ಹೊಸಪೇಟೆ: ರಮೇಶ್‌ ಬುಂದಿ ಹಾಗೂ ಅವರ ಪತ್ನಿ ಸಪ್ನಾ ಬುಂದಿ ಎಂಬುವರು ಮಂಗಳವಾರ ಮಾರಿಷಸ್‌ನಿಂದ ನಗರಕ್ಕೆ ಬಂದು ಮತ ಹಾಕಿದರು.
ನಗರದ 16ನೇ ವಾರ್ಡಿನ ಅಲ್‌ ಅಮೀನ್‌ ಉರ್ದು ಶಾಲೆಯ ‘ಸಖಿ’ ಮತಗಟ್ಟೆ ಸಂಖ್ಯೆ 77ರಲ್ಲಿ ಇಬ್ಬರು ಹಕ್ಕು ಚಲಾಯಿಸಿದರು.
ರಮೇಶ್‌ ಬುಂದಿ ಅವರು 20 ವರ್ಷಗಳಿಂದ ಮಾರಿಷಸ್‌ನಲ್ಲಿ ನೆಲೆಸಿದ್ದಾರೆ. ಅಲ್ಲಿನ ಪಂಚತಾರಾ ಹೋಟೆಲ್‌ನಲ್ಲಿ ಮುಖ್ಯ ಬಾಣಸಿಗರಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ. ಅವರೇ ಹೇಳುವ ಪ್ರಕಾರ, ಪ್ರತಿ ಸಾರ್ವತ್ರಿಕ ಚುನಾವಣೆಗೆ ಹೆಂಡತಿ ಜತೆಗೆ ಊರಿಗೆ ಬಂದು ತಪ್ಪದೇ ಮತ ಚಲಾಯಿಸುತ್ತಾರೆ.
