40 ಸಾವಿರ ವಿದ್ಯಾರ್ಥಿಗಳು: 1969ರಲ್ಲಿ ನಗರದ ಬಸವನಗುಡಿ ನ್ಯಾಷನಲ್ ಕಾಲೇಜಿನಲ್ಲಿ ಪಿಯು ಓದಲು ಸೇರಿದ್ದ ದತ್ತ ಅವರು ಜೀವನೋಪಾಯಕ್ಕಾಗಿ ಕೋಚಿಂಗ್ ತರಗತಿ ಆರಂಭಿಸಿದ್ದರು. ಗಣಿತ ಮತ್ತು ಭೌತವಿಜ್ಞಾನದ ಮೇಲಿನ ಅವರ ಪ್ರೀತಿಯ ವಿಷಯಗಳು. ವಿಜ್ಞಾನದಲ್ಲಿ ಪದವಿ ಗಳಿಸಿದ ಬಳಿಕ ಅವರು ಕೋಚಿಂಗ್ ಮೇಸ್ಟ್ರು ಎಂದೇ ಖ್ಯಾತರಾದರು. ರಾಜಾಜಿನಗರದಲ್ಲಿ ಸುಮಾರು 25 ವರ್ಷ ಟ್ಯುಟೋರಿಯಲ್ ನಡೆಸಿದ ಅವರಿಗೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್, ಸಚಿವ ಗೋಪಾಲಯ್ಯ ಅವರಂತಹ 40 ಸಾವಿರಕ್ಕೂ ಅಧಿಕ ಶಿಷ್ಯರಿದ್ದಾರೆ.