ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಚೆನ್ನೈ ಬಸ್‌ ಡೇ:ಬಸ್ ಮೇಲೇರಿ ಕುಳಿತ ವಿದ್ಯಾರ್ಥಿಗಳು ಬೀಳುತ್ತಿರುವ ವಿಡಿಯೊ ವೈರಲ್

Last Updated 19 ಜೂನ್ 2019, 16:29 IST
ಅಕ್ಷರ ಗಾತ್ರ

ಚೆನ್ನೈ: ಚೆನ್ನೈ ಮಹಾನಗರ ಸಾರಿಗೆ ಕಾರ್ಪೊರೇಷನ್ (ಎಂಟಿಸಿ) ಬಸ್ ದಿನ ಆಚರಣೆ ವೇಳೆ ಬಸ್ ಮೇಲೇರಿ ಕುಳಿತ ವಿದ್ಯಾರ್ಥಿಗಳು ಬಸ್ ಬ್ರೇಕ್ ಹಾಕಿದಾಗ ದೊಪ್ಪನೆ ಕೆಳಗುರುಳಿ ಬೀಳುತ್ತಿರುವ ದೃಶ್ಯ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.

ಸೋಮವಾರ ಇಲ್ಲಿ ಬಸ್ ದಿನಾಚರಣೆ ನಡೆದಿತ್ತು. ಇದರ ಸಲುವಾಗಿ ಆವಡಿಯಿಂದ ಅಣ್ಣಾ ಸ್ಕ್ವೇರ್‌ಗೆ ಹೋಗುತ್ತಿರುವ 27ಎಚ್ ಬಸ್‌ನಲ್ಲಿ ವಿದ್ಯಾರ್ಥಿಗಳು ಬಸ್ಸೇರಿದ್ದಾರೆ. ಕೆಲವರು ಬಸ್ಸಿನ ಬಾಗಿಲಿನಲ್ಲಿ ನಿಂತು ನೇತಾಡಿಕೊಂಡಿದ್ದರೆ ಇನ್ನೊಂದಷ್ಟು ವಿದ್ಯಾರ್ಥಿಗಳ ಗುಂಪು ಬಸ್‌ನ ಮೇಲೇರಿ ಕುಳಿತಿತ್ತು.
ಅಧಿಕ ಸಂಖ್ಯೆಯಲ್ಲಿವಿದ್ಯಾರ್ಥಿಗಳನ್ನು ಹೊತ್ತು ನಿಧಾನವಾಗಿ ಸಾಗುತ್ತಿದ್ದ ಬಸ್ ಥಟ್ಟನೆ ಬ್ರೇಕ್ ಹಾಕಿದಾಗ ಬಸ್ ಮೇಲೆ ಕುಳಿತ ವಿದ್ಯಾರ್ಥಿಗಳು ಕೆಳಗುರುಳಿ ಬಿದ್ದಿದ್ದಾರೆ. ಬಸ್ ಮುಂದೆ ಸಾಗುತ್ತಿದ್ದ ಬೈಕ್ ಸವಾರರ ಮೇಲೂ ಕೆಲವರು ಬಿದ್ದಿದ್ದು ಯಾರಿಗೂ ಗಂಭೀರ ಗಾಯಗಳೇನೂ ಆಗಿಲ್ಲ.

ವಿದ್ಯಾರ್ಥಿಗಳು ಬಸ್ ಮೇಲೇರಿ ಕುಳಿತು ಬರುತ್ತಿರುವ ದೃಶ್ಯದಿಂದ ಹಿಡಿದು ಅವರು ಬೀಳುತ್ತಿರುವ ದೃಶ್ಯ ಮೊಬೈಲ್‌ನಲ್ಲಿ ಸೆರೆಯಾಗಿದ್ದು, ಇದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡಿದೆ.ಈ ಘಟನೆಗೆ ಸಂಬಂಧಿಸಿದಂತೆಪಚ್ಚೈಯಪ್ಪಾಸ್ ಕಾಲೇಜಿನ 17 ವಿದ್ಯಾರ್ಥಿಗಳನ್ನು ಕಿಲ್ಪುಕ್ ಪೊಲೀಸರು ಬಂಧಿಸಿದ್ದಾರೆ ಎಂದು ದಿ ನ್ಯೂಸ್ ಮಿನಿಟ್ ವರದಿ ಮಾಡಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT