ಕಾಶ್ಮೀರ: ಜೆಕೆಎಲ್‍ಎಫ್ ಅಧ್ಯಕ್ಷ ಯಾಸಿನ್ ಮಲಿಕ್, ಜಮಾತ್ ನಾಯಕರು ಪೊಲೀಸ್ ವಶ

ಪೊಲೀಸರು ಈ ರೀತಿ ಬಂಧಿಸಿರುವುದರಿಂದ ನಮ್ಮ ಧರ್ಮದ ಜನರ ಮೇಲೆ ಮತ್ತಷ್ಟು ಸಂದೇಹಗಳಿಗೆ ಇದು ಆಸ್ಪದ ನೀಡಿದೆ ಎಂದು ಜಮಾತ್ ಎ ಇಸ್ಲಾಮಿ ಸಂಘಟನೆ ಹೇಳಿದೆ.

ಫೆಬ್ರುವರಿ 22- 23ರ ರಾತ್ರಿ ಹೊತ್ತಲ್ಲಿ ಪೊಲೀಸರು ಕಾಶ್ಮೀರದ ಕಣಿವೆ ಜಿಲ್ಲೆಯಲ್ಲಿರುವ ತಮ್ಮ ಸಂಘಟನೆಯ ಪ್ರಮುಖ ಮುಖಂಡರನ್ನು ಬಂಧಿಸಿದ್ದಾರೆ ಎಂದು ಜಮಾತ್ ಸಂಘಟನೆ ಹೇಳಿಕೆ ನೀಡಿದೆ.

ಡಾ. ಅಬ್ದುಲ್ ಹಮೀದ್ ಫಯಾಜ್, ನ್ಯಾಯವಾದಿ ಝಹೀದ್ ಅಲಿ (ವಕ್ತಾರ), ಗುಲಾಂ ಖದೀರ್ ಲೋನ್ ಸೇರಿದಂತೆ ಹಲವಾರು ಮುಖಂಡರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರದ ನಾಗರಿಕರಿಗೆ ವಿಶೇಷಾಧಿಕಾರ ನೀಡಿರುವ ಸಂವಿಧಾನದ ಕಲಂ 35 ಎ ಬಗ್ಗೆ ಸೋಮವಾರ ಸುಪ್ರೀಂಕೋರ್ಟ್ ನಲ್ಲಿ ವಿಚಾರಣೆ ನಡೆಯಲಿದೆ.