ಮಂಗಳವಾರ, ಅಕ್ಟೋಬರ್ 19, 2021
24 °C

ಟೆನಿಸ್‌: ಫೈನಲ್‌ಗೆ ಲಗ್ಗೆ ಇರಿಸಿದ ದಿಯಾ, ಕ್ಷಿತಿಜ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಪ್ರಬಲರನ್ನು ಸೋಲಿಸುತ್ತ ಗಮನ ಸೆಳೆದಿರುವ ತಮಿಳುನಾಡಿನ ದಿಯಾ ರಮೇಶ್, ರಾಜ್ಯ ಲಾನ್ ಟೆನಿಸ್ ಸಂಸ್ಥೆ ಅಂಗಣದಲ್ಲಿ ಗುರುವಾರ ಮತ್ತೊಂದು ಅಮೋಘ ಸಾಧನೆ ಮಾಡಿದರು. ಟ್ರಾನ್ಸ್‌ಫಾರ್ಮ್ ಎಐಟಿಎ 14 ವರ್ಷದೊಳಗಿನವರ ಟೂರ್ನಿಯಲ್ಲಿ ಎರಡನೇ ಶ್ರೇಯಾಂಕದ ಅಣ್ವಿ ಪುನಗಂಟಿ ವಿರುದ್ಧ ಗೆದ್ದು ದಿಯಾ ಫೈನಲ್ ಪ್ರವೇಶಿಸಿದರು.

ಸೆಮಿಫೈನಲ್‌ನಲ್ಲಿ 6-2, 2-6, 6-3ರಲ್ಲಿ ಎದುರಾಳಿಯನ್ನು ಮಣಿಸಿದ ದಿಯಾ ಪ್ರಶಸ್ತಿ ಸುತ್ತಿನ ಹಣಾಹಣಿಯಲ್ಲಿ ಅಗ್ರ ಶ್ರೇಯಾಂಕದ ಜೈನಾ ಅಂಬರ್ ವಿರುದ್ಧ ಸೆಣಸುವರು. ಸುಶ್ಮಿತಾ ರವಿ ಎದುರಿನ ಪಂದ್ಯದಲ್ಲಿ ಜೈನಾ 6-3, 6-4ರಲ್ಲಿ ಜಯ ಸಾಧಿಸಿದರು. 

ಬಾಲಕರ ವಿಭಾಗದಲ್ಲಿ ಅಗ್ರ ಶ್ರೇಯಾಂಕದ ಮಣಿಪುರ ಆಟಗಾರ ಅಶ್ವಜೀತ್ 6-2, 6-4ರಲ್ಲಿ ಬಿ.ಶೌರ್ಯ ವಿರುದ್ಧ ಗೆದ್ದು ಅಂತಿಮ ಹಣಾಹಣಿಗೆ ಸಜ್ಜಾದರು. ಫೈನಲ್‌ನಲ್ಲಿ ಅವರು ಕ್ಷಿತಿಜ್ ಆರಾಧ್ಯ ಎದುರು ಸೆಣಸುವರು. ಡಿ.ಆರಾಧ್ಯ ವಿರುದ್ಧದ ಪಂದ್ಯದಲ್ಲಿ ಕ್ಷಿತಿಜ್ 7-6, 3-6, 6-1ರಲ್ಲಿ ಜಯ ಗಳಿಸಿದರು.

ಲೆವಿನ್‌–ಶರಣ್‌, ಅದಿತಿ–ಸುಶ್ಮಿತಾಗೆ ಪ್ರಶಸ್ತಿ

ಬಾಲಕರ ವಿಭಾಗದ ಡಬಲ್ಸ್ ಫೈನಲ್‌ನಲ್ಲಿ ಎಸ್‌.ಲೆವಿನ್ ಮತ್ತು ಶರಣ್ ಪ್ರಕಾಶ್ 7-5, 6-2ರಲ್ಲಿ ಅಯಾಜ್ ಅಹಿಲ್ ಮತ್ತು ದಿಗಂತ್ ವಿರುದ್ಧ ಗೆದ್ದು ಪ್ರಶಸ್ತಿ ತಮ್ಮದಾಗಿಸಿಕೊಂಡರು. ಬಾಲಕಿಯರ ವಿಭಾಗದಲ್ಲಿ ಬಿ.ಅದಿತಿ ಮತ್ತು ಸುಶ್ಮಿತಾ ರವಿ ಜೋಡಿ ಚಾಂಪಿಯನ್ ಆದರು. ದಿಯಾ ಮತ್ತು ಅಣ್ವಿ ಪುನಗಂಟಿ ವಿರುದ್ಧ ಅವರು 2-6, 6-2, 10-3ರಲ್ಲಿ ಗೆಲುವು ದಾಖಲಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು