ಉಪಗ್ರಹ ಬ್ರಾಡ್‌ಬ್ಯಾಂಡ್‌ಗೆ ಜಿಸ್ಯಾಟ್–11 ಮುನ್ನುಡಿ
*5,854 ಕೆ.ಜಿ.ಉಪಗ್ರಹದ ತೂಕ
* 15 ವರ್ಷ ಕಾರ್ಯಾವಧಿ
* ಭಾರತೀಯ ಕಾಲಮಾನ ಮಧ್ಯರಾತ್ರಿ 2.07ರಿಂದ 3.23ರ ಮಧ್ಯೆ ಉಡಾವಣೆ
* ಫ್ರೆಂಚ್ ಗಯಾನಾದಿಂದ ಉಡಾವಣೆ
* ಇಷ್ಟು ತೂಕದ ಉಪಗ್ರಹವನ್ನು ಹೊತ್ತೊಯ್ಯುವ ಸಾಮರ್ಥ್ಯವಿರುವ ರಾಕೆಟ್ ಇಸ್ರೊ ಬಳಿ ಇಲ್ಲವಾದ್ದರಿಂದಐರೋಪ್ಯ ಬಾಹ್ಯಾಕಾಶ ಸಂಸ್ಥೆಯ ಆ್ಯರಿಯಾನ್–5 ರಾಕೆಟ್ ಮೂಲಕ ಉಡಾವಣೆ ಮಾಡಲಾಗುತ್ತಿದೆ
ಉಡಾವಣೆ
* ಭೂಹೊಂದಾಣಿಕೆ ವರ್ಗಾವಣೆ ಕಕ್ಷೆಯಲ್ಲಿ ಉಪಗ್ರಹವನ್ನು ಬಿಡುಗಡೆ ಮಾಡಲಿರುವ ರಾಕೆಟ್
* ರಾಕೆಟ್‌ನಲ್ಲಿರುವ ಎಂಜಿನ್ ಚಾಲನೆ. ಮತ್ತು ಈ ಕಕ್ಷೆಯಿಂದ ಭೂಸ್ಥಿರ ಕಕ್ಷೆಗೆ ವರ್ಗಾವಣೆ
* ಎರಡನೇ ಬಾರಿ ಎಂಜಿನ್ ಚಾಲನೆ. ಅದೇ ಕಕ್ಷೆಯಲ್ಲಿ ಮತ್ತಷ್ಟು ಎತ್ತರಕ್ಕೆ ವರ್ಗಾವಣೆ
* ಮೂರನೇ ಬಾರಿ ಎಂಜಿನ್ ಚಾಲನೆ. ಅಂತಿಮ ಕಕ್ಷೆಗೆ ಉಪಗ್ರಹ ವರ್ಗಾವಣೆ
ಉಪಯೋಗಗಳು
* ಡಿಶ್‌ ಆ್ಯಂಟೆನಾ ಮೂಲಕ ಮನೆಗಳಿಗೆ ಉಪಗ್ರಹ ಬ್ರಾಡ್ಬ್ಯಾಂಡ್ ಸಂಪರ್ಕ ಪಡೆಯಬಹುದು
* ವಿಮಾನದಲ್ಲಿ ಅಂತರ್ಜಾಲ ಸಂಪರ್ಕ ಪಡೆಯಬಹುದು
* ದೇಶದ ಯಾವುದೇ ಮೂಲೆಯಲ್ಲೂ ವೇಗದ ಬ್ರಾಡ್ಬ್ಯಾಂಡ್ ಸಂಪರ್ಕ ಲಭ್ಯ
* ಭಾರತ್ ನೆಟ್‌ ಯೋಜನೆ ಅಡಿ ಎಲ್ಲಾ ಗ್ರಾಮ ಪಂಚಾಯಿತಿಗಳಿಗೂ ಬ್ರಾಡ್ಬ್ಯಾಂಡ್ ಸಂಪರ್ಕ
16 ಜಿಬಿಪಿಎಸ್ ವೇಗ
ಈ ಉಪಗ್ರಹವು ಕೇಂದ್ರೀಕೃತ ಕಿರಣಗಳನ್ನು ಬಳಸುವುದರಿಂದ ದತ್ತಾಂಶ ವಿನಿಮಯದ ವೇಗ ಹೆಚ್ಚು. ಈ ಉಪಗ್ರಹವು ಕಾರ್ಯಾರಂಭ ಮಾಡಿ, ಸಾವರ್ಜನಿಕ ಸೇವೆಗೆ ಲಭ್ಯವಾದರೆ 16 ಜಿಬಿಪಿಎಸ್‌ನಷ್ಟು ವೇಗದ ಅಂತರ್ಜಾಲ ಸೇವೆಯನ್ನು ಆರಂಭಿಸಬಹುದು
ಜಿಸ್ಯಾಟ್–11 ಉಪಗ್ರಹವು ಇಡೀ ದೇಶಕ್ಕೆ ಸಂಪರ್ಕ ಏರ್ಪಡಿಸಲು ಹಲವು ಇನ್ಫ್ರಾರೆಡ್‌ ಕಿರಣಗಳನ್ನು ಬಳಸುತ್ತದೆ. ಈ ಕಿರಣಗಳ ವ್ಯಾಪ್ತಿ ತೀರಾ ಕಡಿಮೆ. ಆದರೆ ಸಾಮರ್ಥ್ಯ ಅತ್ಯಧಿಕ. ಹೀಗಾಗಿ ದತ್ತಾಂಶ ರವಾನೆಗೆ ಪ್ರಚಂಡ ವೇಗವಿರುತ್ತದೆ. ಇಂತಹ 32 ಕಿರಣಗಳು ದೇಶದ 16 ಸ್ಥಳಗಳಲ್ಲಿ ಕೇಂದ್ರೀಕೃತವಾಗಿರುತ್ತವೆ. ಹೀಗಾಗಿ ದೇಶದ ಎಲ್ಲಾ ಭಾಗಗಳಲ್ಲೂ ಒಂದೇ ವೇಗದ ಅಂತರ್ಜಾಲ ಸೇವೆ ಲಭ್ಯವಾಗಲಿದೆ
* ಈ ಹಿಂದಿನ ಸಂಪರ್ಕ ಉಪಗ್ರಹಗಳಲ್ಲಿ ವಿಸ್ತೃತ–ಏಕ ಇನ್ಫ್ರಾರೆಡ್‌ ಕಿರಣ ಬಳಸಲಾಗುತ್ತಿತ್ತು. ಇಡೀ ದೇಶಕ್ಕೆ ಒಂದೇ ಕಿರಣದ ಮೂಲಕ ಸಂಪರ್ಕ ಏರ್ಪಡುತ್ತಿದ್ದುದ್ದರಿಂದ, ಕಿರಣದ ಸಾಮರ್ಥ್ಯ ದುರ್ಬಲವಾಗುತ್ತಿತ್ತು. ಹೀಗಾಗಿ ವೇಗ ಕಡಿಮೆ ಇರುತ್ತಿತ್ತು
* ಆ ಕಕ್ಷೆಯಿಂದ ಉಪಗ್ರಹವನ್ನು ಭೂಸ್ಥಿರ ಕಕ್ಷೆಗೆ ವರ್ಗಾಯಿಸಲಾಗುತ್ತದೆ. ಉಪಗ್ರಹದಲ್ಲಿರುವ ಎಂಜಿನ್‌ನ ಶಕ್ತಿಯಿಂದ ಈ ಕ್ರಿಯೆ ನಡೆಸಲಾಗುತ್ತದೆ
* ಒಟ್ಟು ಮೂರುಹಂತದಲ್ಲಿ ಈ ವರ್ಗಾವಣೆ ನಡೆಯುತ್ತದೆ. ನಂತರ ಅಂತಿಮ ಕಕ್ಷೆಯಲ್ಲಿ ಜಿಸ್ಯಾಟ್–11 ನೆಲೆ ನಿಲ್ಲಲಿದೆ
ಆಧಾರ: ಇಸ್ರೊ, ಪಿಟಿಐ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.