<p><strong>ಜಕಾರ್ತ:</strong> ಇಂಡೊನೇಷ್ಯಾದ ಸುಮಾತ್ರ ದ್ವೀಪದ ಅರಣ್ಯದಲ್ಲಿ ಕಂಡು ಬಂದ ಬೆಂಕಿ, ದಟ್ಟ ಹೊಗೆ ಆಗಸವನ್ನೇ ಆವರಿಸಿತ್ತು. ಬೆಂಕಿಯ ಕೆನ್ನಾಲಿಗೆ, ಹೊಗೆ ಮೂಲಕ ಸೂರ್ಯ ಕಿರಣಗಳು ಹಾಯ್ದು ಹೋದ ಪರಿಣಾಮ ಆಗಸವೆಲ್ಲಾ ರಕ್ತಕೆಂಪು ಬಣ್ಣಕ್ಕೆ ತಿರುಗಿದ ವಿದ್ಯಮಾನಕ್ಕೆ ಈ ದ್ವೀಪ ಸಾಕ್ಷಿಯಾಗಿತ್ತು.</p>.<p>ಈ ವಿದ್ಯಮಾನವನ್ನು ಚಿತ್ರೀಕರಿಸಿದ್ದ ಯುನಿತಾ ಎಂಬುವವರು, ‘ಜೋರಾಗಿ ಬೀಸುವ ಗಾಳಿ, ದಟ್ಟವಾದ ಹೊಂಜಿನಿಂದಾಗಿ ಉಸಿರಾಡುವುದು ಕಷ್ಟವಾಗಿತ್ತು’ ಎಂಬ ಒಕ್ಕಣೆಯೊಂದಿಗೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೊ ಹಾಕಿದ್ದರು.</p>.<p>ಇದು ಕೆಲವೇ ಸಮಯದಲ್ಲಿ ಸಾಕಷ್ಟು ಪ್ರಚಾರ ಪಡೆಯಿತಲ್ಲದೇ, ಇನ್ಸ್ಟಾಗ್ರಾಂನಲ್ಲಿನ ವಿಡಿಯೊವನ್ನು ಮೂರು ದಿನಗಳಲ್ಲಿ 6 ಲಕ್ಷ ವೀಕ್ಷಿಸಲಾಗಿದೆ ಎಂದು ಮೂಲಗಳು ಹೇಳಿವೆ.</p>.<p>ಈ ವಿಡಿಯೊದಲ್ಲಿ ದೃಶ್ಯಗಳ ಬಗ್ಗೆ ನಾನಾ ರೀತಿಯ ವಿಶ್ಲೇಷಣೆಗಳೂ ಬಂದವು. ‘ಗಾಳಿಯಲ್ಲಿ ತೇಲಾಡುವ ಏರೋಸಾಲ್ ಎಂಬ ಘನ ಅಥವಾ ದ್ರವರೂಪದ ಕಣಗಳಿಂದಾಗಿ ಆಗಸದ ಬಣ್ಣ ರಕ್ತ ಕೆಂಪಾಗಿದೆ’ ಎಂದು ಅಮೆರಿಕದ ವಿಜ್ಞಾನಿ ಎ.ಆರ್.ರವಿಶಂಕರ ಅವರು ‘ಸೈಂಟಿಫಿಕ್ ಅಮೆರಿಕನ್’ ವೆಬ್ಸೈಟ್ನಲ್ಲಿ ಪ್ರಕಟಿಸಿದ ಲೇಖನದಲ್ಲಿ ವಿಶ್ಲೇಷಿಸಿದ್ದಾರೆ.</p>.<p>ತರಹೇವಾರಿ ಪ್ರತಿಕ್ರಿಯೆಗಳ ಪೈಕಿ ಟ್ಟೀಟರ್ನಲ್ಲಿ ಝುನಿಶ್ ಎಂಬುವವರು ಮಾಡಿದ ಟ್ವೀಟ್ ಗಮನ ಸೆಳೆದಿದೆ. ‘ಇದು ಭೂಮಿ; ಮಂಗಳನ ಆಗಸವಲ್ಲ. ಇದು ಜಾಂಬಿ (ಸುಮಾತ್ರ ದ್ವೀಪದ ಒಂದು ಪ್ರದೇಶ) ಪ್ರದೇಶವೇ ಹೊರತು ಬಾಹ್ಯಾಕಾಶವಲ್ಲ. ನಾವು ಮನಷ್ಯರು. ಶುದ್ಧ ಗಾಳಿಯನ್ನು ಉಸಿರಾಡಬೇಕು, ಹೊಗೆಯನ್ನಲ್ಲ’ ಎಂದು ಟ್ವೀಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜಕಾರ್ತ:</strong> ಇಂಡೊನೇಷ್ಯಾದ ಸುಮಾತ್ರ ದ್ವೀಪದ ಅರಣ್ಯದಲ್ಲಿ ಕಂಡು ಬಂದ ಬೆಂಕಿ, ದಟ್ಟ ಹೊಗೆ ಆಗಸವನ್ನೇ ಆವರಿಸಿತ್ತು. ಬೆಂಕಿಯ ಕೆನ್ನಾಲಿಗೆ, ಹೊಗೆ ಮೂಲಕ ಸೂರ್ಯ ಕಿರಣಗಳು ಹಾಯ್ದು ಹೋದ ಪರಿಣಾಮ ಆಗಸವೆಲ್ಲಾ ರಕ್ತಕೆಂಪು ಬಣ್ಣಕ್ಕೆ ತಿರುಗಿದ ವಿದ್ಯಮಾನಕ್ಕೆ ಈ ದ್ವೀಪ ಸಾಕ್ಷಿಯಾಗಿತ್ತು.</p>.<p>ಈ ವಿದ್ಯಮಾನವನ್ನು ಚಿತ್ರೀಕರಿಸಿದ್ದ ಯುನಿತಾ ಎಂಬುವವರು, ‘ಜೋರಾಗಿ ಬೀಸುವ ಗಾಳಿ, ದಟ್ಟವಾದ ಹೊಂಜಿನಿಂದಾಗಿ ಉಸಿರಾಡುವುದು ಕಷ್ಟವಾಗಿತ್ತು’ ಎಂಬ ಒಕ್ಕಣೆಯೊಂದಿಗೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೊ ಹಾಕಿದ್ದರು.</p>.<p>ಇದು ಕೆಲವೇ ಸಮಯದಲ್ಲಿ ಸಾಕಷ್ಟು ಪ್ರಚಾರ ಪಡೆಯಿತಲ್ಲದೇ, ಇನ್ಸ್ಟಾಗ್ರಾಂನಲ್ಲಿನ ವಿಡಿಯೊವನ್ನು ಮೂರು ದಿನಗಳಲ್ಲಿ 6 ಲಕ್ಷ ವೀಕ್ಷಿಸಲಾಗಿದೆ ಎಂದು ಮೂಲಗಳು ಹೇಳಿವೆ.</p>.<p>ಈ ವಿಡಿಯೊದಲ್ಲಿ ದೃಶ್ಯಗಳ ಬಗ್ಗೆ ನಾನಾ ರೀತಿಯ ವಿಶ್ಲೇಷಣೆಗಳೂ ಬಂದವು. ‘ಗಾಳಿಯಲ್ಲಿ ತೇಲಾಡುವ ಏರೋಸಾಲ್ ಎಂಬ ಘನ ಅಥವಾ ದ್ರವರೂಪದ ಕಣಗಳಿಂದಾಗಿ ಆಗಸದ ಬಣ್ಣ ರಕ್ತ ಕೆಂಪಾಗಿದೆ’ ಎಂದು ಅಮೆರಿಕದ ವಿಜ್ಞಾನಿ ಎ.ಆರ್.ರವಿಶಂಕರ ಅವರು ‘ಸೈಂಟಿಫಿಕ್ ಅಮೆರಿಕನ್’ ವೆಬ್ಸೈಟ್ನಲ್ಲಿ ಪ್ರಕಟಿಸಿದ ಲೇಖನದಲ್ಲಿ ವಿಶ್ಲೇಷಿಸಿದ್ದಾರೆ.</p>.<p>ತರಹೇವಾರಿ ಪ್ರತಿಕ್ರಿಯೆಗಳ ಪೈಕಿ ಟ್ಟೀಟರ್ನಲ್ಲಿ ಝುನಿಶ್ ಎಂಬುವವರು ಮಾಡಿದ ಟ್ವೀಟ್ ಗಮನ ಸೆಳೆದಿದೆ. ‘ಇದು ಭೂಮಿ; ಮಂಗಳನ ಆಗಸವಲ್ಲ. ಇದು ಜಾಂಬಿ (ಸುಮಾತ್ರ ದ್ವೀಪದ ಒಂದು ಪ್ರದೇಶ) ಪ್ರದೇಶವೇ ಹೊರತು ಬಾಹ್ಯಾಕಾಶವಲ್ಲ. ನಾವು ಮನಷ್ಯರು. ಶುದ್ಧ ಗಾಳಿಯನ್ನು ಉಸಿರಾಡಬೇಕು, ಹೊಗೆಯನ್ನಲ್ಲ’ ಎಂದು ಟ್ವೀಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>