ಗುರುವಾರ , ಜೂಲೈ 2, 2020
28 °C

ಉತ್ತರ ಪ್ರದೇಶದಲ್ಲಿ ಬಾವಲಿಗಳ ದಿಢೀರ್‌ ಸಾವು 

ಎಎನ್‌ಐ Updated:

ಅಕ್ಷರ ಗಾತ್ರ : | |

ಬರೇಲಿ: ಉತ್ತರ ಪ್ರದೇಶದ ಬೆಲ್‌ಘಾಟ್‌ನಲ್ಲಿ ಬಾವಲಿಗಳು ಸಾಮೂಹಿಕವಾಗಿ ಸಾವಿಗೀಡಾದ ಘಟನೆ ನಡೆದ ಬೆನ್ನಲ್ಲೇ  ಬರೇಲಿಯಲ್ಲೂ ಬಾವಲಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ದಿಢೀರ್‌ ಸಾವಿಗೀಡಾಗಿವೆ. 

ಇದನ್ನೂ ಓದಿ: ಉತ್ತರ ಪ್ರದೇಶ: ತೋಟಗಳಲ್ಲಿ ಸತ್ತು ಬಿದ್ದಿರುವ ಬಾವಲಿಗಳು, ಸ್ಥಳೀಯರಲ್ಲಿ ಆತಂಕ 

ಮಿದುಳಿನ ರಕ್ತಸ್ರಾವದಿಂದ ಬಾವಲಿಗಳು ಮೃತಪಟ್ಟಿವೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. 

‘ ಹೆಚ್ಚಿನ ಸಂಖ್ಯೆಯಲ್ಲಿ ಬಾವಲಿಗಳು ಮೃತಪಟ್ಟ ಹಿನ್ನೆಲೆಯಲ್ಲಿ ಅವುಗಳ ಮರಣೋತ್ತರ ಪರೀಕ್ಷೆಗಳನ್ನು ನಡೆಸಲಾಯಿತು. ತೀವ್ರ ತಾಪಮಾನದಿಂದಾಗಿ ಅವುಗಳ ಮೆದುಳಿನಲ್ಲಿ ರಕ್ತಸ್ರಾವ ಉಂಟಾಗಿ,ಮೃತಪಟ್ಟಿವೆ. ಬಾವಲಿಗಳು ತಮ್ಮ ಹಿಂದಿನ ಆವಾಸಸ್ಥಾನಕ್ಕೆ ಹಾನಿಯಾದ ಕಾರಣ ಇತ್ತೀಚೆಗೆ ತಮ್ಮ ವಾಸಸ್ಥಾನವನ್ನು ಬದಲಾಯಿಸಿಕೊಂಡಿದ್ದವು,’ ಎಂದು ಭಾರತೀಯ ಪಶುವೈದ್ಯಕೀಯ ಸಂಶೋಧನಾ ಸಂಸ್ಥೆಯ ನಿರ್ದೇಶಕ ಡಾ.ಆರ್.ಕೆ.ಸಿಂಗ್ ತಿಳಿಸಿದ್ದಾರೆ. ಈ ಕುರಿತು ಸುದ್ದಿ ಸಂಸ್ಥೆ ಎಎನ್‌ಐ ವರದಿ ಮಾಡಿದೆ. 
ವಾಯುವ್ಯ ಮತ್ತು ಮಧ್ಯ ಭಾರತದಲ್ಲಿ ಆವರಿಸಿರುವ ಬಿಸಿಗಾಳಿಯು ಮೇ 29 ರಿಂದ ಕಡಿಮೆಯಾಗುವ ಸಾಧ್ಯತೆ ಇದೆ ಎಂದು ಈ ಮೊದಲು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ (ಎನ್‌ಡಿಎಂಎ) ತಿಳಿಸಿತ್ತು. 

ಗೋರಖ್‌ಪುರದ ಬೆಲ್‌ಘಾಟ್‌ ಎಂಬಲ್ಲಿಯೂ ಇದೇ ರೀತಿ 52 ಬಾವಲಿಗಳು ಕೇವಲ ಒಂದೇ ಗಂಟೆಯ ಅವಧಿಯಲ್ಲಿ ಸತ್ತಿದ್ದವು. ಇದರಿಂದ ಉತ್ತರ ಪ್ರದೇಶದಲ್ಲಿ ಆತಂಕ ಮನೆ ಮಾಡಿತ್ತು. ಸ್ಥಳಕ್ಕೆ ಬಂದಿದ್ದ ಅರಣ್ಯ ಅಧಿಕಾರಿಗಳು, ಬಾವಲಿಗಳ ಕಳೇಬರವನ್ನು ಪಶುವೈದ್ಯಕೀಯ ಸಂಶೋಧನಾ ಸಂಸ್ಥೆಗೆ ರವಾನಿಸಿದ್ದರು. ಈ ವೇಳೆ ಮಾತನಾಡಿದ್ದ ಅಧಿಕಾರಿಗಳು, ‘ಬಿಸಿಗಾಳಿ ಅಥವಾ ಕೀಟನಾಶಗಳಿಂದ ಬಾವಲಿಗಳು ಸತ್ತಿರಬಹುದು,’ ಎಂದು ಹೇಳಿದ್ದರು. 

ಹೀಗಿರುವಾಗಲೇ ಬರೇಲಿಯಲ್ಲಿಯೂ ಅಂಥದ್ದೇ ಘಟನೆ ನಡೆದಿದ್ದು, ಅವುಗಳ ಸಾವು ಅತಿಯಾದ ತಾಪಮಾನದಿಂದ ಸಂಭವಿಸಿದ್ದು ಎಂದು ಪಶುವೈದ್ಯಕೀಯ ಸಂಸ್ಥೆ ತಿಳಿಸಿದೆ.  

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು