<p><strong>ಟೋಕಿಯೊ: </strong>ಅರವಿಂದ್ ಸಿಂಗ್ ಮತ್ತು ಅರ್ಜುನ್ ಲಾಲ್ ಜಾಟ್ ಅವರನ್ನೊಳಗೊಂಡ ಭಾರತದ ರೋಯಿಂಗ್ ತಂಡ ಒಲಿಂಪಿಕ್ಸ್ನ ಲೈಟ್ವೇಟ್ ಡಬಲ್ ಸ್ಕಲ್ಸ್ ವಿಭಾಗದಲ್ಲಿ ರಿಪೇಚ್ ಸುತ್ತು ಪ್ರವೇಶಿಸಿದೆ. ಶನಿವಾರ ನಡೆದ ಹೀಟ್ಸ್ನಲ್ಲಿ ಐದನೇ ಸ್ಥಾನ ಗಳಿಸಿರುವ ತಂಡವು ಪದಕದ ಭರವಸೆಯನ್ನು ಕೈಬಿಟ್ಟಿಲ್ಲ.</p>.<p>ಹೀಟ್ ಎರಡರ ಸರ್ಧೆಯಲ್ಲಿ ನೀರಿಗಿಳಿದಿದ್ದ ಭಾರತ ಜೋಡಿಯು 6 ನಿಮಿಷ 40.33 ಸೆಕೆಂಡುಗಳಲ್ಲಿ ಗುರಿ ತಲುಪಿತು. ಆ ಮೂಲಕ ಆರು ತಂಡಗಳಿದ್ದ ಸ್ಪರ್ಧೆಯಲ್ಲಿ ಐದನೇ ಸ್ಥಾನ ಗಳಿಸಿತು. ಸೆಮಿಫೈನಲ್ ತಲುಪಲು ವಿಫಲವಾಯಿತು. ಆದರೆ ರಿಪೇಚ್ ಸುತ್ತು ತಲುಪಿದವರಿಗೆ ಕ್ವಾರ್ಟರ್ಫೈನಲ್, ಸೆಮಿಫೈನಲ್ ಅಥವಾ ಫೈನಲ್ ತಲುಪಲು ಮತ್ತೊಂದು ಅವಕಾಶ ಇರುತ್ತದೆ.</p>.<p>ಹೀಟ್ಸ್ನಲ್ಲಿ ಅಗ್ರ ಎರಡು ಸ್ಥಾನ ಪಡೆದ ಐರ್ಲೆಂಡ್ (6 ನಿ. 23.74 ಸೆ.) ಮತ್ತು ಜೆಕ್ ಗಣರಾಜ್ಯ (6 ನಿ. 28.10 ಸೆ.) ತಂಡಗಳು ಸೆಮಿಫೈನಲ್ ತಲುಪಿದವು. ಭಾರತ ತಂಡದೊಂದಿಗೆ ಪೋಲೆಂಡ್, ಉಕ್ರೇನ್ ಮತ್ತು ಉರುಗ್ವೆ ತಂಡಗಳೂ ರಿಪೇಚ್ ಸುತ್ತು ಪ್ರವೇಶಿಸಿದವು.</p>.<p>ಅರ್ಜುನ್ ಬೋವರ್ ಪಾತ್ರವನ್ನು ವಹಿಸಿಕೊಂಡರೆ, ಅರವಿಂದ್ ಸ್ಟ್ರೋಕರ್ ಆಗಿದ್ದರು. 1500 ಮೀಟರ್ ತನಕ ಹಿಂದುಳಿದಿದ್ದ ಇವರಿಬ್ಬರು ನಂತರ ವೇಗವನ್ನು ಹೆಚ್ಚಿಸಿಕೊಂಡರು.</p>.<p>ಪ್ರತಿ ಪುರುಷ ರೋಯಿಂಗ್ ಸ್ಪರ್ಧಿಗೆ 72.5 ಕೆಜಿ ಗರಿಷ್ಠ ತೂಕವನ್ನು ನಿಗದಿಪಡಿಸಲಾಗಿದೆ. ಸರಾಸರಿ ತೂಕ 70 ಕೆಜಿ ಮೀರಬಾರದು. ಮಹಿಳಾ ಸ್ಪರ್ಧಿಗೆ ಗರಿಷ್ಠ ತೂಕವನ್ನು 59 ಕೆಜಿಗೆ ನಿಗದಿ ಮಾಡಲಾಗಿದೆ. ಇವರ ಸರಾಸರಿ 57 ಕೆಜಿ ಮೀರಬಾರದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ: </strong>ಅರವಿಂದ್ ಸಿಂಗ್ ಮತ್ತು ಅರ್ಜುನ್ ಲಾಲ್ ಜಾಟ್ ಅವರನ್ನೊಳಗೊಂಡ ಭಾರತದ ರೋಯಿಂಗ್ ತಂಡ ಒಲಿಂಪಿಕ್ಸ್ನ ಲೈಟ್ವೇಟ್ ಡಬಲ್ ಸ್ಕಲ್ಸ್ ವಿಭಾಗದಲ್ಲಿ ರಿಪೇಚ್ ಸುತ್ತು ಪ್ರವೇಶಿಸಿದೆ. ಶನಿವಾರ ನಡೆದ ಹೀಟ್ಸ್ನಲ್ಲಿ ಐದನೇ ಸ್ಥಾನ ಗಳಿಸಿರುವ ತಂಡವು ಪದಕದ ಭರವಸೆಯನ್ನು ಕೈಬಿಟ್ಟಿಲ್ಲ.</p>.<p>ಹೀಟ್ ಎರಡರ ಸರ್ಧೆಯಲ್ಲಿ ನೀರಿಗಿಳಿದಿದ್ದ ಭಾರತ ಜೋಡಿಯು 6 ನಿಮಿಷ 40.33 ಸೆಕೆಂಡುಗಳಲ್ಲಿ ಗುರಿ ತಲುಪಿತು. ಆ ಮೂಲಕ ಆರು ತಂಡಗಳಿದ್ದ ಸ್ಪರ್ಧೆಯಲ್ಲಿ ಐದನೇ ಸ್ಥಾನ ಗಳಿಸಿತು. ಸೆಮಿಫೈನಲ್ ತಲುಪಲು ವಿಫಲವಾಯಿತು. ಆದರೆ ರಿಪೇಚ್ ಸುತ್ತು ತಲುಪಿದವರಿಗೆ ಕ್ವಾರ್ಟರ್ಫೈನಲ್, ಸೆಮಿಫೈನಲ್ ಅಥವಾ ಫೈನಲ್ ತಲುಪಲು ಮತ್ತೊಂದು ಅವಕಾಶ ಇರುತ್ತದೆ.</p>.<p>ಹೀಟ್ಸ್ನಲ್ಲಿ ಅಗ್ರ ಎರಡು ಸ್ಥಾನ ಪಡೆದ ಐರ್ಲೆಂಡ್ (6 ನಿ. 23.74 ಸೆ.) ಮತ್ತು ಜೆಕ್ ಗಣರಾಜ್ಯ (6 ನಿ. 28.10 ಸೆ.) ತಂಡಗಳು ಸೆಮಿಫೈನಲ್ ತಲುಪಿದವು. ಭಾರತ ತಂಡದೊಂದಿಗೆ ಪೋಲೆಂಡ್, ಉಕ್ರೇನ್ ಮತ್ತು ಉರುಗ್ವೆ ತಂಡಗಳೂ ರಿಪೇಚ್ ಸುತ್ತು ಪ್ರವೇಶಿಸಿದವು.</p>.<p>ಅರ್ಜುನ್ ಬೋವರ್ ಪಾತ್ರವನ್ನು ವಹಿಸಿಕೊಂಡರೆ, ಅರವಿಂದ್ ಸ್ಟ್ರೋಕರ್ ಆಗಿದ್ದರು. 1500 ಮೀಟರ್ ತನಕ ಹಿಂದುಳಿದಿದ್ದ ಇವರಿಬ್ಬರು ನಂತರ ವೇಗವನ್ನು ಹೆಚ್ಚಿಸಿಕೊಂಡರು.</p>.<p>ಪ್ರತಿ ಪುರುಷ ರೋಯಿಂಗ್ ಸ್ಪರ್ಧಿಗೆ 72.5 ಕೆಜಿ ಗರಿಷ್ಠ ತೂಕವನ್ನು ನಿಗದಿಪಡಿಸಲಾಗಿದೆ. ಸರಾಸರಿ ತೂಕ 70 ಕೆಜಿ ಮೀರಬಾರದು. ಮಹಿಳಾ ಸ್ಪರ್ಧಿಗೆ ಗರಿಷ್ಠ ತೂಕವನ್ನು 59 ಕೆಜಿಗೆ ನಿಗದಿ ಮಾಡಲಾಗಿದೆ. ಇವರ ಸರಾಸರಿ 57 ಕೆಜಿ ಮೀರಬಾರದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
