ಎಲ್ಲರೂ ಮಾಸ್ಕ್ ಧರಿಸುವ ಅಗತ್ಯವಿಲ್ಲ: ಸಲಹಾಸೂತ್ರ ಪ್ರಕಟಿಸಿದ ಆರೋಗ್ಯ ಸಚಿವಾಲಯ

ನವದೆಹಲಿ: ಕೋವಿಡ್-19 ಸೋಂಕು ವ್ಯಾಪಿಸುತ್ತಿರುವ ಹಿನ್ನಲೆಯಲ್ಲಿ ಕೇಂದ್ರ ಆರೋಗ್ಯ ಸಚಿವಾಲಯ ಹೊಸ ಸಲಹಾಸೂತ್ರವನ್ನು ಟ್ವೀಟಿಸಿದೆ. ಅಗತ್ಯವಿದ್ದರೆ ಮಾತ್ರ ಮಾಸ್ಕ್ ಧರಿಸಿ, ಎಲ್ಲರೂ ಮಾಸ್ಕ್ ಧರಿಸುವ ಅಗತ್ಯವಿಲ್ಲ ಎಂದು ಸಚಿವಾಲಯ ಹೇಳಿದೆ. 

ಯಾರು ಮಾಸ್ಕ್ ಧರಿಸಬೇಕು?
* ಸೋಂಕು ಲಕ್ಷಣಗಳಿದ್ದರೆ  (ಕೆಮ್ಮು, ಜ್ವರ ಮತ್ತು ಉಸಿರಾಟದ ತೊಂದರೆ) 
* ಕೋವಿಡ್-19 ರೋಗಿಯ ಪರಿಚಾರಕರಾಗಿದ್ದರೆ  
* ಶ್ವಾಸಕೋಶದ ತೊಂದರೆ ಇರುವ ರೋಗಿಗೆ ಶುಶ್ರೂಷೆ ನೀಡುತ್ತಿರುವ ಆರೋಗ್ಯ ಕಾರ್ಯಕರ್ತರಾಗಿದ್ದರೆ

Good morning!

Everyone need not wear a mask.#COVID2019 #IndiaFightsCorona #SwasthaBharat pic.twitter.com/C0nfrk18WQ

— Ministry of Health (@MoHFW_INDIA) March 17, 2020

 ಮಾಸ್ಕ್ ಬಳಸುವವರು  ಏನು ಮಾಡಬೇಕು? 
* ಮಾಸ್ಕ್ ಧರಿಸುವಾಗ ಅದರ ನೆರಿಗೆಯನ್ನು ಬಿಡಿಸಿ, ಅವು ಕೆಳಮುಖವಾಗಿರುವಂಚೆ ನೋಡಿಕೊಳ್ಳಿ 
 * 6 ಗಂಟೆಗೊಮ್ಮೆ ಅಥವಾ ಅವು ಒದ್ದೆಯಾದಾಗ ಬದಲಿಸಿ
* ನಿಮ್ಮ ಮೂಗು, ಬಾಯಿ, ಗಲ್ಲ ಸರಿಯಾಗಿ ಮುಚ್ಚುವಂತೆ ಮಾಸ್ಕ್ ಧರಿಸಿ. 
* ಬಳಸಿ ಬಿಸಾಡುವ ಮಾಸ್ಕ್‌ನ ಪುನರ್‌ಬಳಕೆ ಮಾಡಬೇಡಿ. ಬಳಸಿದ ಮಾಸ್ಕ್‌ಗಳನ್ನು ವೈರಾಣು ಮುಕ್ತ ಮಾಡಿ ಮುಚ್ಚಳವಿರುವ ಕಸದ ಬುಟ್ಟಿಗೆ ಹಾಕಿ
*  ಮಾಸ್ಕ್ ಬಳಸುವಾಗ ಅದನ್ನು ಮುಟ್ಟದಿರಿ
*  ಮಾಸ್ಕ್ ತೆಗೆಯುವಾಗ ಅದರ ಹೊರಭಾಗವನ್ನು ಮುಟ್ಟಬೇಡಿ
* ಮಾಸ್ಕ್‌ನ್ನು  ಕುತ್ತಿಗೆಯಲ್ಲಿ ನೇತಾಡಲು ಬಿಡಬೇಡಿ
* ಮಾಸ್ಕ್ ಬಿಚ್ಚಿದ ನಂತರ ಸೋಪ್ ಹಾಕಿ ಕೈ ತೊಳೆದುಕೊಳ್ಳಿ ಇಲ್ಲವೇ ಮದ್ಯದ ಅಂಶವಿರುವ ಸ್ಯಾನಿಟೈಸರ್ ಬಳಸಿ

ಇದನ್ನೂ ಓದಿ: Explainer| ನೆಮ್ಮದಿ ಕಸಿದ ಕೊರೊನಾ