<p><strong>ಪ್ಯಾರಿಸ್:</strong> ಮೊದಲ ಬಾರಿ ಗ್ರ್ಯಾನ್ಸ್ಲಾಮ್ ಟೂರ್ನಿಯೊಂದರ ಸಿಂಗಲ್ಸ್ ವಿಭಾಗದಮುಖ್ಯ ಸುತ್ತಿಗೆ ಪ್ರವೇಶಿಸುವ ರಾಮಕುಮಾರ್ ರಾಮನಾಥನ್ ಅವರ ಕನಸು ನನಸಾಗಲಿಲ್ಲ. ಫ್ರೆಂಚ್ ಓಪನ್ ಅರ್ಹತಾ ಟೂರ್ನಿಯಲ್ಲಿ ಸೋಮವಾರ ತಡರಾತ್ರಿ ನಡೆದ ಪಂದ್ಯದಲ್ಲಿ ಭಾರತದ ಆಟಗಾರ 5–7, 2–6ರಿಂದ ತ್ರಿಸ್ಟಾನ್ ಫ್ರಾನ್ಸ್ನ ಲ್ಯಾನಸೈನ್ ಎದುರು ಸೋತರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ 198ನೇ ಸ್ಥಾನದಲ್ಲಿರುವ ರಾಮಕುಮಾರ್ ಅವರಿಗೆ ತನಗಿಂತ ಕೆಳ ಕ್ರಮಾಂಕದ (268) ಆಟಗಾರ ತ್ರಿಸ್ಟಾನ್ ಸವಾಲು ಮೀರಲಾಗಲಿಲ್ಲ.</p>.<p>25 ವರ್ಷದ ರಾಮಕುಮಾರ್ ಅವರು ತಾವು ಗಳಿಸಿದ ಎಂಟು ಬ್ರೇಕ್ಪಾಯಿಂಟ್ಗಳಲ್ಲಿ ಏಳು ಪಾಯಿಂಟ್ಸ್ ಕೈಚೆಲ್ಲಿದರು. ನಾಲ್ಕು ಬಾರಿ ಸರ್ವ್ ಕಳೆದುಕೊಂಡರು.</p>.<p>ಭಾರತದ ಅಗ್ರ ಕ್ರಮಾಂಕದ ಆಟಗಾರ ಸುಮಿತ್ ನಗಾಲ್ ಅವರು ಟೂರ್ನಿಯಿಂದ ಈಗಾಗಲೇ ನಿರ್ಗಮಿಸಿದ್ದು, ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಪ್ರಜ್ಞೇಶ್ ಗುಣೇಶ್ವರನ್ ಮಾತ್ರ ಉಳಿದುಕೊಂಡಿದ್ದಾರೆ.</p>.<p>ರಾಮಕುಮಾರ್ ಅವರು 2015ರಿಂದ ಗ್ರ್ಯಾನ್ಸ್ಲಾಮ್ ಮುಖ್ಯ ಸುತ್ತಿನ ಟಿಕೆಟ್ ಗಿಟ್ಟಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಯಶಸ್ಸು ಸಿಕ್ಕಿಲ್ಲ. 2018ರ ಆಸ್ಟ್ರೇಲಿಯನ್ ಓಪನ್ ಅರ್ಹತಾ ಟೂರ್ನಿಯಲ್ಲಿ ಮೂರನೇ ಸುತ್ತು ಪ್ರವೇಶಿಸಿದ್ದೇ ಅವರ ಇದುವರೆಗಿನ ಶ್ರೇಷ್ಠ ಸಾಧನೆ.</p>.<p>ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಅಂಕಿತಾ ರೈನಾ ಅವರು ಅರ್ಹತಾ ಸುತ್ತಿನ ಮೊದಲ ಪಂದ್ಯದಲ್ಲಿ ಸರ್ಬಿಯಾದ ಜೋವಾನಾ ಜೊವಿಕ್ ಅವರ ವಿರುದ್ಧ ಸೆಣಸಲಿದ್ದಾರೆ. ಅಂಕಿತಾ ಅವರು ವಿಶ್ವಕ್ರಮಾಂಕದಲ್ಲಿ 176ನೇ ಸ್ಥಾನದಲ್ಲಿದ್ದರೆ, ಜೊವಾನಾ ಅವರ ಕ್ರಮಾಂಕ 234.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಮೊದಲ ಬಾರಿ ಗ್ರ್ಯಾನ್ಸ್ಲಾಮ್ ಟೂರ್ನಿಯೊಂದರ ಸಿಂಗಲ್ಸ್ ವಿಭಾಗದಮುಖ್ಯ ಸುತ್ತಿಗೆ ಪ್ರವೇಶಿಸುವ ರಾಮಕುಮಾರ್ ರಾಮನಾಥನ್ ಅವರ ಕನಸು ನನಸಾಗಲಿಲ್ಲ. ಫ್ರೆಂಚ್ ಓಪನ್ ಅರ್ಹತಾ ಟೂರ್ನಿಯಲ್ಲಿ ಸೋಮವಾರ ತಡರಾತ್ರಿ ನಡೆದ ಪಂದ್ಯದಲ್ಲಿ ಭಾರತದ ಆಟಗಾರ 5–7, 2–6ರಿಂದ ತ್ರಿಸ್ಟಾನ್ ಫ್ರಾನ್ಸ್ನ ಲ್ಯಾನಸೈನ್ ಎದುರು ಸೋತರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ 198ನೇ ಸ್ಥಾನದಲ್ಲಿರುವ ರಾಮಕುಮಾರ್ ಅವರಿಗೆ ತನಗಿಂತ ಕೆಳ ಕ್ರಮಾಂಕದ (268) ಆಟಗಾರ ತ್ರಿಸ್ಟಾನ್ ಸವಾಲು ಮೀರಲಾಗಲಿಲ್ಲ.</p>.<p>25 ವರ್ಷದ ರಾಮಕುಮಾರ್ ಅವರು ತಾವು ಗಳಿಸಿದ ಎಂಟು ಬ್ರೇಕ್ಪಾಯಿಂಟ್ಗಳಲ್ಲಿ ಏಳು ಪಾಯಿಂಟ್ಸ್ ಕೈಚೆಲ್ಲಿದರು. ನಾಲ್ಕು ಬಾರಿ ಸರ್ವ್ ಕಳೆದುಕೊಂಡರು.</p>.<p>ಭಾರತದ ಅಗ್ರ ಕ್ರಮಾಂಕದ ಆಟಗಾರ ಸುಮಿತ್ ನಗಾಲ್ ಅವರು ಟೂರ್ನಿಯಿಂದ ಈಗಾಗಲೇ ನಿರ್ಗಮಿಸಿದ್ದು, ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಪ್ರಜ್ಞೇಶ್ ಗುಣೇಶ್ವರನ್ ಮಾತ್ರ ಉಳಿದುಕೊಂಡಿದ್ದಾರೆ.</p>.<p>ರಾಮಕುಮಾರ್ ಅವರು 2015ರಿಂದ ಗ್ರ್ಯಾನ್ಸ್ಲಾಮ್ ಮುಖ್ಯ ಸುತ್ತಿನ ಟಿಕೆಟ್ ಗಿಟ್ಟಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಯಶಸ್ಸು ಸಿಕ್ಕಿಲ್ಲ. 2018ರ ಆಸ್ಟ್ರೇಲಿಯನ್ ಓಪನ್ ಅರ್ಹತಾ ಟೂರ್ನಿಯಲ್ಲಿ ಮೂರನೇ ಸುತ್ತು ಪ್ರವೇಶಿಸಿದ್ದೇ ಅವರ ಇದುವರೆಗಿನ ಶ್ರೇಷ್ಠ ಸಾಧನೆ.</p>.<p>ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಅಂಕಿತಾ ರೈನಾ ಅವರು ಅರ್ಹತಾ ಸುತ್ತಿನ ಮೊದಲ ಪಂದ್ಯದಲ್ಲಿ ಸರ್ಬಿಯಾದ ಜೋವಾನಾ ಜೊವಿಕ್ ಅವರ ವಿರುದ್ಧ ಸೆಣಸಲಿದ್ದಾರೆ. ಅಂಕಿತಾ ಅವರು ವಿಶ್ವಕ್ರಮಾಂಕದಲ್ಲಿ 176ನೇ ಸ್ಥಾನದಲ್ಲಿದ್ದರೆ, ಜೊವಾನಾ ಅವರ ಕ್ರಮಾಂಕ 234.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
