ಭಾನುವಾರ, ಜುಲೈ 25, 2021
22 °C

ಕೋವಿಡ್‌ನಿಂದ ತೀವ್ರ ಹಾನಿ: ಚಿಕಾಗೋದಲ್ಲಿ ಯುವತಿಗೆ ಶ್ವಾಸಕೋಶ ಕಸಿ

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

ವಾಷಿಂಗ್ಟನ್‌: ಚಿಕಾಗೋದಲ್ಲಿ ಕೊರೊನಾ ಸೋಂಕಿಗೆ ಒಳಗಾಗಿದ್ದ 20 ವರ್ಷದ ಯುವತಿಗೆ ತಜ್ಞ ವೈದ್ಯರು ಯಶಸ್ವಿಯಾಗಿ ಎರಡು ಶ್ವಾಸಕೋಶಗಳನ್ನು ಕಸಿ ಮಾಡಿದ್ದಾರೆ.

ಸೋಂಕಿಗೆ ಒಳಗಾಗಿರುವ ವ್ಯಕ್ತಿಗೆ ಈ ರೀತಿ ಶ್ವಾಸಕೋಶಗಳ ಕಸಿ ಮಾಡಿರುವುದು ಅಮೆರಿಕದಲ್ಲೇ ಮೊದಲು ಎನ್ನಲಾಗಿದೆ. ಯುವತಿ ಕಳೆದ ಆರು ವಾರದಿಂದ ನಾರ್ಥ್‌ವೆಸ್ಟರ್ನ್‌ ಮೆಮೊರಿಯಲ್‌ ಆಸ್ಪತ್ರೆಯಲ್ಲಿ ವೆಂಟಿಲೇಟರ್‌ನಲ್ಲಿ ಇದ್ದರು. ಕೊರೊನಾ ಸೋಂಕಿನಿಂದಾಗಿ ತೀವ್ರವಾಗಿ ಹಾನಿಯಾಗಿದ್ದ ಶ್ವಾಸಕೋಶಗಳು ಕಾರ್ಯನಿರ್ವಹಿಸಲು ವಿಫಲವಾದಾಗ, ಕಸಿ ಮಾಡಲು ವೈದ್ಯರು ನಿರ್ಧರಿಸಿದ್ದರು. 

‘ಆಕೆ ಬದುಕುಳಿಯಲು ಶ್ವಾಸಕೋಶದ ಕಸಿಯೊಂದೇ ಆಯ್ಕೆಯಾಗಿತ್ತು. ತಾಂತ್ರಿಕವಾಗಿ ಇದೊಂದು ಸವಾಲು. ಜೊತೆಗೆ ಕೋವಿಡ್‌–19ನಿಂದ ತೀವ್ರ ಅನಾರೋಗ್ಯಕ್ಕೆ ಒಳಗಾಗಿರುವ ರೋಗಿಗಳಿಗೆ ಈ ರೀತಿ ಕಸಿ ಮಾಡುವುದರಿಂದ ಅವರು ಬದುಕುವ ಸಾಧ್ಯತೆಯೂ ಹೆಚ್ಚಿರುತ್ತದೆ’ ಎಂದು ಆಸ್ಪತ್ರೆಯ ಶಸ್ತ್ರಚಿಕಿತ್ಸಾ ವಿಭಾಗದ ನಿರ್ದೇಶಕ ಡಾ.ಅಂಕಿತ್‌ ಭರತ್ ತಿಳಿಸಿದರು.

ಈ ಮಟ್ಟಕ್ಕೆ ಶ್ವಾಸಕೋಶಕ್ಕೆ ಹಾನಿಯಾಗಿರುವುದನ್ನು ಇದೇ ಮೊದಲು ನೋಡಿರುವುದಾಗಿ ಕಸಿ ಚಿಕಿತ್ಸೆ ನೆರವೇರಿಸಿದ ವೈದ್ಯರ ತಂಡ ತಿಳಿಸಿದೆ. 

ಚೀನಾದಲ್ಲಿ ಕಳೆದ ಮಾರ್ಚ್‌ನಲ್ಲಿ 66 ವರ್ಷದ ಮಹಿಳೆ ಮೇಲೆ ಇಂಥ ಶ್ವಾಸಕೋಶ ಕಸಿ ನಡೆಸಲಾಗಿತ್ತು.   

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು