ಮಂಗಳವಾರ, ಆಗಸ್ಟ್ 4, 2020
24 °C

ಬಾಗ್ದಾದ್‌: ಅಮೆರಿಕದ ರಾಯಭಾರ ಕಚೇರಿಯ ವಲಯದಲ್ಲಿ ಕ್ಷಿಪಣಿ ದಾಳಿ

ಎಪಿ Updated:

ಅಕ್ಷರ ಗಾತ್ರ : | |

Prajavani

ಬಾಗ್ದಾದ್‌: ಬಾಗ್ದಾದ್‌ನಲ್ಲಿ ಅಮೆರಿಕ ರಾಯಭಾರ ಕಚೇರಿ ಇರುವ ಹಸಿರು ವಲಯದಲ್ಲಿ ಕ್ಷಿಪಣಿ (ರಾಕೆಟ್‌)‌ ದಾಳಿ ನಡೆದಿದೆ. ಈ ಕ್ಷಿಪಣಿ‌ ಮನೆಯೊಂದಕ್ಕೆ ಬಡಿದು, ಮಗು ಗಾಯಗೊಂಡಿದೆ ಎಂದು ಇರಾಕ್‌ನ ಸೇನೆ ಭಾನುವಾರ ತಿಳಿಸಿದೆ. 

ರಾಯಭಾರ ಕಚೇರಿಯಲ್ಲಿ ಈಚೆಗೆ ಅಳವಡಿಸಲಾದ ಸಿ–ರ್‍ಯಾಮ್‌ ವಾಯುರಕ್ಷಣಾ ವ್ಯವಸ್ಥೆಯು ಈ ‌ದಾಳಿಯನ್ನು ತಡೆದಿರಬಹುದು. ಇತ್ತೀಚಿನ ಕ್ಷಿಪಣಿ ದಾಳಿಗಳು ಅಮೆರಿಕ ರಾಯಭಾರ ಕಚೇರಿಗೆ ಹತ್ತಿರವಾಗಿದ್ದು, ಅಮೆರಿಕ ಸೈನಿಕರನ್ನು ಗುರಿಯಾಗಿಸಲಾಗಿದೆ ಎಂದು ಹೆಸರು ಹೇಳಲು ಇಚ್ಛಿಸದ ಅಧಿಕಾರಿಗಳು ತಿಳಿಸಿದ್ದಾರೆ.

ಅಲಿ ಆಲ್‌ ಸಲೇಹ್‌ ಪ್ರದೇಶದಿಂದ ಈ ಕ್ಷಿಪಣಿಯನ್ನು ಉಡಾವಣೆ ಮಾಡಲಾಗಿದ್ದು, ಸ್ಥಳೀಯ ಸುದ್ದಿವಾಹಿನಿಯ ಕಚೇರಿ ಪಕ್ಕದಲ್ಲಿದ್ದ ಮನೆಗೆ ಬಡಿದಿದೆ. ಇದರಿಂದಾಗಿ ಮನೆಗೆ ಹಾನಿಯಾಗಿದ್ದು, ಮನೆಯಲ್ಲಿದ್ದ ಮಗುವಿಗೆ ಪೆಟ್ಟಾಗಿದೆ. 

ಅಮೆರಿಕ ಸೇನೆಯ ತರಬೇತಿ ನೆಲೆಯಾದ ಉತ್ತರ ಬಾಗ್ದಾದ್‌ನ ಉಮ್‌ ಅಲ್‌ ಅಜಂ ಪ್ರದೇಶದ ಮೇಲೆಯೂ ಸಂಭವಿಸಲಿದ್ದ  ಕ್ಷಿಪಣಿ ದಾಳಿಯನ್ನು ತಡೆಯಲಾಗಿದೆ ಎಂದು ಇರಾನಿನ ಭದ್ರತಾ ಪಡೆಗಳು ಹೇಳಿಕೊಂಡಿವೆ.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು