ಕೊರೊನಾ: 324 ಭಾರತೀಯರ ಕರೆತಂದ ಏರ್‌ ಇಂಡಿಯಾ

ನವದೆಹಲಿ : ಕೊರೊನಾ ವೈರಸ್ ಸೋಂಕು ಪೀಡಿತ ನಗರ ಚೀನಾದ ವುಹಾನ್ನಿಂದ 324 ಭಾರತೀಯರನ್ನು ಏರ್ ಇಂಡಿಯಾ ವಿಮಾನದಲ್ಲಿ ಶನಿವಾರ ದೆಹಲಿಗೆ ಕರೆತರಲಾಯಿತು.

. 211 ಮಂದಿ ವಿದ್ಯಾರ್ಥಿಗಳು, ಉದ್ಯೋಗಕ್ಕಾಗಿ ತೆರಳಿದ್ದ 110 ಮಂದಿ ಹಾಗೂ ಮೂವರು ಅಪ್ರಾಪ್ತ ವಯಸ್ಕರನ್ನು ಕರೆತರಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

. ಆದರೆ ತೀವ್ರ ಜ್ವರದ ಕಾರಣ ಆರು ಮಂದಿ ಭಾರತೀಯರು ವಿಮಾನ ಏರುವುದನ್ನು ಚೀನಾದ ಅಧಿಕಾರಿಗಳು ತಡೆದರು ಎಂದು ಹೇಳಿದ್ದಾರೆ.

. ಇನ್ನುಳಿದ ಭಾರತೀಯರನ್ನು ಕರೆತರಲು ಇನ್ನೊಂದು ವಿಮಾನವು ಚೀನಾಕ್ಕೆ ತೆರಳಿದೆ ಎಂದೂ ತಿಳಿಸಿದ್ದಾರೆ.

. ರಾಮ್ ಮನೋಹರ್ ಲೋಹಿಯಾ (ಆರ್ಎಂಎಲ್) ಆಸ್ಪತ್ರೆಯ ಐವರು ವೈದ್ಯರು ಎರಡನೇ ಬಾರಿಯೂ ವಿಮಾನದಲ್ಲಿ ಚೀನಾಕ್ಕೆ ತೆರಳಿದ್ದಾರೆ ಎಂದು ಏರ್ ಇಂಡಿಯಾ ವಕ್ತಾರರು ತಿಳಿಸಿದ್ದಾರೆ.

. ಚೀನಾದ ಹುಬೆ ಪ್ರಾಂತ್ಯದಿಂದ ಸ್ಥಳಾಂತರಿಸಿರುವ 300 ಮಂದಿ ವಿದ್ಯಾರ್ಥಿಗಳನ್ನಿರಿಸಲು ಭಾರತೀಯ ಸೇನೆಯು ದೆಹಲಿ ಸಮೀಪದ ಮನೇಸರ್ನಲ್ಲಿ ಚಿಕಿತ್ಸಾ ಶಿಬಿರಗಳನ್ನು ಸಿದ್ಧಪಡಿಸಿದೆ.

. ಇಂಡೊ–ಟಿಬೆಟನ್ ಗಡಿ ಪೊಲೀಸ್ ಪಡೆ ಕೂಡ 600 ಹಾಸಿಗೆಗಳ ಚಿಕಿತ್ಸಾ ಶಿಬಿರವನ್ನು ಗುರುಗ್ರಾಮದಲ್ಲಿ ಸ್ಥಾಪಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.