ರೂಫ್‌ಟಾಪ್‌ನಲ್ಲಿ ಫೆಡರರ್ ಸಂಚಲನ

"" . ಟೆನಿಸ್ ತಾರೆಗಳಾಗುವ ಕನಸು ಕಾಣುತ್ತಿರುವ ಆ ಬಾಲೆಯರು ಆಗಷ್ಟೇ ದಿಗ್ಗಜ ಫೆಡರರ್ ಮತ್ತು ರಫೆಲ್ ನಡಾಲ್ ಬಗ್ಗೆ ಮಾತನಾಡಿ ಕೆಲವೇ ನಿಮಿಷಗಳು ಕಳೆದಿದ್ದವು.ಅದಾಗಿ ಕೆಲ ಹೊತ್ತಿಗೆ 20 ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಗಳ ಒಡೆಯ ಕಣ್ಮುಂದೆ ಬಂದು ನಿಂತಾಗ ಆ ಹುಡುಗಿಯರಿಗೆ ಆಕಾಶಕ್ಕೆ ಮೂರು ಗೇಣು ಉಳಿದಿತ್ತು ಅಷ್ಟೇ!

. ವಿಟೊರಿಯಾ ಒಲಿವರಿ (13 ವರ್ಷ) ಮತ್ತು ಕರೊಲಾ ಪೆಸ್ಸಿನಾ (11 ವರ್ಷ) ಅವರಿಬ್ಬರೂ ಅವತ್ತು ತಮ್ಮ ವಸತಿ ಸಂಕೀರ್ಣದ ರೂಫ್ಟಾಪ್ನಲ್ಲಿ ಕೂತು ಮಾತನಾಡುವಾಗ ಮುಂದೆ ಬಂದು ನಿಂತಿದ್ದು ರೋಜರ್ ಫೆಡರರ್!

. ಆಗಿದ್ದಿಷ್ಟು.. ಇಟಲಿಯ ಫಿನಾಲೆ ಲಿಗೇರ್ನಲ್ಲಿ ಈ ಗೆಳತಿಯರಿಬ್ಬರೂ ಅಕ್ಕಪಕ್ಕದ ಮನೆಯಲ್ಲಿದ್ದಾರೆ. ಏಪ್ರಿಲ್ ತಿಂಗಳಲ್ಲಿ ಇಟಲಿಯಲ್ಲಿ ಕೊರೊನಾ ವೈರಸ್ ಹಾವಳಿ ತಾರಕಕ್ಕೇರಿತ್ತು. ಆಗ ಲಾಕ್ಡೌನ್ ಇದ್ದ ಕಾರಣ ಈ ಹುಡುಗಿಯರು ಬೇಜಾರು ಕಳೆಯಲು ತಮ್ಮ ಮನೆಯ ಟೆರೆಸ್ ಮೇಲೆ ಹತ್ತಿದ್ದರು. ಅಲ್ಲಿಯೇ ಟೆನಿಸ್ ಆಡಿದ್ದರು. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಪ್ರಚಾರ ಪಡೆದಿತ್ತು. ಸುಮಾರು ಒಂದು ಕೋಟಿಗೂ ಅಧಿಕ ಜನ ವೀಕ್ಷಿಸಿದ್ದಾರೆ.

. ಇದನ್ನು ತಿಳಿದ ಫೆಡರರ್ ಹುಡುಗಿಯರ ಟೆನಿಸ್ ಪ್ರೀತಿಗೆ ಖುದ್ದಾಗಿ ತೆರಳಿ ಅಭಿನಂದಿಸಲು ನಿರ್ಧರಿಸಿದರು. ಅವರಿಗೆ ಪ್ರಾಯೋಜಕತ್ವ ನೀಡುವ ಬೆರಿಲ್ಲಾ ಪಾಸ್ತಾ ಕಂಪನಿ ಈ ಭೇಟಿಗೆ ವ್ಯವಸ್ಥೆ ಮಾಡಿತ್ತು. ಬಾಲಕಿಯರಿಗೆ ಫೆಡರರ್ ಅಲ್ಲಿಗೆ ಬರುವ ವಿಷಯವೊಂದನ್ನು ಬಿಟ್ಟು ಉಳಿದೆಲ್ಲವನ್ನೂ ತಿಳಿಸಲಾಗಿತ್ತು. ಅವರ ವೈರಲ್ ವಿಡಿಯೊ ಕುರಿತು ಪತ್ರಿಕಾಗೋಷ್ಠಿ ಎಂದು ನಂಬಿಸಲಾಗಿತ್ತು. ಗೋಷ್ಠಿಯಲ್ಲಿ ಏನೇನು ಮಾತನಾಡಬೇಕೆಂದು ಇಬ್ಬರೂ ಸಮಾಲೋಚನೆ ನಡೆಸಿದ್ದ ಸಂದರ್ಭದಲ್ಲಿ ಫೆಡರರ್ ಪ್ರತ್ಯಕ್ಷರಾದರು.

. ‘ಫೆಡರರ್ ಅವರು ಕಾಣಿಸಿಕೊಂಡಾಗ ನಾನು ಮೂಕವಿಸ್ಮಿತಳಾದೆ. ಅವರು ನಮ್ಮೊಂದಿಗೆ ಟೆನಿಸ್ ಆಡಿದರು. ಅವರು ನಿಜವಾಗಿಯೂ ಫೆಡರರ್ ಹೌದಾ ಎಂದು ನಂಬಲುಮೊದಲು ಕಷ್ಟವಾಯಿತು’ ಎಂದಿದ್ದಾರೆ ವಿಟೊರಿಯಾ.

. ಇಬ್ಬರೂ ಬಾಲಕಿಯರೊಂದಿಗೆ ಭೋಜನಕೂಟದಲ್ಲಿ ಪಾಲ್ಗೊಂಡ ಫೆಡರರ್, ಬೇಸಿಗೆ ಶಿಬಿರಕ್ಕೆ ಭಾಗವಹಿಸಲು ವ್ಯವಸ್ಥೆ ಮಾಡುವುದಾಗಿಯೂ ಭರವಸೆ ನೀಡಿದ್ದಾರೆ.

. ‘ನನ್ನ ಅಭಿಮಾನಿಗಳ ಅಚ್ಚರಿಗೆ ಕಾರಣವಾದ ಈ ದಿನ ನನಗೆ ವಿಶೇಷವಾದದ್ದು. ಕರೋಲಾ ಹಾಗೂ ವಿಟೊರಿಯಾ ಅವರ ಜೊತೆ ಸಮಯ ಕಳೆದದ್ದು ಸಂತಸ ತಂದಿದೆ’ ಎಂದು ಫೆಡರರ್ ಹೇಳಿದ್ದಾರೆ.

. ಬಾಲಕಿಯರೊಂದಿಗೆ ರೋಜರ್ ಫೆಡರರ್– ಟ್ವಿಟರ್ ಚಿತ್ರ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರೂಫ್‌ಟಾಪ್‌ನಲ್ಲಿ ಫೆಡರರ್ ಸಂಚಲನ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಚುರುಮುರಿ | ಗ್ರಾಮಾಭಿವೃದ್ಧಿ...