ಫ್ರೆಂಚ್‌ ಓಪನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಗಾಫ್‌, ರೂಡ್‌

ಪ್ಯಾರಿಸ್ : ಕಳೆದ ಬಾರಿಯ ರನ್ನರ್ ಅಪ್ ಕೊಕೊ ಗಾಫ್ ಮತ್ತು ಕ್ಯಾಸ್ಪರ್ ರೂಡ್ ಅವರು ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಮಹಿಳೆಯರ ಹಾಗೂ ಪುರುಷರ ಸಿಂಗಲ್ಸ್ ವಿಭಾಗಗಳಲ್ಲಿ ಎರಡನೇ ಸುತ್ತು ಪ್ರವೇಶಿಸಿದರು.

. ಮಂಗಳವಾರ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ಅಮೆರಿಕದ ಗಾಫ್ 3–6, 6–1, 6–2 ರಲ್ಲಿ ಸ್ಪೇನ್ನ ರೆಬೆಕಾ ಮಸರೋವಾ ಅವರನ್ನು ಮಣಿಸಿದರು. ಮೊದಲ ಸೆಟ್ನಲ್ಲಿ ಸೋತ ಗಾಫ್, ಆ ಬಳಿಕ ಪುಟಿದೆದ್ದು ನಿಂತರು. ಮುಂದಿನ ಎರಡು ಸೆಟ್ಗಳಲ್ಲಿ ಎದುರಾಳಿಗೆ ಕೇವಲ ಮೂರು ಗೇಮ್ಗಳನ್ನು ಬಿಟ್ಟುಕೊಟ್ಟು ಪಂದ್ಯ ಗೆದ್ದರು.

. ಕಳೆದ ವರ್ಷ ಫೈನಲ್ನಲ್ಲಿ ಇಗಾ ಶ್ವಾಂಟೆಕ್ ಎದುರು ಸೋತಿದ್ದ 19 ವರ್ಷದ ಗಾಫ್ ಅವರು 1 ಗಂಟೆ 46 ನಿಮಿಷಗಳ ಹಣಾಹಣಿಯಲ್ಲಿ ಗೆಲುವು ಒಲಿಸಿಕೊಂಡರು.

. ಇಲ್ಲಿ ನಾಲ್ಕನೇ ಶ್ರೇಯಾಂಕ ಹೊಂದಿರುವ ನಾರ್ವೆಯ ರೂಡ್, ಪುರುಷರ ವಿಭಾಗದ ಮೊದಲ ಸುತ್ತಿನಲ್ಲಿ 6-4, 6-3, 6-2 ರಲ್ಲಿ ಸ್ವೀಡನ್ನ ಎಲಿಯಾಸ್ ಎಮೆರ್ ವಿರುದ್ಧ ಗೆದ್ದರು. 2 ಗಂಟೆ ಏಳು ನಿಮಿಷ ನಡೆದ ಪೈಪೋಟಿಯಲ್ಲಿ ರೂಡ್ ವೇಗದ ಸರ್ವ್ ಮತ್ತು ಬೇಸ್ಲೈನ್ ಹೊಡೆತಗಳ ಮೂಲಕ ಮಿಂಚಿದರು.

. ಇನ್ನೊಂದು ಪಂದ್ಯದಲ್ಲಿ ಅಲೆಕ್ಸಾಂಡರ್ ಜ್ವೆರೆವ್ 7–6, 7–6, 6–1 ರಲ್ಲಿ ದಕ್ಷಿಣ ಆಫ್ರಿಕಾದ ಲಾಯ್ಡ್ ಹ್ಯಾರಿಸ್ ಅವರನ್ನು ಮಣಿಸಿದರು. ಮೊದಲ ಎರಡು ಸೆಟ್ಗಳನ್ನು ಟೈಬ್ರೇಕರ್ನಲ್ಲಿ ಗೆದ್ದ ಜ್ವೆರೆವ್ಗೆ ಮೂರನೇ ಸೆಟ್ನಲ್ಲಿ ಪೈಪೋಟಿ ಎದುರಾಗಲಿಲ್ಲ. ಅಮೆರಿಕದ ಟಾಮಿ ಪಾಲ್ 6-3, 6-2, 6-4 ರಲ್ಲಿ ಸ್ವಿಟ್ಜರ್ಲೆಂಡ್ನ ಡಾಮಿನಿಕ್ ಸ್ಟ್ರೈಕರ್ ಅವರನ್ನು ಸೋಲಿಸಿದರು.

. ಅಲ್ಕರಾಜ್ ಶುಭಾರಂಭ: ವಿಶ್ವದ ಅಗ್ರ ರ್ಯಾಂಕ್ನ ಆಟಗಾರ ಸ್ಪೇನ್ನ ಕಾರ್ಲೊಸ್ ಅಲ್ಕರಾಜ್ ಅವರು ಪ್ರಶಸ್ತಿಯೆಡೆಗಿನ ಹಾದಿಯಲ್ಲಿ ಭರ್ಜರಿ ಆರಂಭ ಪಡೆದರು. ಸೋಮವಾರ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ಅವರು 6–0, 6–2, 7–5 ರಿಂದ ಇಟಲಿಯ ಫ್ಲಾವಿಯೊ ಕೊಬೊಲಿ ವಿರುದ್ಧ ಗೆದ್ದರು.

. ಮುಂದಿನ ಸುತ್ತಿನಲ್ಲಿ ಅವರು ಜಪಾನ್ನ ತರೊ ಡೇನಿಯಲ್ ವಿರುದ್ಧ ಪೈಪೋಟಿ ನಡೆಸುವರು. ತರೊ 6–0, 6–2, 6–4 ರಲ್ಲಿ ಆಸ್ಟ್ರೇಲಿಯಾದ ಕ್ರಿಸ್ಟೋಫರ್ ಒ‘ಕಾನೆಲ್ ಅವರನ್ನು ಮಣಿಸಿದರು.

. ಜಬೇರ್ಗೆ ಜಯ: ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಏಳನೇ ಶ್ರೇಯಾಂಕದ ಆಟಗಾರ್ತಿ ಟ್ಯುನೀಷಿಯಾದ ಆನ್ಸ್ ಜಬೇರ್ 6–4, 6–1 ರಲ್ಲಿ ಇಟಲಿಯ ಲೂಸಿಯಾ ಬ್ರೊಂಜೆಟ್ಟಿ ವಿರುದ್ಧ ಜಯಿಸಿದರು.

. ಕಳೆದ ವರ್ಷ ವಿಂಬಲ್ಡನ್ ಟೂರ್ನಿಯ ರನ್ನರ್ ಅಪ್ ಆಗಿದ್ದ ಜಬೇರ್, ಈ ಋತುವಿನ ಆರಂಭದಲ್ಲಿ ಮಂಡಿಯ ಶಸ್ತ್ರಚಿಕಿತ್ಸೆಗೆ ಒಳಗಾಗಿ ಚೇತರಿಸಿಕೊಂಡಿದ್ದರು.

. ಇತರ ಪಂದ್ಯಗಳಲ್ಲಿ ಸ್ವೀಡನ್ನ ರೆಬೆಕಾ ಪೀಟರ್ಸನ್ 6–2, 6–0 ರಲ್ಲಿ ಫ್ರಾನ್ಸ್ನ ಫಿಯೋನಾ ಫೆರೊ ವಿರುದ್ಧ; ಚೀನಾದ ವಾಂಗ್ ಕ್ಸಿನ್ಯು 6–4, 7–6 ರಲ್ಲಿ ಜೆಕ್ ರಿಪಬ್ಲಿಕ್ನ ಮೇರಿ ಬೊಜ್ಕೊವಾ ವಿರುದ್ಧ; ಫ್ರಾನ್ಸ್ನ ಡಯಾನ್ ಪೆರಿ 6–2, 6–3 ರಲ್ಲಿ ಉಕ್ರೇನ್ನ ಅನೆಲಿನಾ ಕಲಿನಿನಾ ವಿರುದ್ಧ; ಮಿರಾ ಆ್ಯಂಡ್ರೀವಾ 6–2, 6–1 ರಲ್ಲಿ ಅಮೆರಿಕದ ಆ್ಯಲಿಸನ್ ರಿಸ್ಕೆ ವಿರುದ್ಧವೂ ಗೆದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫ್ರೆಂಚ್‌ ಓಪನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಗಾಫ್‌, ರೂಡ್‌

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ