ಸೋಮವಾರ, ಏಪ್ರಿಲ್ 19, 2021
29 °C

ಪೊಲೀಸ್‌ಗೆ ಹೆದರಿಸಿ, ಗುಂಡಿಗೆ ಬಲಿಯಾದ ಬಾಲಕಿ

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

ಲಾಸ್‌ ಏಂಜಲಿಸ್‌: ಕಳೆದ ವಾರ ಪೊಲೀಸ್‌ ಅಧಿಕಾರಿಯೊಬ್ಬರ ಗುಂಡಿಗೆ ಬಲಿಯಾದ 17 ವರ್ಷದ ಬಾಲಕಿ, ಅದಕ್ಕೂ ಮುನ್ನ ಪೊಲೀಸ್‌ ಅಧಿಕಾರಿಗೆ ಬಂದೂಕಿನ ಪ್ರತಿಕೃತಿ ತೋರಿಸಿ ಬೆದರಿಸಿದ್ದಳು ಎಂಬ ಮಾಹಿತಿ ಬಹಿರಂಗವಾಗಿದೆ. ಈ ಕುರಿತು ವಿಡಿಯೊ ದೃಶ್ಯಾವಳಿಯನ್ನು ಇಲ್ಲಿನ ಫೂಲರ್ಟನ್‌ ಪೊಲೀಸರು ಬಿಡುಗಡೆಗೊಳಿಸಿದ್ದಾರೆ.

ಜುಲೈ 5ರಂದು ನಡೆದಿದ್ದ ಈ ಘಟನೆಯಲ್ಲಿ ಬಾಲಕಿ ಹನ್ನಾ ವಿಲಿಯಮ್ಸ್‌ ಪೊಲೀಸ್ ಅಧಿಕಾರಿಯ ಗುಂಡೇಟಿಗೆ ಕುಸಿದು ಬಿದ್ದು, ಸಹಾಯಕ್ಕಾಗಿ ಮನವಿ ಮಾಡುತ್ತಿರುವ ದೃಶ್ಯಗಳೂ ವಿಡಿಯೊದಲ್ಲಿ ಇವೆ. ಬಾಲಕಿಯ ಸಮೀಪವೇ ಬಂದೂಕಿನ ಪ್ರತಿಕೃತಿ ಇದ್ದದ್ದೂ ದಾಖಲಾಗಿದೆ. ಘಟನೆಯ ಸತ್ಯಾಸತ್ಯತೆ ಪ್ರಶ್ನಿಸಿದ್ದ ಹನ್ನಾ ಅವರ ಪೋಷಕರು, ಸ್ವತಂತ್ರ ತನಿಖೆಗೆ ಆಗ್ರಹಿಸಿದ್ದರು. ಹೀಗಾಗಿ ಪೊಲೀಸರು ಈ ಕುರಿತ ವಿಡಿಯೊ ಬಿಡುಗಡೆ ಮಾಡಿದ್ದಾರೆ.

‘ಬಾಲಕಿ ವೇಗವಾಗಿ ವಾಹನ ಚಲಾಯಿಸುವುದನ್ನು ಗಮನಿಸಿದ ಪೊಲೀಸ್‌ ಅಧಿಕಾರಿ ಆಕೆಯನ್ನು ತಡೆಯಲು ಹಿಂಬಾಲಿಸಿದರು. ವೇಗವಾಗಿಯೇ ‘ಯು– ತಿರುವು’ ಪಡೆದ ಬಾಲಕಿ ವಾಹನ ನಿಯಂತ್ರಣ ಕಳೆದುಕೊಂಡು, ತಪ್ಪು ಮಾರ್ಗದಲ್ಲಿ ವಾಹನ ನಿಲ್ಲಿಸಿದಳು. ವಾಹನದಿಂದ ಕೆಳಗಿಳಿಯುತ್ತಿದ್ದಂತೆ  ಪೊಲೀಸ್‌ಗೆ ಗುಂಡು ಹಾರಿಸುವ ಭಂಗಿಯನ್ನು ಬಾಲಕಿ ತೋರಿದಳು. ಕೂಡಲೇ ಪೊಲೀಸ್‌ ಅಧಿಕಾರಿ ಆಕೆಯ ಮೇಲೆ ಗುಂಡು ಹಾರಿಸಿದ್ದಾರೆ’ ಎಂದು ಪೊಲೀಸರು ಹೇಳಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು