<p><strong>ಮಕಾವ್</strong>: ಮಕಾವ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಪ್ರಶಸ್ತಿ ಎತ್ತಿ ಹಿಡಿಯುವ ಕನಸು ಹೊತ್ತಿದ್ದ ಭಾರತದ ಸೈನಾ ನೆಹ್ವಾಲ್ ಶುಕ್ರವಾರ ಕ್ವಾರ್ಟರ್ ಫೈನಲ್ನಲ್ಲಿ ಮುಗ್ಗರಿಸಿ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.<br /> <br /> ಮಹಿಳೆಯರ ಸಿಂಗಲ್ಸ್ ವಿಭಾಗದ ಹೋರಾಟದಲ್ಲಿ ಸೈನಾ 17–21, 17–21ರ ನೇರ ಗೇಮ್ಗಳಿಂದ ತ ಗಿಂತಲೂ ಕ್ರಮಾಂಕ ಪಟ್ಟಿಯಲ್ಲಿ ಕೆಳಗಿನ ಸ್ಥಾನ ಹೊಂದಿರುವ ಜಾಂಗ್ ಯಿಮಾನ್ ವಿರುದ್ಧ ಪರಾಭವಗೊಂಡರು.<br /> <br /> ರಿಯೊ ಒಲಿಂಪಿಕ್ಸ್ ವೇಳೆ ಗಾಯ ಗೊಂಡಿದ್ದ ಹೈದರಾಬಾದ್ನ ಆಟಗಾರ್ತಿ ಬಳಿಕ ಮಂಡಿಯ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿದ್ದರು. ಹೀಗಾಗಿ ಮೂರು ತಿಂಗಳ ಕಾಲ ಅಂಗಳದಿಂದ ದೂರ ಉಳಿದಿದ್ದರು.<br /> <br /> ಪೂರ್ಣವಾಗಿ ಗುಣಮುಖರಾದ ಬಳಿಕ ಚೀನಾ ಓಪನ್ನಲ್ಲಿ ಆಡಿದ್ದ ಸೈನಾ ಮೊದಲ ಸುತ್ತಿನಲ್ಲಿ ಮುಗ್ಗರಿಸಿದ್ದರು. ಬಳಿಕ ನಡೆದ ಇಂಡೊನೇಷ್ಯಾ ಓಪನ್ ನಲ್ಲಿ ಕ್ವಾರ್ಟರ್ ಫೈನಲ್ನಲ್ಲಿ ಸೋತಿದ್ದ ಭಾರತದ ಆಟಗಾರ್ತಿ ಮಕಾವ್ ಓಪನ್ನಲ್ಲೂ ನಿರಾಸೆ ಮೂಡಿಸಿದರು.<br /> <br /> ಆರಂಭಿಕ ಪಂದ್ಯಗಳಲ್ಲಿ ಬಲಿಷ್ಠ ಆಟಗಾರ್ತಿಯರನ್ನು ಹಣಿದು ವಿಶ್ವಾಸದ ಉತ್ತುಂಗದಲ್ಲಿ ತೇಲುತ್ತಿದ್ದ ಸೈನಾ ಮೊದಲ ಗೇಮ್ನಲ್ಲಿ ಗುಣಮಟ್ಟದ ಆಟ ಆಡಲು ವಿಫಲರಾದರು.<br /> <br /> ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 226ನೇ ಸ್ಥಾನ ಹೊಂದಿದ್ದ ಜಾಂಗ್ ಸುಂದರ ಸರ್ವ್ ಹಾಗೂ ಆಕರ್ಷಕ ರಿಟರ್ನ್ಗಳ ಮೂಲಕ ಚುರುಕಾಗಿ ಪಾಯಿಂಟ್ಸ್ ಹೆಕ್ಕಿ 4–2ರ ಮುನ್ನಡೆ ಗಳಿಸಿದರು.<br /> <br /> ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದ್ದ ಸೈನಾ ನಂತರ ಆಕರ್ಷಕ ಡ್ರಾಪ್ಗಳ ಮೂಲಕ ಪಾಯಿಂಟ್ಸ್ ಸಂಗ್ರ ಹಿಸಿ ಹಿನ್ನಡೆಯನ್ನು 8–9ಕ್ಕೆ ತಗ್ಗಿಸಿ ಕೊಂಡರು.<br /> <br /> ಈ ಹಂತದಲ್ಲಿ ಆಕ್ರಮಣಕಾರಿ ಆಟ ಆಡಿದ 19 ವರ್ಷದ ಚೀನಾದ ಆಟ ಗಾರ್ತಿ ಸತತ ಐದು ಪಾಯಿಂಟ್ಸ್ ಗಳಿಸಿ ಮುನ್ನಡೆಯನ್ನು 14–8ಕ್ಕೆ ಹೆಚ್ಚಿಸಿಕೊಂಡರು.<br /> <br /> ಇದರಿಂದ ಕೊಂಚ ಒತ್ತಡಕ್ಕೆ ಒಳಗಾದಂತೆ ಕಂಡರೂ ಕೂಡಾ ಸೈನಾ ಛಲದ ಹೋರಾಟ ಮುಂದುವರಿಸಿದರು. ನೆಟ್ನ ಸಮೀಪದಲ್ಲಿ ಷಟಲ್ ಡ್ರಾಪ್ ಮಾಡುವ ಮೂಲಕ ಎದುರಾಳಿ ಯನ್ನು ತಬ್ಬಿಬ್ಬುಗೊಳಿಸಿದ ಅವರು 17–17ರ ಸಮಬಲಕ್ಕೆ ಕಾರಣರಾದರು.<br /> <br /> ಆ ನಂತರ ಚೀನಾದ ಆಟಗಾರ್ತಿ ಅಂಗಳದಲ್ಲಿ ಮಿಂಚು ಹರಿಸಿದರು. ಜಾಂಗ್ ರ್ಯಾಕೆಟ್ನಿಂದ ಹೊರಹೊಮ್ಮುತ್ತಿದ್ದ ಮನಮೋಹಕ ಕ್ರಾಸ್ಕೋರ್ಟ್ ಹೊಡೆತಗಳನ್ನು ಹಿಂತಿರುಗಿಸಲು ಪ್ರಯಾಸ ಪಟ್ಟ ಸೈನಾ ಸೋಲಿಗೆ ಶರಣಾದರು.<br /> <br /> ಒಲಿಂಪಿಕ್ಸ್ನಲ್ಲಿ ಕಂಚು ಗೆದ್ದ ಸಾಧನೆ ಮಾಡಿದ್ದ ಸೈನಾ ಎರಡನೇ ಗೇಮ್ನಲ್ಲಿ ತಿರುಗೇಟು ನೀಡಬಹುದು ಎಂದು ಅಂದಾಜಿಸಲಾಗಿತ್ತು. ಈ ನಿರೀಕ್ಷೆಯನ್ನು ಭಾರತದ ಆಟಗಾರ್ತಿ ಹುಸಿ ಮಾಡಲಿಲ್ಲ.<br /> <br /> ಸುಂದರ ಸರ್ವ್ಗಳ ಮೂಲಕ ಅಭಿಮಾನಿಗಳನ್ನು ರಂಜಿಸಿದ ಅವರು ಸತತ ಆರು ಪಾಯಿಂಟ್ಸ್ ಬೇಟೆಯಾಡಿ ಮುನ್ನಡೆ ಕಂಡುಕೊಂಡರು. ಇದರಿಂದ ಚೀನಾದ ಆಟಗಾರ್ತಿ ಧೃತಿಗೆಡಲಿಲ್ಲ. ಗುಣಮಟ್ಟದ ಆಟ ಆಡಿದ ಅವರು 7–7ರಲ್ಲಿ ಸಮಬಲ ಮಾಡಿಕೊಂಡು ಸೈನಾ ಗೆಲುವಿನ ಹಾದಿಯನ್ನು ಕಠಿಣಗೊಳಿಸಿದರು.<br /> <br /> ಆ ನಂತರವೂ ಅವರ ಅಬ್ಬರ ಮುಂದುವರಿಯಿತು. ನಿರಂತರವಾಗಿ ಪಾಯಿಂಟ್ಸ್ ಸಂಗ್ರಹಿಸುತ್ತ ಸಾಗಿದ ಜಾಂಗ್ 19–12ರ ಮುನ್ನಡೆ ಗಳಿಸಿ ಪಂದ್ಯದ ಮೇಲಿನ ಹಿಡಿತ ಬಿಗಿ ಮಾಡಿಕೊಂಡರು.<br /> <br /> ಈ ಹಂತದಲ್ಲಿ ಸೈನಾ ಸತತ ನಾಲ್ಕು ಪಾಯಿಂಟ್ಸ್ ಸಂಗ್ರಹಿಸಿ ತೀವ್ರ ಪೈಪೋಟಿ ಒಡ್ಡಿದರು. ಇದರ ನಡುವೆಯೂ ಭಾರತದ ಆಟಗಾರ್ತಿಯ ಸವಾಲು ಮೀರಿ ನಿಂತ ಜಾಂಗ್ 35ನೇ ನಿಮಿಷದಲ್ಲಿ ಗೆಲುವಿನ ತೋರಣ ಕಟ್ಟಿದರು.<br /> <br /> <strong>ಪ್ರಣೀತ್ಗೆ ನಿರಾಸೆ:</strong> ಪುರುಷರ ಸಿಂಗಲ್ಸ್ನಲ್ಲಿ ಭಾರತದ ಭರವಸೆ ಎನಿಸಿದ್ದ ಬಿ. ಸಾಯಿ ಪ್ರಣೀತ್ ಕೂಡಾ ಎಂಟರ ಘಟ್ಟದ ಹೋರಾಟದಲ್ಲಿ ಎಡವಿದರು.<br /> ಕ್ವಾರ್ಟರ್ಫೈನಲ್ನಲ್ಲಿ ಪ್ರಣೀತ್ 19–21, 9–21ರಿಂದ ಚೀನಾದ ಜುನ್ ಪೆಂಗ್ ಜಾವೊಗೆ ಶರಣಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಕಾವ್</strong>: ಮಕಾವ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಪ್ರಶಸ್ತಿ ಎತ್ತಿ ಹಿಡಿಯುವ ಕನಸು ಹೊತ್ತಿದ್ದ ಭಾರತದ ಸೈನಾ ನೆಹ್ವಾಲ್ ಶುಕ್ರವಾರ ಕ್ವಾರ್ಟರ್ ಫೈನಲ್ನಲ್ಲಿ ಮುಗ್ಗರಿಸಿ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.<br /> <br /> ಮಹಿಳೆಯರ ಸಿಂಗಲ್ಸ್ ವಿಭಾಗದ ಹೋರಾಟದಲ್ಲಿ ಸೈನಾ 17–21, 17–21ರ ನೇರ ಗೇಮ್ಗಳಿಂದ ತ ಗಿಂತಲೂ ಕ್ರಮಾಂಕ ಪಟ್ಟಿಯಲ್ಲಿ ಕೆಳಗಿನ ಸ್ಥಾನ ಹೊಂದಿರುವ ಜಾಂಗ್ ಯಿಮಾನ್ ವಿರುದ್ಧ ಪರಾಭವಗೊಂಡರು.<br /> <br /> ರಿಯೊ ಒಲಿಂಪಿಕ್ಸ್ ವೇಳೆ ಗಾಯ ಗೊಂಡಿದ್ದ ಹೈದರಾಬಾದ್ನ ಆಟಗಾರ್ತಿ ಬಳಿಕ ಮಂಡಿಯ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿದ್ದರು. ಹೀಗಾಗಿ ಮೂರು ತಿಂಗಳ ಕಾಲ ಅಂಗಳದಿಂದ ದೂರ ಉಳಿದಿದ್ದರು.<br /> <br /> ಪೂರ್ಣವಾಗಿ ಗುಣಮುಖರಾದ ಬಳಿಕ ಚೀನಾ ಓಪನ್ನಲ್ಲಿ ಆಡಿದ್ದ ಸೈನಾ ಮೊದಲ ಸುತ್ತಿನಲ್ಲಿ ಮುಗ್ಗರಿಸಿದ್ದರು. ಬಳಿಕ ನಡೆದ ಇಂಡೊನೇಷ್ಯಾ ಓಪನ್ ನಲ್ಲಿ ಕ್ವಾರ್ಟರ್ ಫೈನಲ್ನಲ್ಲಿ ಸೋತಿದ್ದ ಭಾರತದ ಆಟಗಾರ್ತಿ ಮಕಾವ್ ಓಪನ್ನಲ್ಲೂ ನಿರಾಸೆ ಮೂಡಿಸಿದರು.<br /> <br /> ಆರಂಭಿಕ ಪಂದ್ಯಗಳಲ್ಲಿ ಬಲಿಷ್ಠ ಆಟಗಾರ್ತಿಯರನ್ನು ಹಣಿದು ವಿಶ್ವಾಸದ ಉತ್ತುಂಗದಲ್ಲಿ ತೇಲುತ್ತಿದ್ದ ಸೈನಾ ಮೊದಲ ಗೇಮ್ನಲ್ಲಿ ಗುಣಮಟ್ಟದ ಆಟ ಆಡಲು ವಿಫಲರಾದರು.<br /> <br /> ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 226ನೇ ಸ್ಥಾನ ಹೊಂದಿದ್ದ ಜಾಂಗ್ ಸುಂದರ ಸರ್ವ್ ಹಾಗೂ ಆಕರ್ಷಕ ರಿಟರ್ನ್ಗಳ ಮೂಲಕ ಚುರುಕಾಗಿ ಪಾಯಿಂಟ್ಸ್ ಹೆಕ್ಕಿ 4–2ರ ಮುನ್ನಡೆ ಗಳಿಸಿದರು.<br /> <br /> ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದ್ದ ಸೈನಾ ನಂತರ ಆಕರ್ಷಕ ಡ್ರಾಪ್ಗಳ ಮೂಲಕ ಪಾಯಿಂಟ್ಸ್ ಸಂಗ್ರ ಹಿಸಿ ಹಿನ್ನಡೆಯನ್ನು 8–9ಕ್ಕೆ ತಗ್ಗಿಸಿ ಕೊಂಡರು.<br /> <br /> ಈ ಹಂತದಲ್ಲಿ ಆಕ್ರಮಣಕಾರಿ ಆಟ ಆಡಿದ 19 ವರ್ಷದ ಚೀನಾದ ಆಟ ಗಾರ್ತಿ ಸತತ ಐದು ಪಾಯಿಂಟ್ಸ್ ಗಳಿಸಿ ಮುನ್ನಡೆಯನ್ನು 14–8ಕ್ಕೆ ಹೆಚ್ಚಿಸಿಕೊಂಡರು.<br /> <br /> ಇದರಿಂದ ಕೊಂಚ ಒತ್ತಡಕ್ಕೆ ಒಳಗಾದಂತೆ ಕಂಡರೂ ಕೂಡಾ ಸೈನಾ ಛಲದ ಹೋರಾಟ ಮುಂದುವರಿಸಿದರು. ನೆಟ್ನ ಸಮೀಪದಲ್ಲಿ ಷಟಲ್ ಡ್ರಾಪ್ ಮಾಡುವ ಮೂಲಕ ಎದುರಾಳಿ ಯನ್ನು ತಬ್ಬಿಬ್ಬುಗೊಳಿಸಿದ ಅವರು 17–17ರ ಸಮಬಲಕ್ಕೆ ಕಾರಣರಾದರು.<br /> <br /> ಆ ನಂತರ ಚೀನಾದ ಆಟಗಾರ್ತಿ ಅಂಗಳದಲ್ಲಿ ಮಿಂಚು ಹರಿಸಿದರು. ಜಾಂಗ್ ರ್ಯಾಕೆಟ್ನಿಂದ ಹೊರಹೊಮ್ಮುತ್ತಿದ್ದ ಮನಮೋಹಕ ಕ್ರಾಸ್ಕೋರ್ಟ್ ಹೊಡೆತಗಳನ್ನು ಹಿಂತಿರುಗಿಸಲು ಪ್ರಯಾಸ ಪಟ್ಟ ಸೈನಾ ಸೋಲಿಗೆ ಶರಣಾದರು.<br /> <br /> ಒಲಿಂಪಿಕ್ಸ್ನಲ್ಲಿ ಕಂಚು ಗೆದ್ದ ಸಾಧನೆ ಮಾಡಿದ್ದ ಸೈನಾ ಎರಡನೇ ಗೇಮ್ನಲ್ಲಿ ತಿರುಗೇಟು ನೀಡಬಹುದು ಎಂದು ಅಂದಾಜಿಸಲಾಗಿತ್ತು. ಈ ನಿರೀಕ್ಷೆಯನ್ನು ಭಾರತದ ಆಟಗಾರ್ತಿ ಹುಸಿ ಮಾಡಲಿಲ್ಲ.<br /> <br /> ಸುಂದರ ಸರ್ವ್ಗಳ ಮೂಲಕ ಅಭಿಮಾನಿಗಳನ್ನು ರಂಜಿಸಿದ ಅವರು ಸತತ ಆರು ಪಾಯಿಂಟ್ಸ್ ಬೇಟೆಯಾಡಿ ಮುನ್ನಡೆ ಕಂಡುಕೊಂಡರು. ಇದರಿಂದ ಚೀನಾದ ಆಟಗಾರ್ತಿ ಧೃತಿಗೆಡಲಿಲ್ಲ. ಗುಣಮಟ್ಟದ ಆಟ ಆಡಿದ ಅವರು 7–7ರಲ್ಲಿ ಸಮಬಲ ಮಾಡಿಕೊಂಡು ಸೈನಾ ಗೆಲುವಿನ ಹಾದಿಯನ್ನು ಕಠಿಣಗೊಳಿಸಿದರು.<br /> <br /> ಆ ನಂತರವೂ ಅವರ ಅಬ್ಬರ ಮುಂದುವರಿಯಿತು. ನಿರಂತರವಾಗಿ ಪಾಯಿಂಟ್ಸ್ ಸಂಗ್ರಹಿಸುತ್ತ ಸಾಗಿದ ಜಾಂಗ್ 19–12ರ ಮುನ್ನಡೆ ಗಳಿಸಿ ಪಂದ್ಯದ ಮೇಲಿನ ಹಿಡಿತ ಬಿಗಿ ಮಾಡಿಕೊಂಡರು.<br /> <br /> ಈ ಹಂತದಲ್ಲಿ ಸೈನಾ ಸತತ ನಾಲ್ಕು ಪಾಯಿಂಟ್ಸ್ ಸಂಗ್ರಹಿಸಿ ತೀವ್ರ ಪೈಪೋಟಿ ಒಡ್ಡಿದರು. ಇದರ ನಡುವೆಯೂ ಭಾರತದ ಆಟಗಾರ್ತಿಯ ಸವಾಲು ಮೀರಿ ನಿಂತ ಜಾಂಗ್ 35ನೇ ನಿಮಿಷದಲ್ಲಿ ಗೆಲುವಿನ ತೋರಣ ಕಟ್ಟಿದರು.<br /> <br /> <strong>ಪ್ರಣೀತ್ಗೆ ನಿರಾಸೆ:</strong> ಪುರುಷರ ಸಿಂಗಲ್ಸ್ನಲ್ಲಿ ಭಾರತದ ಭರವಸೆ ಎನಿಸಿದ್ದ ಬಿ. ಸಾಯಿ ಪ್ರಣೀತ್ ಕೂಡಾ ಎಂಟರ ಘಟ್ಟದ ಹೋರಾಟದಲ್ಲಿ ಎಡವಿದರು.<br /> ಕ್ವಾರ್ಟರ್ಫೈನಲ್ನಲ್ಲಿ ಪ್ರಣೀತ್ 19–21, 9–21ರಿಂದ ಚೀನಾದ ಜುನ್ ಪೆಂಗ್ ಜಾವೊಗೆ ಶರಣಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
