ಬುಧವಾರ, ಮಾರ್ಚ್ 3, 2021
26 °C

ರಿವಾಲ್ವರ್‌ ಹಿಡಿದು ನೃತ್ಯ ಮಾಡಿದ ಬಿಜೆಪಿ ಶಾಸಕ– ವಿಡಿಯೊ ವೈರಲ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಡೆಹ್ರಾಡೂನ್‌: ಅಮಾನತುಗೊಂಡಿರುವ ಬಿಜೆಪಿ ಶಾಸಕ ಕುನ್ವರ್‌ ಪ್ರಣವ್‌ ಸಿಂಗ್‌ ಚಾಂಪಿಯನ್‌ ರಿವಾಲ್ವರ್‌ ಹಿಡಿದುಕೊಂಡು ನೃತ್ಯ ಮಾಡುತ್ತಿರುವ ವಿಡಿಯೊ ವೈರಲ್‌ ಆಗಿದ್ದು, ಮತ್ತೊಂದು ಸಮಸ್ಯೆಗೆ ಸಿಲುಕಿದ್ದಾರೆ.

ಉತ್ತರಾಖಂಡದ ಕಾನ್ಪುರ ಕ್ಷೇತ್ರದ ಶಾಸಕ ಸಿಂಗ್‌ ಅವರು, ಬಾಲಿವುಡ್‌ ಚಿತ್ರದ ಹಾಡಿಗೆ ಎರಡು ರಿವಾಲ್ವರ್‌ ಹಿಡಿದುಕೊಂಡು ನೃತ್ಯ ಮಾಡುತ್ತಿರುವುದು ವಿಡಿಯೊದಲ್ಲಿದೆ. ಜತೆಗೆ ಈತನ ಸ್ನೇಹಿತರು ಹುರಿದುಂಬಿಸುವುದು ಮತ್ತು ಈತನಿಗೆ ಪಾನೀಯ ನೀಡುವುದು ವಿಡಿಯೊದಲ್ಲಿದೆ.

ಈ ಶಾಸಕರಿಗೆ ವಿವಾದವೇನೂ ಹೊಸದಲ್ಲ. ನವದೆಹಲಿಯ ಉತ್ತರಾಖಂಡ ನಿವಾಸದಲ್ಲಿ ಪತ್ರಕರ್ತರೊಬ್ಬರಿಗೆ ಬೆದರಿಕೆ ಹಾಕಿದ ಆರೋಪ ಇವರ ಮೇಲಿದೆ. ಇಂಥ ಅಶಿಸ್ತಿನ ವರ್ತನೆಗೆ ಮೂರು ತಿಂಗಳ ಅವಧಿಗೆ ಇವರನ್ನು ಬಿಜೆಪಿ ಕಳೆದ ತಿಂಗಳು ಅಮಾನತು ಮಾಡಿದೆ. ಎರಡು ತಿಂಗಳ ಹಿಂದೆ ಬಿಜೆಪಿಯ ಶಾಸಕ ಝಬ್ರೆಡಾ ದೇಶರಾಜ್‌ ಕಾರ್ನಾವಾಲ್‌ ಜತೆಗೆ ಬಹಿರಂಗವಾಗಿಯೇ ಜಗಳವಾಡಿದ್ದರು.

ಷೋಕಾಸ್‌ ನೋಟಿಸ್‌ ಜಾರಿ: ‘ಶಾಸಕ ಸಿಂಗ್‌ ಅವರ ವರ್ತನೆ ಪಕ್ಷಕ್ಕೆ ಮುಜುಗುರ ಉಂಟು ಮಾಡಿದ್ದು, ಅವರಿಗೆ ಷೋಕಾಸ್‌ ನೋಟಿಸ್‌ ನೀಡಿ ವಿವರಣೆ ಕೇಳಲಾಗಿದೆ. ವಿವರಣೆ ತೃಪ್ತಿದಾಯಕವಾಗದಿದ್ದರೆ, ಅವರನ್ನು ಪಕ್ಷದಿಂದ ಉಚ್ಚಾಟಿಸುವ ಸಾಧ್ಯತೆ ಇದೆ‘ ಎಂದು ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಅಜಯ್‌ ಭಟ್‌ ಹೇಳಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು