<p><strong>ಇಂಡಿಯನ್ ವೆಲ್ಸ್, ಅಮೆರಿಕ:</strong> ವಿಶ್ವ ಕ್ರಮಾಂಕದಲ್ಲಿ ಮೂರನೆ ಸ್ಥಾನದಲ್ಲಿರುವ ಅಲೆಕ್ಸಾಂಡರ್ ಜ್ವೆರೆವ್ ಅವರು ಎಟಿಪಿ ಇಂಡಿಯನ್ ವೆಲ್ಸ್ ಮಾಸ್ಟರ್ಸ್ ಟೆನಿಸ್ ಟೂರ್ನಿಯಲ್ಲಿ ಸೋಲಿಗೆ ಶರಣಾದರು. ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಅವರನ್ನು ಅಮೆರಿಕದ ಟಾಮಿ ಪಾಲ್ 6-2, 4-6, 7-6 (7/2)ರಲ್ಲಿ ಮಣಿಸಿದರು.</p>.<p>ತಾಳ್ಮೆ ಕಳೆದುಕೊಂಡು ಅಂಪೈರ್ ಕುರ್ಚಿಯ ಮೇಲೆ ಪದೇ ಪದೇ ರ್ಯಾಕೆಟ್ನಿಂದ ಬಡಿದ ಕಾರಣ ಮೆಕ್ಸಿಕೊ ಓಪನ್ನಿಂದ ಜ್ವೆರೆವ್ ಅವರನ್ನು ಅನರ್ಹಗೊಳಿಸಲಾಗಿತ್ತು. ಅದರ ನಂತರ ಇದೇ ಮೊದಲ ಬಾರಿ ಸ್ಪರ್ಧಾ ಕಣಕ್ಕೆ ಇಳಿದ ಅವರು ಇಲ್ಲಿ ಎರಡನೇ ಸುತ್ತಿನಲ್ಲೇ ಹೊರಬಿದ್ದರು.</p>.<p>ಡೊಮಿನಿಕ್ ಕೊಫರ್ ವಿರುದ್ಧ 7-5, 6-4ರಲ್ಲಿ ಗೆದ್ದ ಆ್ಯಂಡಿ ರುಬ್ಲೆವ್ ಎಟಿಪಿಯಲ್ಲಿ ಸತತ 10ನೇ ಗೆಲುವು ದಾಖಲಿಸಿದರು. ಆರನೇ ಶ್ರೇಯಾಂಕದ ಇಟಲಿ ಆಟಗಾರ ಮಟಿಯೊ ಬೆರೆಟಿನಿ 6-3, 4-6, 6-4ರಲ್ಲಿ ಡೆನ್ಮಾರ್ಕ್ನ ಹಾಲ್ಜರ್ ರೂನ್ ಎದುರು ಜಯ ಗಳಿಸಿದರು. ಕೆನಡಾದ ಫೆಲಿಕ್ಸ್ ಆಗರ್ ಅಲಿಯಾಸಿಮ್ ಟೂರ್ನಿಯಿಂದ ಹೊರಬಿದ್ದರು. ಅವರನ್ನು ಬಾಟಿಕ್ ವ್ಯಾನ್ ಜೆಂಡ್ಶುಲ್ಪ್ 7-6 (7/4), 6-7 (4/7), 6-3ರಲ್ಲಿ ಸೋಲಿಸಿದರು.</p>.<p><strong>ರಡುಕಾನುಗೆ ನಿರಾಸೆ; ಹಲೆಪ್ಗೆ ಜಯ</strong><br />ಮಹಿಳಾ ವಿಭಾಗದಲ್ಲಿ ಬ್ರಿಟನ್ನ ಎಮಾ ರಡುಕಾನು ಅವರನ್ನು ಕ್ರೊವೇಷ್ಯಾದ ಪೆಟ್ರಾ ಮಾರ್ಟಿಕ್ 6-7 (3/7), 6-4, 7-5ರಲ್ಲಿ ಸೋಲಿಸಿದರು. ಅಮೆರಿಕದ ಯುವ ಆಟಗಾರ್ತಿ ಕೊಕೊ ಗಫ್ ಅವರನ್ನು 6-3, 6-4ರಲ್ಲಿ ಸಿಮೋನಾ ಹಲೆಪ್ ಮಣಿಸಿದರು. ಮೂರನೇ ಶ್ರೇಯಾಂಕದ ಪೋಲೆಂಡ್ ಆಟಗಾರ್ತಿ ಇಗಾ ಸ್ವಾಟೆಕ್ ಡೆನ್ಮಾರ್ಕ್ನ ಕ್ಲಾರಾ ಟಾಸನ್ ವಿರುದ್ಧ 6-7 (3/7), 6-2, 6-1ರಲ್ಲಿ ಗೆದ್ದರು.</p>.<p><strong>ಬಿಲಿ ಜೀನ್ ಕಿಂಗ್ ಕಪ್: ರಷ್ಯಾ ಬದಲಿಗೆ ಆಸ್ಟ್ರೇಲಿಯಾ</strong><br />ಉಕ್ರೇನ್ ಮೇಲೆ ಆಕ್ರಮಣ ನಡೆಸಿರುವ ರಷ್ಯಾವನ್ನು ಬಿಲಿ ಜೀನ್ ಕಿಂಗ್ ಕಪ್ ಫೈನಲ್ಸ್ನಿಂದ ಹೊರಹಾಕಲಾಗಿದ್ದು ಆ ತಂಡದ ಬದಲಿಗೆ ಆಸ್ಟ್ರೇಲಿಯಾಗೆ ಅವಕಾಶ ನೀಡಲು ಅಂತರರಾಷ್ಟ್ರೀಯ ಟೆನಿಸ್ ಫೆಡರೇಷನ್ (ಐಟಿಎಫ್) ನಿರ್ಧರಿಸಿದೆ.</p>.<p>ರಷ್ಯಾವನ್ನು ಡೇವಿಸ್ ಕಪ್ ಟೂರ್ನಿಯಿಂದಲೂ ಹೊರಗಿರಿಸಲಾಗಿದೆ. ರಷ್ಯಾ ಆಕ್ರಮಣಕ್ಕೆ ನೆರವು ಒದಗಿಸಿರುವ ಬೆಲಾರೂಸ್ ತಂಡಕ್ಕೆ ಕೂಡ ಅಂತರರಾಷ್ಟ್ರೀಯ ಟೆನಿಸ್ ಟೂರ್ನಿಗಳಿಂದ ನಿಷೇಧ ಹೇರಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಂಡಿಯನ್ ವೆಲ್ಸ್, ಅಮೆರಿಕ:</strong> ವಿಶ್ವ ಕ್ರಮಾಂಕದಲ್ಲಿ ಮೂರನೆ ಸ್ಥಾನದಲ್ಲಿರುವ ಅಲೆಕ್ಸಾಂಡರ್ ಜ್ವೆರೆವ್ ಅವರು ಎಟಿಪಿ ಇಂಡಿಯನ್ ವೆಲ್ಸ್ ಮಾಸ್ಟರ್ಸ್ ಟೆನಿಸ್ ಟೂರ್ನಿಯಲ್ಲಿ ಸೋಲಿಗೆ ಶರಣಾದರು. ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಅವರನ್ನು ಅಮೆರಿಕದ ಟಾಮಿ ಪಾಲ್ 6-2, 4-6, 7-6 (7/2)ರಲ್ಲಿ ಮಣಿಸಿದರು.</p>.<p>ತಾಳ್ಮೆ ಕಳೆದುಕೊಂಡು ಅಂಪೈರ್ ಕುರ್ಚಿಯ ಮೇಲೆ ಪದೇ ಪದೇ ರ್ಯಾಕೆಟ್ನಿಂದ ಬಡಿದ ಕಾರಣ ಮೆಕ್ಸಿಕೊ ಓಪನ್ನಿಂದ ಜ್ವೆರೆವ್ ಅವರನ್ನು ಅನರ್ಹಗೊಳಿಸಲಾಗಿತ್ತು. ಅದರ ನಂತರ ಇದೇ ಮೊದಲ ಬಾರಿ ಸ್ಪರ್ಧಾ ಕಣಕ್ಕೆ ಇಳಿದ ಅವರು ಇಲ್ಲಿ ಎರಡನೇ ಸುತ್ತಿನಲ್ಲೇ ಹೊರಬಿದ್ದರು.</p>.<p>ಡೊಮಿನಿಕ್ ಕೊಫರ್ ವಿರುದ್ಧ 7-5, 6-4ರಲ್ಲಿ ಗೆದ್ದ ಆ್ಯಂಡಿ ರುಬ್ಲೆವ್ ಎಟಿಪಿಯಲ್ಲಿ ಸತತ 10ನೇ ಗೆಲುವು ದಾಖಲಿಸಿದರು. ಆರನೇ ಶ್ರೇಯಾಂಕದ ಇಟಲಿ ಆಟಗಾರ ಮಟಿಯೊ ಬೆರೆಟಿನಿ 6-3, 4-6, 6-4ರಲ್ಲಿ ಡೆನ್ಮಾರ್ಕ್ನ ಹಾಲ್ಜರ್ ರೂನ್ ಎದುರು ಜಯ ಗಳಿಸಿದರು. ಕೆನಡಾದ ಫೆಲಿಕ್ಸ್ ಆಗರ್ ಅಲಿಯಾಸಿಮ್ ಟೂರ್ನಿಯಿಂದ ಹೊರಬಿದ್ದರು. ಅವರನ್ನು ಬಾಟಿಕ್ ವ್ಯಾನ್ ಜೆಂಡ್ಶುಲ್ಪ್ 7-6 (7/4), 6-7 (4/7), 6-3ರಲ್ಲಿ ಸೋಲಿಸಿದರು.</p>.<p><strong>ರಡುಕಾನುಗೆ ನಿರಾಸೆ; ಹಲೆಪ್ಗೆ ಜಯ</strong><br />ಮಹಿಳಾ ವಿಭಾಗದಲ್ಲಿ ಬ್ರಿಟನ್ನ ಎಮಾ ರಡುಕಾನು ಅವರನ್ನು ಕ್ರೊವೇಷ್ಯಾದ ಪೆಟ್ರಾ ಮಾರ್ಟಿಕ್ 6-7 (3/7), 6-4, 7-5ರಲ್ಲಿ ಸೋಲಿಸಿದರು. ಅಮೆರಿಕದ ಯುವ ಆಟಗಾರ್ತಿ ಕೊಕೊ ಗಫ್ ಅವರನ್ನು 6-3, 6-4ರಲ್ಲಿ ಸಿಮೋನಾ ಹಲೆಪ್ ಮಣಿಸಿದರು. ಮೂರನೇ ಶ್ರೇಯಾಂಕದ ಪೋಲೆಂಡ್ ಆಟಗಾರ್ತಿ ಇಗಾ ಸ್ವಾಟೆಕ್ ಡೆನ್ಮಾರ್ಕ್ನ ಕ್ಲಾರಾ ಟಾಸನ್ ವಿರುದ್ಧ 6-7 (3/7), 6-2, 6-1ರಲ್ಲಿ ಗೆದ್ದರು.</p>.<p><strong>ಬಿಲಿ ಜೀನ್ ಕಿಂಗ್ ಕಪ್: ರಷ್ಯಾ ಬದಲಿಗೆ ಆಸ್ಟ್ರೇಲಿಯಾ</strong><br />ಉಕ್ರೇನ್ ಮೇಲೆ ಆಕ್ರಮಣ ನಡೆಸಿರುವ ರಷ್ಯಾವನ್ನು ಬಿಲಿ ಜೀನ್ ಕಿಂಗ್ ಕಪ್ ಫೈನಲ್ಸ್ನಿಂದ ಹೊರಹಾಕಲಾಗಿದ್ದು ಆ ತಂಡದ ಬದಲಿಗೆ ಆಸ್ಟ್ರೇಲಿಯಾಗೆ ಅವಕಾಶ ನೀಡಲು ಅಂತರರಾಷ್ಟ್ರೀಯ ಟೆನಿಸ್ ಫೆಡರೇಷನ್ (ಐಟಿಎಫ್) ನಿರ್ಧರಿಸಿದೆ.</p>.<p>ರಷ್ಯಾವನ್ನು ಡೇವಿಸ್ ಕಪ್ ಟೂರ್ನಿಯಿಂದಲೂ ಹೊರಗಿರಿಸಲಾಗಿದೆ. ರಷ್ಯಾ ಆಕ್ರಮಣಕ್ಕೆ ನೆರವು ಒದಗಿಸಿರುವ ಬೆಲಾರೂಸ್ ತಂಡಕ್ಕೆ ಕೂಡ ಅಂತರರಾಷ್ಟ್ರೀಯ ಟೆನಿಸ್ ಟೂರ್ನಿಗಳಿಂದ ನಿಷೇಧ ಹೇರಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
