್ಲಿ ನಿರಾಸೆ ಕಂಡರು.</p>.<p>ಒಲಿಂಪಿಕ್ಸ್ ಕ್ರೀಡಾಂಗಣದಲ್ಲಿ ನಡೆದ ಸೆಮಿಫೈನಲ್ನ ಎರಡನೇ ಹೀಟ್ನಲ್ಲಿ ನಿರ್ಮಲಾ ಅವರು<br />53.07 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದರು. ಈ ಮೂಲಕ ಒಟ್ಟಾರೆ 22ನೇ ಸ್ಥಾನಕ್ಕೆ ತೃಪ್ತಿಪಟ್ಟರು. ಹೀಟ್ನಲ್ಲಿ ಒಟ್ಟು 24 ಓಟಗಾರ್ತಿಯರು ಭಾಗವಹಿಸಿದ್ದರು.</p>.<p>50.08 ಸೆಕೆಂಡುಗಳಲ್ಲಿ ನಿಗದಿತ ದೂರ ಕ್ರಮಿಸಿದ ಬಹ್ರೇನ್ನ ಸಾಲ್ವ ನಾಸೆರ್ ಮೊದಲ ಸ್ಥಾನ ಪಡೆದು ಫೈನಲ್ಗೆ ಅರ್ಹತೆ ಗಳಿಸಿದರು.</p>.<p>ಹಿಂದಿನ ಆವೃತ್ತಿಯಲ್ಲಿ ಚಿನ್ನ ಗೆದ್ದಿರುವ ಅಲಿಸನ್ ಫೆಲಿಕ್ಸ್ ಅವರು 50.12 ಸೆಕೆಂಡುಗಳಲ್ಲಿ ಅಂತಿಮ ರೇಖೆ ಮುಟ್ಟಿದರು.</p>.<p>ಟ್ರ್ಯಾಕ್ನ ಮೂರನೇ ಸಾಲಿನಲ್ಲಿ ಓಡಿದ ನಿರ್ಮಲಾ ಅವರಿಗೆ ಇಲ್ಲಿ ಫೈನಲ್ ಪ್ರವೇಶಿಸುವ ಉತ್ತಮ ಅವಕಾಶ ಇತ್ತು. 200 ಮೀಟರ್ಸ್<br />ವರೆಗೂ ದಿಟ್ಟತನದಿಂದ ಓಡಿದ ಅವರು ನಂತರ ವೇಗ ತಗ್ಗಿಸಿಕೊಂಡು ಹಿಂದೆ ಬಿದ್ದರು. ಹೀಟ್ಸ್ನಲ್ಲಿ ನಿರ್ಮಲಾ<br />ಅವರು 52.01 ಸೆಕೆಂಡುಗಳ ಸಾಮರ್ಥ್ಯ ತೋರಿ ಸೆಮಿಫೈನಲ್ಗೆ ಅರ್ಹತೆ ಗಳಿಸಿದ್ದರು.</p>.<p>‘ಇಲ್ಲಿ ಪದಕ ಗೆಲ್ಲಲಾಗದಿದ್ದರೆ, ವೈಯಕ್ತಿಕ ಸಾಧನೆಯನ್ನಾದರೂ (51.28ಸೆ.) ಉತ್ತಮಪಡಿಸಿಕೊಳ್ಳಬೇಕು ಎಂಬ ಗುರಿ ಇಟ್ಟುಕೊಂಡಿದ್ದೆ. ಹೀಟ್ಸ್ನಲ್ಲಿ ಶ್ರೇಷ್ಠ ಸಾಮರ್ಥ್ಯ ತೋರಿದ್ದರಿಂದ ವಿಶ್ವಾಸ ಹೆಚ್ಚಿತ್ತು. ಆದರೆ ಸೆಮಿಫೈನಲ್ ಹೀಟ್ಸ್ನಲ್ಲಿ ಚುರುಕಾಗಿ ಓಡಲು ಆಗಲಿಲ್ಲ’ ಎಂದು ಸ್ಪರ್ಧೆಯ ಬಳಿಕ ನಿರ್ಮಲಾ ಪ್ರತಿಕ್ರಿಯಿಸಿದ್ದಾರೆ.</p>.<p>ಸ್ವಪ್ನಾಗೆ 26ನೇ ಸ್ಥಾನ:ಹೆಪ್ಟಾಥ್ಲಾನ್ನಲ್ಲಿ ಕಣಕ್ಕಿಳಿದಿದ್ದ ಸ್ವಪ್ನಾ ಬರ್ಮನ್ ಅವರು 26ನೇ ಸ್ಥಾನ ಗಳಿಸಲಷ್ಟೇ ಶಕ್ತರಾದರು.</p>.<p>ಸ್ಪರ್ಧೆಯ ವೇಳೆ ಬೆನ್ನು ನೋವಿನಿಂದ ಬಳಲಿದ್ದ ಅವರು 5,431 ಪಾಯಿಂಟ್ಸ್ ಕಲೆಹಾಕಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>