ಸೋಮವಾರ, ಜೂಲೈ 13, 2020
24 °C

ಜೆಡಿಎಸ್‌ ನಾಯಕ ‘ದತ್ತ ಮೇಷ್ಟ್ರು’ ಗಣಿತ ಪಾಠಕ್ಕೆ 4 ಲಕ್ಷ ವೀಕ್ಷಕರು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ‘ದತ್ತ ಮೇಷ್ಟ್ರು’ ಎಂದೇ ಪರಿಚಿತರಾಗಿರುವ ಜೆಡಿಎಸ್‌ನ ಹಿರಿಯ‌ ನಾಯಕ ವೈ.ಎಸ್‌.ವಿ.ದತ್ತ ಅವರು ಮಂಗಳವಾರದಿಂದ ತಮ್ಮ ಫೇಸ್‌ಬುಕ್‌ ಖಾತೆಯಲ್ಲಿ ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳಿಗಾಗಿ ಗಣಿತ ಪಾಠ ಆರಂಭಿಸಿದ್ದಾರೆ.‌

ಮಂಗಳವಾರ ಸಂಜೆ 7ರಿಂದ 8.30ರವರೆಗೆ ನಡೆದ ಈ ಪಾಠವನ್ನು 4 ಲಕ್ಷ ಜನ ನೋಡಿದ್ದರೆ, 17 ಸಾವಿರ ಜನ ಹಂಚಿಕೊಂಡಿದ್ದರು. ಬುಧವಾರದ ಸಂಜೆ 7.30ಕ್ಕೆ ಫೇಸ್‌ಬುಕ್‌ನಲ್ಲಿ ಮೇಷ್ಟ್ರು ಪಾಠ ಮಾಡಿದರು.

ಗಣಿತ ಮತ್ತು ಭೌತವಿಜ್ಞಾನ ಪಾಠ ಮಾಡಲಿರುವ ಅವರು, ಪರೀಕ್ಷೆ ದಿನಾಂಕದ ಸಮೀಪದವರೆಗೂ ಇದನ್ನು ಮುಂದುವರಿಸಲು ಇಚ್ಛಿಸಿದ್ದಾರೆ.

40 ಸಾವಿರ ವಿದ್ಯಾರ್ಥಿಗಳು: 1969ರಲ್ಲಿ ನಗರದ ಬಸವನಗುಡಿ ನ್ಯಾಷನಲ್‌ ಕಾಲೇಜಿನಲ್ಲಿ ಪಿಯು ಓದಲು ಸೇರಿದ್ದ ದತ್ತ ಅವರು ಜೀವನೋಪಾಯಕ್ಕಾಗಿ ಕೋಚಿಂಗ್‌ ತರಗತಿ ಆರಂಭಿಸಿದ್ದರು. ಗಣಿತ ಮತ್ತು ಭೌತವಿಜ್ಞಾನದ ಮೇಲಿನ ಅವರ ಪ್ರೀತಿಯ ವಿಷಯಗಳು. ವಿಜ್ಞಾನದಲ್ಲಿ ಪದವಿ ಗಳಿಸಿದ ಬಳಿಕ ಅವರು ಕೋಚಿಂಗ್ ಮೇಸ್ಟ್ರು ಎಂದೇ ಖ್ಯಾತರಾದರು. ರಾಜಾಜಿನಗರದಲ್ಲಿ ಸುಮಾರು 25 ವರ್ಷ ಟ್ಯುಟೋರಿಯಲ್‌ ನಡೆಸಿದ ಅವರಿಗೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್‌, ಸಚಿವ ಗೋಪಾಲಯ್ಯ ಅವರಂತಹ 40 ಸಾವಿರಕ್ಕೂ ಅಧಿಕ ಶಿಷ್ಯರಿದ್ದಾರೆ.

1995ರಲ್ಲಿ ಸಕ್ರಿಯ ರಾಜಕಾರಣಕ್ಕೆ ಇಳಿದ ಕಾರಣ ಟ್ಯುಟೋರಿಯಲ್‌ ಬಂದ್ ಮಾಡಿದ್ದರು. 2005ರಲ್ಲಿ ವಿಧಾನ ಪರಿಷತ್‌ ಸದಸ್ಯರಾದ ಬಳಿಕ ತಮ್ಮ ಕಡೂರಿನಲ್ಲಿ ಕೋಚಿಂಗ್ ತರಗತಿ ಮುಂದುವರಿಸಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು