200 ಮಿ.ಲೀ. ಸ್ಯಾನಿಟೈಜರ್‌ಗೆ ಗರಿಷ್ಠ ಬೆಲೆ ₹100: ಜೂನ್‌ ವರೆಗೂ ಒಂದೇ ದರ ನಿಗದಿ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಕೊರೊನಾ ವೈರಸ್‌ ಸೋಂಕು ಪ್ರಕರಣಗಳು ಹೆಚ್ಚುತ್ತಿದ್ದಂತೆ ಹ್ಯಾಂಡ್‌ ಸ್ಯಾನಿಟೈಜರ್‌ ಬಳಕೆ ಸಹ ಹೆಚ್ಚಳಗೊಂಡಿದೆ. ಇದರಿಂದಾಗಿ ಸ್ಯಾನಿಟೈಜರ್‌ಗಳಿಗೆ ದೇಶದಾದ್ಯಂತ ಭಾರೀ ಬೇಡಿಕೆ ಉಂಟಾಗಿದ್ದು, ದುಪ್ಪಟ್ಟು ಬೆಲೆಗೆ ಅವುಗಳ ಮಾರಾಟ ನಡೆದಿದೆ. ಅದಕ್ಕೆ ಕಡಿವಾಣ ಹಾಕಲು ಕೇಂದ್ರ ಸರ್ಕಾರ ಸ್ಯಾನಿಟೈಜರ್‌ಗಳಿಗೆ ₹100 ಬೆಲೆ ನಿಗದಿ ಪಡಿಸಿದೆ.
200 ಮಿ.ಲೀ. ಸ್ಯಾನಿಟೈಜರ್‌ಗೆ ಗರಿಷ್ಠ ₹100 ಬೆಲೆ ನಿಗದಿ ಪಡಿಸಲಾಗಿದೆ. ಈ ವರ್ಷ ಜೂನ್‌ 30ರ ವರೆಗೂ ಸ್ಯಾನಿಟೈಜರ್‌ಗಳಿಗೆ ಇದೇ ಬೆಲೆ ಮುಂದುವರಿಯಲಿದೆ. ಇದರೊಂದಿಗೆ ಮುಖಗವಸುಗಳಿಗೂ (ಮಾಸ್ಕ್‌) ನಿರ್ದಿಷ್ಟ ಬೆಲೆ ನಿಗದಿ ಪಡಿಸಲಾಗಿದೆ.
ಎರಡು ಪದರಗಳ (ಸರ್ಜಿಕಲ್‌) ಮಾಸ್ಕ್‌ಗಳಿಗೆ ₹8 ಹಾಗೂ ಮೂರು ಪದರಗಳ (ಸರ್ಜಿಕಲ್‌) ಮಾಸ್ಕ್‌ಗಳಿಗೆ ₹10 ಬೆಲೆ ನಿಗದಿಯಾಗಿರುವುದಾಗಿ ಗ್ರಾಹಕ ವ್ಯವಹಾರಗಳ ಸಚಿವ ರಾಮ್‌ ವಿಲಾಸ್‌ ಪಾಸ್ವಾನ್‌ ಹೇಳಿದ್ದಾರೆ.
हैंड सेनिटाइजर की 200 ML बोतल की खुदरा कीमत 100 रु. से अधिक नहीं होगी। अन्य आकार की बोतलों की कीमत भी इसी अनुपात में रहेंगी। ये कीमतें 30 जून 2020 तक पूरे देश में लागू रहेंगी। 3/3@drharshvardhan@narendramodi #IndiaFightsCorona
— Ram Vilas Paswan (@irvpaswan) March 20, 2020
ಮುಖಗವಸು ಮತ್ತು ಸ್ಯಾನಿಟೈಜರ್‌ಗಳ ತಯಾರಿಗೆ ಅಗತ್ಯವಿರುವ ಕಚ್ಚಾ ವಸ್ತುಗಳ ಬೆಲೆ ಏರಿಕೆಯನ್ನು ಪರಿಗಣಿಸಿಯೇ ಬೆಲೆ ನಿಗದಿ ಪಡಿಸಿರುವುದಾಗಿ ಪಾಸ್ವಾನ್‌ ಹೇಳಿದ್ದಾರೆ.
ಸ್ಯಾನಿಟೈಜರ್‌ ಮತ್ತು ಮಾಸ್ಕ್‌ಗಳನ್ನು ಸರ್ಕಾರ ಅಗತ್ಯ ವಸ್ತುಗಳು ಎಂದು ಈ ಹಿಂದೆಯೇ ಘೋಷಿಸಿದೆ. ಈ ಮೂಲಕ ಬೆಲೆ ಏರಿಕೆ ಮತ್ತು ಅಕ್ರಮವಾಗಿ ದಾಸ್ತಾನು ಮಾಡುವುದನ್ನು ತಡೆಯುವ ಪ್ರಯತ್ನ ಮಾಡಲಾಗಿದೆ. ಮಾರ್ಚ್ 19ರಂದು ಸರ್ಕಾರ ಸ್ಯಾನಿಟೈಜರ್‌ಗಳ ತಯಾರಿಕೆ ಬಳಸುವ ಆಲ್ಕೊಹಾಲ್‌ಗಳ ಮೇಲೆ ದರ ನಿಗದಿ ಪಡಿಸಿತ್ತು.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
