<p><strong>ಸಿಂಗಪುರ</strong>: ಚಾಕಚಕ್ಯತೆಯ ಆಟವಾಡಿದ ಭಾರತದ ಪಿ.ವಿ. ಸಿಂಧು, ಭಾನುವಾರ ಇಲ್ಲಿ ಕೊನೆಗೊಂಡ ಸಿಂಗಪುರ ಓಪನ್ ಸೂಪರ್ 500 ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಚಾಂಪಿಯನ್ ಆದರು.</p>.<p>ಮಹಿಳೆಯರ ಸಿಂಗಲ್ಸ್ ವಿಭಾಗದ ಫೈನಲ್ನಲ್ಲಿ ಹೈದರಾಬಾದ್ನ ಅನುಭವಿ ಆಟಗಾರ್ತಿ 21-9, 11-21, 21-15 ರಲ್ಲಿ ಚೀನಾದ ವಾಂಗ್ ಜಿ ಯಿ ಅವರನ್ನು ಮಣಿಸಿದರು. ಫೈನಲ್ ಹಣಾಹಣಿ 58 ನಿಮಿಷ ನಡೆಯಿತು.</p>.<p>ಸಿಂಧು ಅವರು ಹಾಲಿ ಏಷ್ಯನ್ ಚಾಂಪಿಯನ್ ಆಗಿರುವ 22 ವರ್ಷದ ವಾಂಗ್ ವಿರುದ್ಧದ ಗೆಲುವಿನ ದಾಖಲೆಯನ್ನು 2–0 ಗೆ ಹೆಚ್ಚಿಸಿಕೊಂಡರು. ಕಳೆದ ವರ್ಷ ಆಲ್ ಇಂಗ್ಲೆಂಡ್ ಚಾಂಪಿಯನ್ಷಿಪ್ನಲ್ಲಿ ಇವರು ಎದುರಾಗಿದ್ದಾಗ ಸಿಂಧುಗೆ ಗೆಲುವು ಒಲಿದಿತ್ತು.</p>.<p>ಫೈನಲ್ನಲ್ಲಿ ಇಬ್ಬರು ಆಟಗಾರ್ತಿಯರು ಸಾಕಷ್ಟು ಸ್ವಯಂಕೃತ ತಪ್ಪುಗಳನ್ನು ಮಾಡಿದರು. ಆದರೆ ನಿರ್ಣಾಯಕ ಘಟ್ಟಗಳಲ್ಲಿ ಸಿಂಧು ಮೇಲುಗೈ ಸಾಧಿಸಿ ಗೆದ್ದರು. ಸಿಂಧುಗೆ ಈ ವರ್ಷ ದೊರೆತ ಮೂರನೇ ಪ್ರಶಸ್ತಿ ಇದು. ಈ ಹಿಂದೆ ಸೈಯದ್ ಮೋದಿ ಮತ್ತು ಸ್ವಿಸ್ ಓಪನ್ ಟೂರ್ನಿ ಜಯಿಸಿದ್ದರು.</p>.<p>ಮೊದಲ ಗೇಮ್ನಲ್ಲಿ ಆರಂಭದ ಎರಡು ಪಾಯಿಂಟ್ ಕಳೆದುಕೊಂಡ ಸಿಂಧು, ಆ ಬಳಿಕ ಅತ್ಯುತ್ತಮ ಆಟವಾಡಿ ಸತತ 11 ಪಾಯಿಂಟ್ ಕಲೆಹಾಕಿದರು. ವಿರಾಮದ ವೇಳೆ 11–2 ರಲ್ಲಿ ಮುನ್ನಡೆ ಪಡೆದರು. ಆ ಬಳಿಕವೂ ಅದೇ ಲಯ ಕಾಪಾಡಿಕೊಂಡು ಗೇಮ್ ಗೆದ್ದರು.</p>.<p>ಆದರೆ ಎರಡನೇ ಗೇಮ್ನಲ್ಲಿ ತಿರುಗೇಟು ನೀಡಿದ ವಾಂಗ್ 11–3 ರಲ್ಲಿ ಮೇಲುಗೈ ಪಡೆದರು. ಭಾರಿ ಹಿನ್ನಡೆ ಅನುಭವಿಸಿದ ಭಾರತದ ಆಟಗಾರ್ತಿ, ಮರುಹೋರಾಟ ನಡೆಸುವ ಪ್ರಯತ್ನ ಕೈಬಿಟ್ಟರು. ಗೇಮ್ ಗೆದ್ದ ವಾಂಗ್ 1–1 ಸಮಬಲ ಸಾಧಿಸಿದರು.</p>.<p>ನಿರ್ಣಾಯಕ ಸೆಟ್ನ ಆರಂಭದಲ್ಲಿ ತುರುಸಿನ ಪೈಪೋಟಿ ನಡೆದು 5–5 ರಲ್ಲಿ ಸಮಬಲ ಕಂಡುಬಂತು. ಈ ಹಂತದಲ್ಲಿ ಕೆಲವೊಂದು ಭರ್ಜರಿ ಕ್ರಾಸ್ಕೋರ್ಟ್ ಸ್ಮ್ಯಾಷ್ಗಳ ಮೂಲಕ ಎದುರಾಳಿಯ ಕಂಗೆಡಿಸಿದ ಸಿಂಧು 11–6 ಮುನ್ನಡೆ ಪಡೆದರು.</p>.<p>ಸುಲಭದಲ್ಲಿ ಮಣಿಯಲು ಸಿದ್ಧರಿಲ್ಲದ ವಾಂಗ್ ಹಿನ್ನಡೆಯನ್ನು 11–12 ಕ್ಕೆ ತಗ್ಗಿಸಿದರು. ಆದರೆ ಒತ್ತಡವನ್ನು ಸಮರ್ಥವಾಗಿ ಮೆಟ್ಟಿನಿಂತ ಸಿಂಧು, 18–14 ರಲ್ಲಿ ಮುನ್ನಡೆ ಸಾಧಿಸಿದರು. ಆಕರ್ಷಕ ಸ್ನ್ಯಾಷ್ಗಳ ಮೂಲಕ ಮತ್ತೆರಡು ಪಾಯಿಂಟ್ ಕಲೆಹಾಕಿ ಐದು ಮ್ಯಾಚ್ ಪಾಯಿಂಟ್ಗಳನ್ನು ಗಳಿಸಿದರು.</p>.<p>ಮೊದಲ ಮ್ಯಾಚ್ ಪಾಯಿಂಟ್ ಅವಕಾಶದಲ್ಲೇ ಪಾಯಿಂಟ್ ಗಿಟ್ಟಿಸಿ ಗೆಲುವಿನ ಸಂಭ್ರಮ ಆಚರಿಸಿಕೊಂಡರು.</p>.<p>ಕಾಮನ್ವೆಲ್ತ್ ಕೂಟಕ್ಕೆ ಕೆಲವೇ ದಿನಗಳಿರುವಾಗ ಲಭಿಸಿದ ಈ ಪ್ರಶಸ್ತಿಯು ಸಿಂಧು ಅವರ ಆತ್ಮವಿಶ್ವಾಸವನ್ನು ಸಹಜವಾಗಿಯೇ ಹೆಚ್ಚಿಸಿದೆ. ಕಾಮನ್ವೆಲ್ತ್ ಕೂಟ ಜುಲೈ 28 ರಿಂದ ನಡೆಯಲಿದ್ದು, ಸಿಂಧು ಭಾರತದ ಪದಕದ ಭರವಸೆ ಎನಿಸಿಕೊಂಡಿದ್ದಾರೆ.</p>.<p><strong>ಗಿಂಟಿಂಗ್ಗೆ ಪ್ರಶಸ್ತಿ: </strong>ಇಂಡೊನೇಷ್ಯದ ಆಂಥೊಣಿ ಸಿನಿಸುಕ ಗಿಂತಿಂಗ್ ಅವರು ಪುರುಷರ ಸಿಂಗಲ್ಸ್ ವಿಭಾಗದ ಪ್ರಶಸ್ತಿ ಗೆದ್ದರು. ಫೈನಲ್ನಲ್ಲಿ 23–21, 21–17 ರಲ್ಲಿ ಜಪಾನ್ನ ನರವೊಕ ಕೊದೈ ಅವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಂಗಪುರ</strong>: ಚಾಕಚಕ್ಯತೆಯ ಆಟವಾಡಿದ ಭಾರತದ ಪಿ.ವಿ. ಸಿಂಧು, ಭಾನುವಾರ ಇಲ್ಲಿ ಕೊನೆಗೊಂಡ ಸಿಂಗಪುರ ಓಪನ್ ಸೂಪರ್ 500 ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಚಾಂಪಿಯನ್ ಆದರು.</p>.<p>ಮಹಿಳೆಯರ ಸಿಂಗಲ್ಸ್ ವಿಭಾಗದ ಫೈನಲ್ನಲ್ಲಿ ಹೈದರಾಬಾದ್ನ ಅನುಭವಿ ಆಟಗಾರ್ತಿ 21-9, 11-21, 21-15 ರಲ್ಲಿ ಚೀನಾದ ವಾಂಗ್ ಜಿ ಯಿ ಅವರನ್ನು ಮಣಿಸಿದರು. ಫೈನಲ್ ಹಣಾಹಣಿ 58 ನಿಮಿಷ ನಡೆಯಿತು.</p>.<p>ಸಿಂಧು ಅವರು ಹಾಲಿ ಏಷ್ಯನ್ ಚಾಂಪಿಯನ್ ಆಗಿರುವ 22 ವರ್ಷದ ವಾಂಗ್ ವಿರುದ್ಧದ ಗೆಲುವಿನ ದಾಖಲೆಯನ್ನು 2–0 ಗೆ ಹೆಚ್ಚಿಸಿಕೊಂಡರು. ಕಳೆದ ವರ್ಷ ಆಲ್ ಇಂಗ್ಲೆಂಡ್ ಚಾಂಪಿಯನ್ಷಿಪ್ನಲ್ಲಿ ಇವರು ಎದುರಾಗಿದ್ದಾಗ ಸಿಂಧುಗೆ ಗೆಲುವು ಒಲಿದಿತ್ತು.</p>.<p>ಫೈನಲ್ನಲ್ಲಿ ಇಬ್ಬರು ಆಟಗಾರ್ತಿಯರು ಸಾಕಷ್ಟು ಸ್ವಯಂಕೃತ ತಪ್ಪುಗಳನ್ನು ಮಾಡಿದರು. ಆದರೆ ನಿರ್ಣಾಯಕ ಘಟ್ಟಗಳಲ್ಲಿ ಸಿಂಧು ಮೇಲುಗೈ ಸಾಧಿಸಿ ಗೆದ್ದರು. ಸಿಂಧುಗೆ ಈ ವರ್ಷ ದೊರೆತ ಮೂರನೇ ಪ್ರಶಸ್ತಿ ಇದು. ಈ ಹಿಂದೆ ಸೈಯದ್ ಮೋದಿ ಮತ್ತು ಸ್ವಿಸ್ ಓಪನ್ ಟೂರ್ನಿ ಜಯಿಸಿದ್ದರು.</p>.<p>ಮೊದಲ ಗೇಮ್ನಲ್ಲಿ ಆರಂಭದ ಎರಡು ಪಾಯಿಂಟ್ ಕಳೆದುಕೊಂಡ ಸಿಂಧು, ಆ ಬಳಿಕ ಅತ್ಯುತ್ತಮ ಆಟವಾಡಿ ಸತತ 11 ಪಾಯಿಂಟ್ ಕಲೆಹಾಕಿದರು. ವಿರಾಮದ ವೇಳೆ 11–2 ರಲ್ಲಿ ಮುನ್ನಡೆ ಪಡೆದರು. ಆ ಬಳಿಕವೂ ಅದೇ ಲಯ ಕಾಪಾಡಿಕೊಂಡು ಗೇಮ್ ಗೆದ್ದರು.</p>.<p>ಆದರೆ ಎರಡನೇ ಗೇಮ್ನಲ್ಲಿ ತಿರುಗೇಟು ನೀಡಿದ ವಾಂಗ್ 11–3 ರಲ್ಲಿ ಮೇಲುಗೈ ಪಡೆದರು. ಭಾರಿ ಹಿನ್ನಡೆ ಅನುಭವಿಸಿದ ಭಾರತದ ಆಟಗಾರ್ತಿ, ಮರುಹೋರಾಟ ನಡೆಸುವ ಪ್ರಯತ್ನ ಕೈಬಿಟ್ಟರು. ಗೇಮ್ ಗೆದ್ದ ವಾಂಗ್ 1–1 ಸಮಬಲ ಸಾಧಿಸಿದರು.</p>.<p>ನಿರ್ಣಾಯಕ ಸೆಟ್ನ ಆರಂಭದಲ್ಲಿ ತುರುಸಿನ ಪೈಪೋಟಿ ನಡೆದು 5–5 ರಲ್ಲಿ ಸಮಬಲ ಕಂಡುಬಂತು. ಈ ಹಂತದಲ್ಲಿ ಕೆಲವೊಂದು ಭರ್ಜರಿ ಕ್ರಾಸ್ಕೋರ್ಟ್ ಸ್ಮ್ಯಾಷ್ಗಳ ಮೂಲಕ ಎದುರಾಳಿಯ ಕಂಗೆಡಿಸಿದ ಸಿಂಧು 11–6 ಮುನ್ನಡೆ ಪಡೆದರು.</p>.<p>ಸುಲಭದಲ್ಲಿ ಮಣಿಯಲು ಸಿದ್ಧರಿಲ್ಲದ ವಾಂಗ್ ಹಿನ್ನಡೆಯನ್ನು 11–12 ಕ್ಕೆ ತಗ್ಗಿಸಿದರು. ಆದರೆ ಒತ್ತಡವನ್ನು ಸಮರ್ಥವಾಗಿ ಮೆಟ್ಟಿನಿಂತ ಸಿಂಧು, 18–14 ರಲ್ಲಿ ಮುನ್ನಡೆ ಸಾಧಿಸಿದರು. ಆಕರ್ಷಕ ಸ್ನ್ಯಾಷ್ಗಳ ಮೂಲಕ ಮತ್ತೆರಡು ಪಾಯಿಂಟ್ ಕಲೆಹಾಕಿ ಐದು ಮ್ಯಾಚ್ ಪಾಯಿಂಟ್ಗಳನ್ನು ಗಳಿಸಿದರು.</p>.<p>ಮೊದಲ ಮ್ಯಾಚ್ ಪಾಯಿಂಟ್ ಅವಕಾಶದಲ್ಲೇ ಪಾಯಿಂಟ್ ಗಿಟ್ಟಿಸಿ ಗೆಲುವಿನ ಸಂಭ್ರಮ ಆಚರಿಸಿಕೊಂಡರು.</p>.<p>ಕಾಮನ್ವೆಲ್ತ್ ಕೂಟಕ್ಕೆ ಕೆಲವೇ ದಿನಗಳಿರುವಾಗ ಲಭಿಸಿದ ಈ ಪ್ರಶಸ್ತಿಯು ಸಿಂಧು ಅವರ ಆತ್ಮವಿಶ್ವಾಸವನ್ನು ಸಹಜವಾಗಿಯೇ ಹೆಚ್ಚಿಸಿದೆ. ಕಾಮನ್ವೆಲ್ತ್ ಕೂಟ ಜುಲೈ 28 ರಿಂದ ನಡೆಯಲಿದ್ದು, ಸಿಂಧು ಭಾರತದ ಪದಕದ ಭರವಸೆ ಎನಿಸಿಕೊಂಡಿದ್ದಾರೆ.</p>.<p><strong>ಗಿಂಟಿಂಗ್ಗೆ ಪ್ರಶಸ್ತಿ: </strong>ಇಂಡೊನೇಷ್ಯದ ಆಂಥೊಣಿ ಸಿನಿಸುಕ ಗಿಂತಿಂಗ್ ಅವರು ಪುರುಷರ ಸಿಂಗಲ್ಸ್ ವಿಭಾಗದ ಪ್ರಶಸ್ತಿ ಗೆದ್ದರು. ಫೈನಲ್ನಲ್ಲಿ 23–21, 21–17 ರಲ್ಲಿ ಜಪಾನ್ನ ನರವೊಕ ಕೊದೈ ಅವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
