ಬೆಂಗಳೂರು: ಮಂಗಳವಾರ ನಡೆದ ವರ್ಚುವಲ್ ಈವೆಂಟ್‌ನಲ್ಲಿ ಆ್ಯಪಲ್, ಮಾರುಕಟ್ಟೆಗೆ ನೂತನ ಸರಣಿಯ ಐಪ್ಯಾಡ್ ಏರ್ ಬಿಡುಗಡೆ ಮಾಡಿದೆ.
ಆ್ಯಪಲ್ ಅಭಿವೃದ್ಧಿಪಡಿಸಿರುವ ಎಂ1 ಚಿಪ್ ಅನ್ನು ಹೊಸ ಐಪ್ಯಾಡ್ ಏರ್‌ನಲ್ಲಿ ಬಳಸಿಕೊಳ್ಳಲಾಗಿದೆ.
ಐಪ್ಯಾಡ್ ಏರ್ 2022 ನೂತನ ಐಪ್ಯಾಡ್ ಏರ್ 2022, ವೈ–ಫೈ ಮತ್ತು 64 ಜಿಬಿ ಸ್ಟೊರೇಜ್ ಮಾದರಿಗೆ ₹54,900 ಮತ್ತು ವೈ–ಫೈ+ಸೆಲ್ಯೂಲರ್ 64 ಜಿಬಿ ಆವೃತ್ತಿಗೆ ₹68,900 ದರ ನಿಗದಿಪಡಿಸಲಾಗಿದೆ.
ಹೊಸ ಐಪ್ಯಾಡ್ ಏರ್, ನೀಲಿ, ಸ್ಪೇಸ್ ಗ್ರೇ, ಸ್ಟಾರ್‌ಲೈಟ್, ಪಿಂಕ್ ಮತ್ತು ಪರ್ಪಲ್ ಎಂಬ ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಾಗಲಿದೆ.
ನೂತನ ಐಪ್ಯಾಡ್ ಏರ್ ಮಾದರಿಯಲ್ಲಿ ಐಪ್ಯಾಡ್‌ಓಎಸ್ 15, 10.9 ಇಂಚಿನ ರೆಟಿನಾ ಡಿಸ್‌ಪ್ಲೇ, ಒಕ್ಟಾ ಕೋರ್ ಎಂ1 ಚಿಪ್ ಮತ್ತು 8 ಜಿಬಿ RAM ಇದೆ.
