ಗಾರ್ಮಿನ್‌ ಇಂಡಿಯಾದ ವೆನ್ಯು ಎಸ್‌ಕ್ಯು ಸ್ಮಾರ್ಟ್‌ವಾಚ್‌
ವೆನ್ಯು ಎಸ್‌ಕ್ಯು ಬೆಲೆ ₹ 21,090 ಮತ್ತು ವೆನ್ಯು ಎಸ್‌ಕ್ಯು ಮ್ಯೂಸಿಕ್‌ ಬೆಲೆ ₹ 26,290 ಇದೆ. ಆಂಡ್ರಾಯ್ಡ್ ಮತ್ತು ಐಒಎಸ್ ಸಾಧನಗಳಿಗೆ ಬೆಂಬಲಿಸುತ್ತದೆ.
ಬಳಕೆದಾರರ ಆರೋಗ್ಯ ಮತ್ತು ಫೀಟ್‌ನೆಸ್‌ ಚಟುವಟಿಕೆಗಳ ಮೇಲೆ ನಿಗಾ ಇರಿಸಲು ವೆನ್ಯು ಎಸ್‌ಕ್ಯು ಶ್ರೇಣಿಯ ಸ್ಮಾರ್ಟ್‌ವಾಚ್‌ಗಳು ಉಪಯುಕ್ತವಾಗಿವೆ ಎಂದು ಕಂಪನಿ ತಿಳಿಸಿದೆ.
ಯೋಗ, ಓಟ, ಈಜು, ಸೈಕ್ಲಿಂಗ್‌, ಗಾಲ್ಫ್‌ ಸೇರಿದಂತೆ ಒಳಾಂಗಣ ಮತ್ತು ಹೊರಾಂಗಣ ಕ್ರೀಡೆಗಳ 20ಕ್ಕೂ ಹೆಚ್ಚು ಸ್ಪೋರ್ಟ್ಸ್‌ ಆ್ಯಪ್‌ಗಳನ್ನು ಒಳಗೊಂಡಿದೆ. ಮೊಬೈಲ್‌ ಫೋನ್‌ ನೆರವಿಲ್ಲದೆ ಸಂಗೀತ ಆಲಿಸಬಹುದಾದ, ವಾಚ್‌ನಲ್ಲಿಯೇ ಸಂಗೀತ ಸ್ಟೋರ್‌ ಮಾಡುವ ಸೌಲಭ್ಯ ಒಳಗೊಂಡಿದೆ. ಸ್ಮಾರ್ಟ್‌ವಾಚ್‌ ಮೋಡ್‌ನಲ್ಲಿ ಬ್ಯಾಟರಿ 6 ದಿನಗಳವರೆಗೆ ಹಾಗೂ ಜಿಪಿಎಸ್‌ ಮೋಡ್‌ನಲ್ಲಿ 14 ಗಂಟೆಗಳವರೆಗೆ ಬಾಳಿಕೆ ಬರಲಿದೆ ಎಂದು ಕಂಪನಿ ಹೇಳಿದೆ.
‘ಶ್ರೇಷ್ಠ ದರ್ಜೆಯ ಉತ್ಪನ್ನ ಮತ್ತು ಆಧುನಿಕ ತಂತ್ರಜ್ಞಾನ ಆವಿಷ್ಕಾರಗಳನ್ನು ಬಳಸಿಕೊಂಡು ನಮ್ಮ ಗ್ರಾಹಕರ ಅಗತ್ಯಗಳನ್ನು ಪೂರೈಸಲು ನಾವು ಸದಾ ಸಿದ್ಧರಿರುತ್ತೇವೆ. ವೆನ್ಯು ಎಸ್‌ಕ್ಯು ಸ್ಮಾರ್ಟ್‌ವಾಚ್‌ಗಳ ಮೂಲಕ ನಾವು ಹೊಸ ಮಾರುಕಟ್ಟೆ ಪ್ರವೇಶಿಸಿದ್ದೇವೆ. ಹಬ್ಬಗಳ ಸಂದರ್ಭದಲ್ಲಿ ಇದನ್ನು ಪರಿಚಯಿಸುತ್ತಿರುವುದಕ್ಕೆ ಸಂತೋಷವಾಗುತ್ತಿದೆ’ ಎಂದು ಗಾರ್ಮಿನ್‌ ಇಂಡಿಯಾದ ನಿರ್ದೇಶಕ ಅಲಿ ರಿಜ್ವಿ ಹೇಳಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.