<p><strong>ಟೋಕಿಯೊ</strong>: ಕೋವಿಡ್–19 ಸಾಂಕ್ರಾಮಿಕ ನಿಯಂತ್ರಿಸಲು ಜಪಾನ್ನ ಟೋಕಿಯೊ ಮತ್ತು ಇತರ ಪ್ರದೇಶಗಳಲ್ಲಿ ಜಾರಿ ಮಾಡಲಾಗಿರುವ ತುರ್ತುಪರಿಸ್ಥಿಯನ್ನು ಶುಕ್ರವಾರ ಮತ್ತೆ 20 ದಿನಗಳಿಗೆ ವಿಸ್ತರಿಸಲಾಗಿದೆ. ಕೊರೊನಾ ಪ್ರಕರಣಗಳು ಇನ್ನೂ ಏರುಗತಿಯಲ್ಲಿರುವುದರಿಂದ ಈ ಬಾರಿಯ ಒಲಿಂಪಿಕ್ಸ್ಅನ್ನುಪ್ರೇಕ್ಷಕರಿಲ್ಲದೆ ಆಯೋಜಿಸುವ ಸುಳಿವನ್ನೂ ಆಯೋಜನಾ ಸಮಿತಿ ನೀಡಿದೆ.</p>.<p>‘ಸೋಂಕು ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಪಶ್ಚಿಮ ಜಪಾನ್ನ ಒಸಾಕ ಪ್ರಾಂತ್ಯವು ಹೆಚ್ಚು ಬಾಧಿತವಾಗಿದೆ. ಇಲ್ಲಿ ವೈದ್ಯಕೀಯ ಸೌಲಭ್ಯಗಳ ಕೊರತೆಯಿದೆ‘ ಎಂದು ನಿರ್ಧಾರ ಪ್ರಕಟಿಸುವ ವೇಳೆ ಜಪಾನ್ ಪ್ರಧಾನಿ ಯೋಶಿಹಿದೆ ಸುಗಾ ತಿಳಿಸಿದ್ದಾರೆ.</p>.<p>ಒಲಿಂಪಿಕ್ಸ್ಗೆ ವಿದೇಶಿ ಪ್ರೇಕ್ಷಕರಿಗೆ ನಿರ್ಬಂಧ ನಿರ್ಧಾರವನ್ನು ಒಂದು ತಿಂಗಳ ಹಿಂದೆಯೇ ತೆಗದುಕೊಳ್ಳಲಾಗಿದೆ. ಅದೇ ರೀತಿ ಸ್ಥಳೀಯ ಪ್ರೇಕ್ಷಕರನ್ನೂ ಕೂಟದಿಂದ ನಿರ್ಬಂಧಿಸಲಾಗುತ್ತದೆಯೇ ಎಂಬುದರ ಕುರಿತು ನಿರ್ಧಾರ ತಳೆಯಬೇಕಿದೆ. ಜಪಾನ್ನ ಅಥ್ಲೀಟ್ಗಳಿಗೆ ಲಸಿಕೆ ನೀಡಲು ಮೊದಲ ಆದ್ಯತೆ ನೀಡಲಾಗುತ್ತಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.</p>.<p>2020ರಲ್ಲಿ ನಡೆಯಬೇಕಿದ್ದ ಒಲಿಂಪಿಕ್ಸ್ಅನ್ನು ಕೋವಿಡ್ ಹಾವಳಿಯ ಹಿನ್ನೆಲೆಯಲ್ಲಿ ಈ ವರ್ಷದ ಜುಲೈ 23ರಿಂದ ನಡೆಸಲು ಉದ್ದೇಶಿಸಲಾಗಿದೆ. ರೂಪಾಂತರಿ ವೈರಸ್ ಹರಡುವ ಕಳವಳ ಹಾಗೂ ಲಸಿಕೆ ನೀಡಿಕೆಯಲ್ಲಿ ನಿಧಾನಗತಿಯು ನಾಗರಿಕರ ಆತಂಕಕ್ಕೆ ಕಾರಣವಾಗಿದ್ದು, ಕೂಟವನ್ನು ರದ್ದುಗೊಳಿಸಲು ಆಗ್ರಹಿಸುತ್ತಿದ್ದಾರೆ. ವೈದ್ಯಕೀಯ ಪರಿಣತರು ಮತ್ತು ಪ್ರಾಯೋಜಕ ಸಂಸ್ಥೆಯೊಂದು ಈ ಕೂಗಿಗೆ ದನಿಗೂಡಿಸಿದೆ.</p>.<p>‘ಕೂಟಕ್ಕೆ ಸ್ಥಳೀಯ ಪ್ರೇಕ್ಷಕರಿಗೆ ಅವಕಾಶ ಕಲ್ಪಿಸಬೇಕೆ ಬೇಡವೇ ಎಂಬುದನ್ನು ಸಾಧ್ಯವಾದಷ್ಟು ಶೀಘ್ರ ನಿರ್ಧರಿಸಲು ಬಯಸುತ್ತೇವೆ. ತುರ್ತುಪರಿಸ್ಥಿತಿಯನ್ನು ತೆಗೆದುಹಾಕಿದ ಬಳಿಕ ಈ ಕುರಿತು ತೀರ್ಮಾನಿಸುತ್ತೇವೆ‘ ಎಂದು ಆಯೋಜನಾ ಸಮಿತಿಯ ಅಧ್ಯಕ್ಷೆ ಶೀಕೊ ಹಸಿಮೋಟೊ ತಿಳಿಸಿದ್ದಾರೆ.</p>.<p>‘ಒಲಿಂಪಿಕ್ಸ್ಅನ್ನು ಪ್ರೇಕ್ಷಕರಿಲ್ಲದೆ ನಡೆಸಬೇಕೆಂದು ಬಹಳಷ್ಟು ಜನ ಹೇಳುತ್ತಿದ್ದಾರೆ. ಇತರ ಕ್ರೀಡಾಕೂಟಗಳಲ್ಲಿಯೂ ಪ್ರೇಕ್ಷಕರಿಗೆ ಅವಕಾಶ ನೀಡಲಾಗುತ್ತಿದೆ. ಈ ವಿಷಯಗಳನ್ನೆಲ್ಲಾ ಗಮನದಲ್ಲಿಟ್ಟುಕೊಳ್ಳಬೇಕು.ಇದರಿಂದ ಸ್ಥಳೀಯ ವೈದ್ಯಕೀಯ ಸೇವೆಗಳ ಮೇಲೆ ಪರಿಣಾಮ ಬೀರಬಾರದು. ಈ ವಿಷಯಗಳನ್ನು ಪರಿಗಣಿಸಿ ಪ್ರೇಕ್ಷಕರ ಪ್ರವೇಶ ಕುರಿತು ನಿರ್ಧಾರ ತೆಗದುಕೊಳ್ಳಬೇಕಾಗಿದೆ‘ ಎಂದು ಅವರು ನುಡಿದರು.</p>.<p><strong>ಶೂಟಿಂಗ್ ತಂಡದೊಂದಿಗೆ ಇಬ್ಬರು ಕೋಚ್ಗಳು</strong><br /><strong>ನವದೆಹಲಿ</strong>: ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳಲಿರುವ ಭಾರತ ಶೂಟಿಂಗ್ ತಂಡದೊಂದಿಗೆ ರೈಫಲ್ ಕೋಚ್ ಒಲೆಗ್ ಮಿಖೈಲೊವ್ ಮತ್ತು ಪಿಸ್ತೂಲ್ ಕೋಚ್ ಪಾವೆಲ್ ಸ್ಮಿರ್ನೊವ್ ಮಾತ್ರ ಇದ್ದು ಮಾರ್ಗದರ್ಶನ ಮಾಡಲಿದ್ದಾರೆ. ಇನ್ನುಳಿದ ಕೋಚ್ಗಳು ರೊಟೇಶನ್ ಮಾದರಿಯಲ್ಲಿ ಶೂಟರ್ಗಳಿಗೆ ಸಲಹೆ ನೀಡಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ</strong>: ಕೋವಿಡ್–19 ಸಾಂಕ್ರಾಮಿಕ ನಿಯಂತ್ರಿಸಲು ಜಪಾನ್ನ ಟೋಕಿಯೊ ಮತ್ತು ಇತರ ಪ್ರದೇಶಗಳಲ್ಲಿ ಜಾರಿ ಮಾಡಲಾಗಿರುವ ತುರ್ತುಪರಿಸ್ಥಿಯನ್ನು ಶುಕ್ರವಾರ ಮತ್ತೆ 20 ದಿನಗಳಿಗೆ ವಿಸ್ತರಿಸಲಾಗಿದೆ. ಕೊರೊನಾ ಪ್ರಕರಣಗಳು ಇನ್ನೂ ಏರುಗತಿಯಲ್ಲಿರುವುದರಿಂದ ಈ ಬಾರಿಯ ಒಲಿಂಪಿಕ್ಸ್ಅನ್ನುಪ್ರೇಕ್ಷಕರಿಲ್ಲದೆ ಆಯೋಜಿಸುವ ಸುಳಿವನ್ನೂ ಆಯೋಜನಾ ಸಮಿತಿ ನೀಡಿದೆ.</p>.<p>‘ಸೋಂಕು ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಪಶ್ಚಿಮ ಜಪಾನ್ನ ಒಸಾಕ ಪ್ರಾಂತ್ಯವು ಹೆಚ್ಚು ಬಾಧಿತವಾಗಿದೆ. ಇಲ್ಲಿ ವೈದ್ಯಕೀಯ ಸೌಲಭ್ಯಗಳ ಕೊರತೆಯಿದೆ‘ ಎಂದು ನಿರ್ಧಾರ ಪ್ರಕಟಿಸುವ ವೇಳೆ ಜಪಾನ್ ಪ್ರಧಾನಿ ಯೋಶಿಹಿದೆ ಸುಗಾ ತಿಳಿಸಿದ್ದಾರೆ.</p>.<p>ಒಲಿಂಪಿಕ್ಸ್ಗೆ ವಿದೇಶಿ ಪ್ರೇಕ್ಷಕರಿಗೆ ನಿರ್ಬಂಧ ನಿರ್ಧಾರವನ್ನು ಒಂದು ತಿಂಗಳ ಹಿಂದೆಯೇ ತೆಗದುಕೊಳ್ಳಲಾಗಿದೆ. ಅದೇ ರೀತಿ ಸ್ಥಳೀಯ ಪ್ರೇಕ್ಷಕರನ್ನೂ ಕೂಟದಿಂದ ನಿರ್ಬಂಧಿಸಲಾಗುತ್ತದೆಯೇ ಎಂಬುದರ ಕುರಿತು ನಿರ್ಧಾರ ತಳೆಯಬೇಕಿದೆ. ಜಪಾನ್ನ ಅಥ್ಲೀಟ್ಗಳಿಗೆ ಲಸಿಕೆ ನೀಡಲು ಮೊದಲ ಆದ್ಯತೆ ನೀಡಲಾಗುತ್ತಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.</p>.<p>2020ರಲ್ಲಿ ನಡೆಯಬೇಕಿದ್ದ ಒಲಿಂಪಿಕ್ಸ್ಅನ್ನು ಕೋವಿಡ್ ಹಾವಳಿಯ ಹಿನ್ನೆಲೆಯಲ್ಲಿ ಈ ವರ್ಷದ ಜುಲೈ 23ರಿಂದ ನಡೆಸಲು ಉದ್ದೇಶಿಸಲಾಗಿದೆ. ರೂಪಾಂತರಿ ವೈರಸ್ ಹರಡುವ ಕಳವಳ ಹಾಗೂ ಲಸಿಕೆ ನೀಡಿಕೆಯಲ್ಲಿ ನಿಧಾನಗತಿಯು ನಾಗರಿಕರ ಆತಂಕಕ್ಕೆ ಕಾರಣವಾಗಿದ್ದು, ಕೂಟವನ್ನು ರದ್ದುಗೊಳಿಸಲು ಆಗ್ರಹಿಸುತ್ತಿದ್ದಾರೆ. ವೈದ್ಯಕೀಯ ಪರಿಣತರು ಮತ್ತು ಪ್ರಾಯೋಜಕ ಸಂಸ್ಥೆಯೊಂದು ಈ ಕೂಗಿಗೆ ದನಿಗೂಡಿಸಿದೆ.</p>.<p>‘ಕೂಟಕ್ಕೆ ಸ್ಥಳೀಯ ಪ್ರೇಕ್ಷಕರಿಗೆ ಅವಕಾಶ ಕಲ್ಪಿಸಬೇಕೆ ಬೇಡವೇ ಎಂಬುದನ್ನು ಸಾಧ್ಯವಾದಷ್ಟು ಶೀಘ್ರ ನಿರ್ಧರಿಸಲು ಬಯಸುತ್ತೇವೆ. ತುರ್ತುಪರಿಸ್ಥಿತಿಯನ್ನು ತೆಗೆದುಹಾಕಿದ ಬಳಿಕ ಈ ಕುರಿತು ತೀರ್ಮಾನಿಸುತ್ತೇವೆ‘ ಎಂದು ಆಯೋಜನಾ ಸಮಿತಿಯ ಅಧ್ಯಕ್ಷೆ ಶೀಕೊ ಹಸಿಮೋಟೊ ತಿಳಿಸಿದ್ದಾರೆ.</p>.<p>‘ಒಲಿಂಪಿಕ್ಸ್ಅನ್ನು ಪ್ರೇಕ್ಷಕರಿಲ್ಲದೆ ನಡೆಸಬೇಕೆಂದು ಬಹಳಷ್ಟು ಜನ ಹೇಳುತ್ತಿದ್ದಾರೆ. ಇತರ ಕ್ರೀಡಾಕೂಟಗಳಲ್ಲಿಯೂ ಪ್ರೇಕ್ಷಕರಿಗೆ ಅವಕಾಶ ನೀಡಲಾಗುತ್ತಿದೆ. ಈ ವಿಷಯಗಳನ್ನೆಲ್ಲಾ ಗಮನದಲ್ಲಿಟ್ಟುಕೊಳ್ಳಬೇಕು.ಇದರಿಂದ ಸ್ಥಳೀಯ ವೈದ್ಯಕೀಯ ಸೇವೆಗಳ ಮೇಲೆ ಪರಿಣಾಮ ಬೀರಬಾರದು. ಈ ವಿಷಯಗಳನ್ನು ಪರಿಗಣಿಸಿ ಪ್ರೇಕ್ಷಕರ ಪ್ರವೇಶ ಕುರಿತು ನಿರ್ಧಾರ ತೆಗದುಕೊಳ್ಳಬೇಕಾಗಿದೆ‘ ಎಂದು ಅವರು ನುಡಿದರು.</p>.<p><strong>ಶೂಟಿಂಗ್ ತಂಡದೊಂದಿಗೆ ಇಬ್ಬರು ಕೋಚ್ಗಳು</strong><br /><strong>ನವದೆಹಲಿ</strong>: ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳಲಿರುವ ಭಾರತ ಶೂಟಿಂಗ್ ತಂಡದೊಂದಿಗೆ ರೈಫಲ್ ಕೋಚ್ ಒಲೆಗ್ ಮಿಖೈಲೊವ್ ಮತ್ತು ಪಿಸ್ತೂಲ್ ಕೋಚ್ ಪಾವೆಲ್ ಸ್ಮಿರ್ನೊವ್ ಮಾತ್ರ ಇದ್ದು ಮಾರ್ಗದರ್ಶನ ಮಾಡಲಿದ್ದಾರೆ. ಇನ್ನುಳಿದ ಕೋಚ್ಗಳು ರೊಟೇಶನ್ ಮಾದರಿಯಲ್ಲಿ ಶೂಟರ್ಗಳಿಗೆ ಸಲಹೆ ನೀಡಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>