Covid-19 World Update: 24 ಗಂಟೆಗಳಲ್ಲಿ 3,062 ಸಾವು, 61,923 ಸೋಂಕು ಪ್ರಕರಣ

ವಾಷಿಂಗ್ಟನ್: ಕೊರೊನಾ ವೈರಸ್‌ ಸೋಂಕಿನಿಂದಾಗಿ ವಿಶ್ವದಾದ್ಯಂತ ಮೃತಪಟ್ಟವರ ಸಂಖ್ಯೆ ಸೋಮವಾರ ರಾತ್ರಿ ವೇಳೆಗೆ 2.50 ಲಕ್ಷ ತಲುಪಿದೆ.  ಇಲ್ಲಿಯವರಿಗೆ 3.5 ದಶಲಕ್ಷ ಜನರಿಗೆ ಸೋಂಕು ತಗಲಿರುವುದಾಗಿ ರಾಯಿಟರ್ಸ್ ಅಂಕಿ ಅಂಶಗಳು ಹೇಳಿವೆ.

ಕಳೆದ 24 ಗಂಟೆಗಳಲ್ಲಿ  3,062  ಹೊಸ ಸಾವು ಪ್ರಕರಣಗಳು ಮತ್ತು 61,923  ಸೋಂಕುಪ್ರಕರಣಗಳು ವರದಿಯಾಗಿವೆ. ಇದೀಗ ಒಟ್ಟು ಪ್ರಕರಣಗಳ ಸಂಖ್ಯೆ  3.58 ದಶಲಕ್ಷ ಆಗಿದೆ. 

ಉತ್ತರ ಅಮೆರಿಕ ಮತ್ತು ಯುರೋಪಿಯನ್ ದೇಶಗಳಲ್ಲಿ ಹೊಸ ಸೋಂಕು ಪ್ರಕರಣಗಳು ಮತ್ತು ಸಾವಿನ ಪ್ರಕರಣಗಳು ವರದಿಯಾಗುತ್ತಲೇ ಇವೆ. ಲ್ಯಾಟಿನ್ ಅಮೆರಿಕ, ಆಫ್ರಿಕಾ ಮತ್ತು ರಷ್ಯಾದಲ್ಲಿಯೂ ಪ್ರಕರಣಗಳ ಸಂಖ್ಯೆ ಏರಿಕೆಯಾಗಿದೆ.

ಜಾನ್ ಹಾಪ್ಕಿನ್ಸ್  ಕೊರೊನಾವೈರಸ್ ರಿಸೋರ್ಸ್ ಸೆಂಟರ್ ಅಂಕಿಅಂಶಗಳ ಪ್ರಕಾರ ಸೋಂಕಿತರ ಸಂಖ್ಯೆ 3,584.118 ಆಗಿದೆ.  ಅಮೆರಿಕದಲ್ಲಿ 1180643, ಸ್ಪೇನ್ -218011, ಇಟಲಿ-211938, ಬ್ರಿಟನ್- 191832, ಫ್ರಾನ್ಸ್-169583 ಮಂದಿ ಸೋಂಕಿತರಿದ್ದಾರೆ.
ಇಲ್ಲಿಯವರೆಗೆ ಸಾವಿಗೀಡಾದವರ ಸಂಖ್ಯೆ 2,51,562. ಅಮೆರಿಕದಲ್ಲಿ 68,934 ಮಂದಿ ಸಾವಿಗೀಡಾಗಿದ್ದು ಇಟಲಿಯಲ್ಲಿ 29079 ಮಂದಿ ಸಾವಿಗೀಡಾಗಿದ್ದಾರೆ.