<p><strong>ಚೆನ್ನೈ:</strong> ಚೆನ್ನೈನಲ್ಲಿ ಕೋವಿಡ್-19 ನಿಯಂತ್ರಣಕ್ಕಾಗಿ ಮಾಡಿರುವ ಕಠಿಣ ಲಾಕ್ಡೌನ್ ಶನಿವಾರ ಎರಡನೇ ದಿನಕ್ಕೆ ಕಾಲಿಟ್ಟಿದ್ದು, ಗ್ರೇಟರ್ ಚೆನ್ನೈ ಮಹಾಗನರ ಪಾಲಿಕೆ (ಜಿಸಿಸಿ) ನಗರದ ಎಲ್ಲಾ ನಿವಾಸಿಗಳ ಆರೋಗ್ಯ ತಪಾಸಣೆಗೆ ಮುಂದಾಗಿದೆ.</p>.<p>ಜ್ವರ, ಕೆಮ್ಮು ಮೊದಲಾದ ಕೋವಿಡ್–19 ಲಕ್ಷಣಗಳಿರುವವರನ್ನು ಗುರುತಿಸಲು ಸುಮಾರು 12 ಸಾವಿರ ಕ್ಷೇತ್ರ ಕಾರ್ಯಕರ್ತರು ಸಜ್ಜಾಗಿದ್ದಾರೆ. ಎರಡು ವಾರಗಳ ಕಾಲ ಈ ಕಾರ್ಯಕರ್ತರು ಚೆನ್ನೈ ನಗರದಲ್ಲಿ ಕೋವಿಡ್–19 ಸೋಂಕಿತರನ್ನು ಗುರುತಿಸುವ ಕಾರ್ಯ ಕೈಗೊಳ್ಳಲಿದ್ದಾರೆ. ಇದಕ್ಕಾಗಿ ಇನ್ಫ್ರಾರೆಡ್ ಥರ್ಮಲ್ ಸ್ಕ್ಯಾನರ್ಗಳು, ಪಲ್ಸ್ ಆಕ್ಸಿಮೀಟರ್ಗಳು ಸೇರಿದಂತೆ ಇತರ ವೈದ್ಯಕೀಯ ಉಪಕರಣಗಳನ್ನು ಬಳಸಲು ಜಿಸಿಸಿ ಮುಂದಾಗಿದೆ.</p>.<p>ಚೆನ್ನೈನಲ್ಲಿ ಜೂನ್ 19ರಿಂದ ಆರಂಭವಾಗಿರುವ ಲಾಕ್ಡೌನ್ ಜೂನ್ 30ಕ್ಕೆ ಮುಕ್ತಾಯವಾಗಲಿದೆ. ಈಗಾಗಲೇ ಕ್ಷೇತ್ರ ಕಾರ್ಯಕರ್ತರಿಗೆ 10 ಸಾವಿರ ಇನ್ಫ್ರಾರೆಡ್ ಥರ್ಮಲ್ ಸ್ಕ್ಯಾನರ್ಗಳನ್ನು ನೀಡಲಾಗಿದೆ.</p>.<p>‘ಕ್ಷೇತ್ರ ಕಾರ್ಯಕರ್ತರು ನಗರದ ಪ್ರತಿ ಮನೆಗೂ ಭೇಟಿ ನೀಡಲಿದ್ದಾರೆ. ಜನರ ಆರೋಗ್ಯ ಸಮಾಚಾರದ ಜತೆಗೆ ಕೋವಿಡ್–19 ಲಕ್ಷಣಗಳ ಬಗ್ಗೆ ವಿಚಾರಿಸಲಿದ್ದಾರೆ. ಥರ್ಮಲ್ ಸ್ಕ್ಯಾನರ್ ಮೂಲಕ ಜನರದೇಹದ ಉಷ್ಣಾಂಶ ಪರೀಕ್ಷಿಸುವುದನ್ನು ಕಡ್ಡಾಯಗೊಳಿಸಲಾಗಿದೆ’ ಎಂದು ಜಿಸಿಸಿಯ ಹಿರಿಯ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ಮನೆಮನೆಯ ಆರೋಗ್ಯ ತಪಾಸಣೆಯಲ್ಲದೇ ಚೆನ್ನೈ ಮಹಾನಗರ ಪಾಲಿಕೆ, ನಗರದಾದ್ಯಂತ 600 ಶಿಬಿರಗಳನ್ನೂ ಆಯೋಜಿಸಲಿದೆ. ಇಲ್ಲಿ ನಿತ್ಯ 30ರಿಂದ 40 ಸಾವಿರ ಜನರ ತಪಾಸಣೆ ನಡೆಯಲಿದೆ. ಈ ಶಿಬಿರಗಳಿಗೆ ಜನರು ಸ್ವಯಂ ಪ್ರೇರಿತರಾಗಿ ಬರಬಹುದು. ಈ ಕ್ರಮವು ಕೊರೊನಾ ವೈರಸ್ ಹರಡುವುದನ್ನು ತಡೆಯಲು ಸಹಾಯವಾಗಲಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ:</strong> ಚೆನ್ನೈನಲ್ಲಿ ಕೋವಿಡ್-19 ನಿಯಂತ್ರಣಕ್ಕಾಗಿ ಮಾಡಿರುವ ಕಠಿಣ ಲಾಕ್ಡೌನ್ ಶನಿವಾರ ಎರಡನೇ ದಿನಕ್ಕೆ ಕಾಲಿಟ್ಟಿದ್ದು, ಗ್ರೇಟರ್ ಚೆನ್ನೈ ಮಹಾಗನರ ಪಾಲಿಕೆ (ಜಿಸಿಸಿ) ನಗರದ ಎಲ್ಲಾ ನಿವಾಸಿಗಳ ಆರೋಗ್ಯ ತಪಾಸಣೆಗೆ ಮುಂದಾಗಿದೆ.</p>.<p>ಜ್ವರ, ಕೆಮ್ಮು ಮೊದಲಾದ ಕೋವಿಡ್–19 ಲಕ್ಷಣಗಳಿರುವವರನ್ನು ಗುರುತಿಸಲು ಸುಮಾರು 12 ಸಾವಿರ ಕ್ಷೇತ್ರ ಕಾರ್ಯಕರ್ತರು ಸಜ್ಜಾಗಿದ್ದಾರೆ. ಎರಡು ವಾರಗಳ ಕಾಲ ಈ ಕಾರ್ಯಕರ್ತರು ಚೆನ್ನೈ ನಗರದಲ್ಲಿ ಕೋವಿಡ್–19 ಸೋಂಕಿತರನ್ನು ಗುರುತಿಸುವ ಕಾರ್ಯ ಕೈಗೊಳ್ಳಲಿದ್ದಾರೆ. ಇದಕ್ಕಾಗಿ ಇನ್ಫ್ರಾರೆಡ್ ಥರ್ಮಲ್ ಸ್ಕ್ಯಾನರ್ಗಳು, ಪಲ್ಸ್ ಆಕ್ಸಿಮೀಟರ್ಗಳು ಸೇರಿದಂತೆ ಇತರ ವೈದ್ಯಕೀಯ ಉಪಕರಣಗಳನ್ನು ಬಳಸಲು ಜಿಸಿಸಿ ಮುಂದಾಗಿದೆ.</p>.<p>ಚೆನ್ನೈನಲ್ಲಿ ಜೂನ್ 19ರಿಂದ ಆರಂಭವಾಗಿರುವ ಲಾಕ್ಡೌನ್ ಜೂನ್ 30ಕ್ಕೆ ಮುಕ್ತಾಯವಾಗಲಿದೆ. ಈಗಾಗಲೇ ಕ್ಷೇತ್ರ ಕಾರ್ಯಕರ್ತರಿಗೆ 10 ಸಾವಿರ ಇನ್ಫ್ರಾರೆಡ್ ಥರ್ಮಲ್ ಸ್ಕ್ಯಾನರ್ಗಳನ್ನು ನೀಡಲಾಗಿದೆ.</p>.<p>‘ಕ್ಷೇತ್ರ ಕಾರ್ಯಕರ್ತರು ನಗರದ ಪ್ರತಿ ಮನೆಗೂ ಭೇಟಿ ನೀಡಲಿದ್ದಾರೆ. ಜನರ ಆರೋಗ್ಯ ಸಮಾಚಾರದ ಜತೆಗೆ ಕೋವಿಡ್–19 ಲಕ್ಷಣಗಳ ಬಗ್ಗೆ ವಿಚಾರಿಸಲಿದ್ದಾರೆ. ಥರ್ಮಲ್ ಸ್ಕ್ಯಾನರ್ ಮೂಲಕ ಜನರದೇಹದ ಉಷ್ಣಾಂಶ ಪರೀಕ್ಷಿಸುವುದನ್ನು ಕಡ್ಡಾಯಗೊಳಿಸಲಾಗಿದೆ’ ಎಂದು ಜಿಸಿಸಿಯ ಹಿರಿಯ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ಮನೆಮನೆಯ ಆರೋಗ್ಯ ತಪಾಸಣೆಯಲ್ಲದೇ ಚೆನ್ನೈ ಮಹಾನಗರ ಪಾಲಿಕೆ, ನಗರದಾದ್ಯಂತ 600 ಶಿಬಿರಗಳನ್ನೂ ಆಯೋಜಿಸಲಿದೆ. ಇಲ್ಲಿ ನಿತ್ಯ 30ರಿಂದ 40 ಸಾವಿರ ಜನರ ತಪಾಸಣೆ ನಡೆಯಲಿದೆ. ಈ ಶಿಬಿರಗಳಿಗೆ ಜನರು ಸ್ವಯಂ ಪ್ರೇರಿತರಾಗಿ ಬರಬಹುದು. ಈ ಕ್ರಮವು ಕೊರೊನಾ ವೈರಸ್ ಹರಡುವುದನ್ನು ತಡೆಯಲು ಸಹಾಯವಾಗಲಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
