ಸ್ಮಾರ್ಟ್ ಯುಗದಲ್ಲಿ ಸಾಮಾನ್ಯವಾಗಿ ಈಗ ಬಹುತೇಕರು ಫಿಟ್ನೆಸ್ ಬ್ಯಾಂಡ್, ಫಿಟ್ನೆಸ್ ಟ್ರ್ಯಾಕರ್, ಸ್ಮಾರ್ಟ್ ವಾಚ್ ಬಳಸುತ್ತಾರೆ. ಆರೋಗ್ಯದ ಕಾಳಜಿ ಜತೆಗೆ ಫ್ಯಾಶನ್ ಟ್ರೆಂಡ್ ಆಗಿಯೂ ಜನರು ಅಧಿಕ ಸಂಖ್ಯೆಯಲ್ಲಿ ಸ್ಮಾರ್ಟ್ ಗ್ಯಾಜೆಟ್ ಬಳಸುತ್ತಾರೆ. ಈ ಸಾಲಿಗೆ ಅಮೆಜಾನ್ ಹೊಸ ಉತ್ಪನ್ನವೊಂದನ್ನು ಶೀಘ್ರದಲ್ಲಿ ಪರಿಚಯಿಸುತ್ತಿದೆ. ಇದರ ವಿಶೇಷವೆಂದರೆ, ನೀವು ಈ ಗ್ಯಾಜೆಟ್ ಅನ್ನು ಧರಿಸಬೇಕಿಲ್ಲ. ಅದರ ಬದಲು ನಿಮ್ಮ ಪಕ್ಕ ಇರಿಸಿಕೊಂಡರೆ ಸಾಕಾಗುತ್ತದೆ. ನಿಮ್ಮ ನಿದ್ರೆ ಹೇಗಿತ್ತು ಮತ್ತು ದೈಹಿಕ ಆರೋಗ್ಯ ಹೇಗಿದೆ ಎಂಬ ವರದಿಯನ್ನು ಅಮೆಜಾನ್ ನೀಡುತ್ತದೆ.
