ಶನಿವಾರ, ಜೂಲೈ 4, 2020
24 °C
327 ಸಿಬ್ಬಂದಿಗೆ ಕೋವಿಡ್–19

ಶ್ರೀಲಂಕಾ: ಕೊರೊನಾ ಸೋಂಕಿತರ ಪೈಕಿ ನೌಕಾಪಡೆ ಸಿಬ್ಬಂದಿಯೇ ಹೆಚ್ಚು

ಪಿಟಿಐ Updated:

ಅಕ್ಷರ ಗಾತ್ರ : | |

Sri Lanka navvy

ಕೊಲಂಬೊ: ಶ್ರೀಲಂಕಾದಲ್ಲಿ ಈವರೆಗೆ ಒಟ್ಟು 752 ಜನರಿಗೆ ಕೊರೊನಾ ವೈರಸ್ ಸೋಂಕು ತಗುಲಿದ್ದು, ಈ ಪೈಕಿ 327 ಮಂದಿ ನೌಕಾಪಡೆ ಸಿಬ್ಬಂದಿಯಾಗಿದ್ದಾರೆ.

‘ದೇಶದಲ್ಲಿ ಸೋಮವಾರ ಮಧ್ಯರಾತ್ರಿ ವೇಳೆಗೆ 33 ಹೊಸ ಕೊರೊನಾ ಪ್ರರಣ ದೃಢಪಟ್ಟಿವೆ. ಈ ಪೈಕಿ 31 ಮಂದಿ ವೆಲಿಸರಾ ಶಿಬಿರದಲ್ಲಿರುವ ನಮ್ಮ ನಾವಿಕರು. ಇನ್ನಿಬ್ಬರು ಇವರೊಂದಿಗೆ ಸಂಪರ್ಕದಲ್ಲಿದ್ದವರು’ ಎಂದು ಸೇನಾ ಮುಖ್ಯಸ್ಥ ಶಿವೇಂದ್ರ ಸಿಲ್ವಾ ಹೇಳಿದ್ದಾರೆ.

ರಾಷ್ಟ್ರ ರಾಜಧಾನಿ ಕೊಲಂಬೊ ಬಳಿ ಇರುವ ವೆಲಿಸರಾ ಶಿಬಿರದಲ್ಲಿರುವ ಅಧಿಕಾರಿಗಳು ಕೊರೊನಾ ಸೋಂಕಿತ ಮಾದಕ ವ್ಯಸನಿಗಳ ಜತೆ ಸಂಪರ್ಕಕ್ಕೆ ಬಂದಿದ್ದರು. ಬಳಿಕ ರಜೆಯಲ್ಲಿ ಮನೆಗೆ ತೆರಳಿದ್ದರು. ಇದು ಸೋಂಕು ಹರಡಲು ಕಾರಣವಾಗಿದೆ ಎಂದು ಅವರು ತಿಳಿಸಿದ್ದಾರೆ.

ದೇಶದಲ್ಲಿ ಈವರೆಗೆ 752 ಜನರಿಗೆ ಸೋಂಕು ತಗುಲಿದೆ. ಈ ಪೈಕಿ 194 ಜನ ಗುಣಮುಖರಾಗಿದ್ದಾರೆ. ನೌಕಾಪಡೆ ಸಿಬ್ಬಂದಿಯ 1,008 ಸಂಬಂಧಿಕರು ಈಗ ಕ್ವಾರಂಟೈನ್‌ನಲ್ಲಿದ್ದಾರೆ ಎಂದು ಸಿಲ್ವಾ ತಿಳಿಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು