ಮೂರನೇ ಮದುವೆ ವೇಳೆ ಪಾಕ್ ವ್ಯಕ್ತಿಗೆ ಮೊದಲ ಪತ್ನಿಯಿಂದ ಬಿತ್ತು ಏಟು

ಕರಾಚಿ: ಮೂರನೇ ಮದುವೆಯಾಗುತ್ತಿದ್ದ ವ್ಯಕ್ತಿಯೊಬ್ಬರಿಗೆ ವಿವಾಹ ಸಮಾರಂಭದ ವೇಳೆಯೇ ಮೊದಲ ಪತ್ನಿ ಥಳಿಸಿದ ಘಟನೆಪಾಕಿಸ್ತಾನದ ಕರಾಚಿಯಲ್ಲಿ ನಡೆದಿದೆ.

. ಕರಾಚಿಯ ಸಖಿ ಹಸನ್ ಚೌರಾಂಗಿ ಪ್ರದೇಶದಲ್ಲಿ ಆಸಿಫ್ ರಫೀಕ್ ಎಂಬುವವರ ಮೂರನೇ ವಿವಾಹ ನಡೆಯುತ್ತಿತ್ತು. ಈ ವೇಳೆ ಅಲ್ಲಿಗೆ ಬಂದ ರಫೀಕ್ ಮೊದಲ ಪತ್ನಿ ಮದಿಹಾ ಮತ್ತು ಆಕೆಯ ಸಂಬಂಧಿಕರು ಮದುಮಗನಿಗೆ ಯದ್ವಾತದ್ವಾ ಹೊಡೆದಿದ್ದಾರೆ. ಬಟ್ಟೆಯನ್ನೂ ಎಳೆದು ಹರಿದುಹಾಕಿದ್ದಾರೆ. ಬಳಿಕ ಪೊಲೀಸರು ಮದುಮಗನನ್ನು ರಕ್ಷಿಸಿದ್ದಾರೆ ಎಂದು ಎಕ್ಸ್ಪ್ರೆಸ್ ಟ್ರಿಬ್ಯೂನ್ ವರದಿ ಮಾಡಿದೆ.

. 2014ರಲ್ಲಿಆಸಿಫ್ ರಫೀಕ್ ತನ್ನನ್ನು ವಿವಾಹವಾಗಿದ್ದಾರೆ ಎಂದುಮದಿಹಾ ಹೇಳಿಕೊಂಡಿದ್ದಾರೆ. ತನ್ನ ಒಪ್ಪಿಗೆ ಇಲ್ಲದೆ ಜಿನ್ನಾ ವಿಶ್ವವಿದ್ಯಾಲಯದ ನೌಕರಳನ್ನುಆಸಿಫ್ ಎರಡನೇ ಮದುವೆಯಾಗಿದ್ದರು. ಈ ವಿಚಾರ ಗಮನಕ್ಕೆ ಬಂದು ತರಾಟೆಗೆ ತೆಗೆದುಕೊಂಡಾಗ, ಮುಂದೆ ನಿನ್ನೊಂದಿಗೇ ವಾಸಿಸುವುದಾಗಿ ಭರವಸೆಯನ್ನೂ ನೀಡಿದ್ದರು ಎಂದೂ ಮದಿಹಾ ಹೇಳಿದ್ದಾರೆ.

. ಮದಿಹಾ ಮತ್ತು ಸಂಬಂಧಿಕರು ಮದುಮಗನಿಗೆ ಹೊಡೆದಿದ್ದು ಸಾಲದೆಂಬಂತೆ, ವಶಕ್ಕೆ ಪಡೆದ ಬಳಿಕ ಪೊಲೀಸರೂ ಎರಡೇಟು ನೀಡಿದ್ದಾರೆ. ಈ ವೇಳೆ ಪೊಲೀಸರಿಂದ ತಪ್ಪಿಸಿಕೊಂಡು ಓಡಿಹೋದಆಸಿಫ್ ಬೆನ್ನಟ್ಟಿದ ಮದಿಹಾ ಮತ್ತು ಸಂಬಂಧಿಕರು ಮತ್ತೆ ಹಲ್ಲೆ ನಡೆಸಿದ್ದಾರೆ. ಇವರಿಂದ ತಪ್ಪಿಸಿಕೊಳ್ಳಲು ಬಸ್ಸೊಂದರ ಅಡಿ ನುಸುಳಿದಆಸಿಫ್ಗೆ ನಂತರ ಸ್ಥಳೀಯರು ರಕ್ಷಣೆ ನೀಡಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ.

. ‘ಏಕಕಾಲದಲ್ಲಿ ನಾಲ್ವರನ್ನು ಮದುವೆಯಾಗುವುದು ನನ್ನ ಹಕ್ಕು’: ಪ್ರಕರಣದ ಬಗ್ಗೆ ಆಸಿಫ್ ಹೇಳುವುದೇ ಬೇರೆ. ’ನಾನು ಮದಿಹಾಗೆ ವಿಚ್ಛೇದನ ನೀಡಿದ್ದೇನೆ. ಹೀಗಾಗಿ ಮತ್ತೊಂದು ಮದುವೆಯಾಗಲು ಆಕೆಯ ಅನುಮತಿ ಬೇಕಿಲ್ಲ. ಏಕಕಾಲದಲ್ಲಿ ನಾಲ್ವರು ಮಹಿಳೆಯರನ್ನು ವಿವಾಹವಾಗುವುದು ನನ್ನ ಹಕ್ಕು’ ಎಂಬುದುಆಸಿಫ್ ಪ್ರತಿಪಾದನೆ.

. ಕೌಟುಂಬಿಕ ಕಲಹವಾದ ಕಾರಣ ನ್ಯಾಯಾಲಯದ ಮೊರೆಹೋಗುವಂತೆ ಇಬ್ಬರಿಗೂ ಪೊಲೀಸರು ಸಲಹೆ ನೀಡಿದ್ದಾರೆ. ಆಸಿಫ್ ವೈದ್ಯಕೀಯ ತಪಾಸಣೆ ನಡೆಸಿದ ಬಳಿಕ ಹಲ್ಲೆ ಪ್ರಕರಣ ದಾಖಲಿಸಿಕೊಳ್ಳುವುದಾಗಿಯೂ ಪೊಲೀಸರು ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೂರನೇ ಮದುವೆ ವೇಳೆ ಪಾಕ್ ವ್ಯಕ್ತಿಗೆ ಮೊದಲ ಪತ್ನಿಯಿಂದ ಬಿತ್ತು ಏಟು

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!