ಶುಕ್ರವಾರ ಮೊದಲ ಸಿಂಗಲ್ಸ್ನಲ್ಲಿ ಬಿ.ಸಾಯಿಪ್ರಣೀತ್ ತೀವ್ರ ಹೋರಾಟದ ನಂತರ 14–21, 21–14, 12–21 ರಿಂದ 12ನೇ ಕ್ರಮಾಂಕದ ಕಾಂತಫೊನ್ ವಾಂಗ್ಚರೋನ್ ಅವರಿಗೆ ಮಣಿದರು. ಎರಡನೇ ಸಿಂಗಲ್ಸ್ನಲ್ಲಿ ಕಿದಂಬಿ ಶ್ರೀಕಾಂತ್ ನೇರ ಆಟಗಳಿಂದ ಕುನ್ಲವುತ್ ವಿಟಿಡ್ಸರ್ನ್ ಅವರಿಗೆ ಶರಣಾಗಿ ಭಾರತ 0–2 ಹಿನ್ನಡೆ ಅನುಭವಿಸಿತು. ಆದರೆ ಮೊದಲ ಡಬಲ್ಸ್ನಲ್ಲಿ ಎಂ.ಆರ್.ಅರ್ಜುನ್– ಧ್ರುವ್ ಕಪಿಲ ಜೋಡಿ ಡಬಲ್ಸ್ನಲ್ಲಿ ಎದುರಾಳಿ ಜೋಡಿಯನ್ನು ಸೋಲಿಸಿತು. ಲಕ್ಷ್ಯ ಸೇನ್ ಸಿಂಗಲ್ಸ್ನಲ್ಲಿ 21–19, 21–18 ರಿಂದ ಸುಪ್ಪನ್ಯು ಅವಿಹಿಂಗ್ಸನೋನ್ ಮೇಲೆ ಗೆದ್ದರು. ಚಿರಾಗ್ ಶೆಟ್ಟಿ– ಶ್ರೀಕಾಂತ್ ಡಬಲ್ಸ್ನಲ್ಲಿ ಗೆಲ್ಲುವ ಮೂಲಕ ಭಾರತ ಗೆಲುವಿನ ನಗೆ ಬೀರಿತು.