ಚೀನಾ ನಾಗರಿಕ ವಿಮಾನಗಳ ಸಂಚಾರ ರದ್ದು ಪಡಿಸಲಿದೆ ಅಮೆರಿಕ; ಜೂನ್‌ 16ರಿಂದ ಜಾರಿ

ಅಮೆರಿಕದ ವಿಮಾನಗಳ ಸಂಚಾರಕ್ಕೆ ಚೀನಾ ಅನುಮತಿ ನೀಡದ್ದಕ್ಕೆ ಪ್ರತಿಯಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎನ್ನಲಾಗಿದೆ. ಕೊರೊನಾ ಸೋಂಕಿನ ಕಾರಣ ಜನವರಿಯಿಂದ ರದ್ದಾಗಿದ್ದ ವಿಮಾನಗಳ ಸಂಚಾರವನ್ನು ಈ ವಾರ ಆರಂಭಿಸಬೇಕೆಂದು ಅಮೆರಿಕ ಚೀನಾವನ್ನು ಕೋರಿತ್ತು.

ಅಮೆರಿಕದ ಯುನೈಟೆಡ್‌ ಏರ್‌ಲೈನ್ಸ್‌ ಮತ್ತು ಡೆಲ್ಟಾ ಏರ್‌ಲೈನ್ಸ್‌ ವಿಮಾನಗಳು ಚೀನಾಗೆ ಹಾರಾಟ ನಡೆಸಲು ಅನುಮತಿ ದೊರೆತಿಲ್ಲ.ಉಭಯ ರಾಷ್ಟ್ರಗಳ ನಡುವೆ ವಾಣಿಜ್ಯ ಮತ್ತು ಸಂಚಾರ ಬಿಕ್ಕಟ್ಟು ಮತ್ತಷ್ಟು ಹೆಚ್ಚಿದಂತಾಗಿದೆ

'ಚೀನಾ ಸರ್ಕಾರ ಅನುಮತಿ ನೀಡುವಷ್ಟೇ ನಾಗರಿಕ ವಿಮಾನಗಳ ಹಾರಾಟಕ್ಕೆ ನಾವೂ ಸಹ ಅವಕಾಶ ನೀಡುತ್ತೇವೆ' ಎಂದು ಅಮೆರಿಕ ಸಾರಿಗೆ ಇಲಾಖೆ ಹೇಳಿದೆ.