ಬೆಂಗಳೂರು: ಲಾಜಿಸ್ಟಿಕ್ಸ್, ಸಾರಿಗೆ, ನಿರ್ಮಾಣ ಪ್ರದೇಶ ಮತ್ತು ಉದ್ಯಮದಲ್ಲಿ ಬಳಕೆ ಮಾಡಲು ಅನುಕೂಲವಾಗುವಂತಹ ಟ್ಯಾಬ್ಲೆಟ್ ಅನ್ನು ಪ್ಯಾನಸೋನಿಕ್ ದೇಶದಲ್ಲಿ ಬಿಡುಗಡೆ ಮಾಡಿದೆ.
ಹೆಚ್ಚಿನ ತಾಪಮಾನ ಮತ್ತು ಚಳಿ ಇರುವಲ್ಲಿಯೂ ಸರಾಗವಾಗಿ ಕಾರ್ಯನಿವರ್ಹಿಸಬಲ್ಲ ಮತ್ತು ಅಧಿಕ ಬ್ಯಾಟರಿ ಸಾಮರ್ಥ್ಯದ ಪ್ಯಾನಸೋನಿಕ್ ಟಫ್‌ಬುಕ್ ಎಸ್‌1 ಬೆಲೆ ದೇಶದಲ್ಲಿ ₹98,000 ದಿಂದ ಆರಂಭವಾಗುತ್ತದೆ.
ಟಫ್‌ಬುಕ್ ಎಸ್‌1 7 ಇಂಚಿನ ಡಿಸ್‌ಪ್ಲೇ ಹೊಂದಿರುವ ಪ್ಯಾನಸೋನಿಕ್ ಟ್ಯಾಬ್ಲೆಟ್, ಹೆಚ್ಚು ಪ್ರಖರ ಬೆಳಕು ಇರುವಾಗಲೂ ಸಲೀಸಾಗಿ ಕಾರ್ಯನಿರ್ವಹಿಸುತ್ತದೆ. ಜತೆಗೆ ಗಟ್ಟಿಯಾದ ಹೊರಮೈ ಹೊಂದಿರುವುದರಿಂದ ಸಾಮಾನ್ಯವಾಗಿ ಕೆಳಗಡೆ ಬಿದ್ದರೂ ಏನೂ ಆಗುವುದಿಲ್ಲ.
ಒಕ್ಟಾ ಕೋರ್ ಸ್ನ್ಯಾಪ್‌ಡ್ರ್ಯಾಗನ್ 660 ಪ್ರೊಸೆಸರ್ ಮತ್ತು ಅಡ್ರೆನೊ 512 ಗ್ರಾಫಿಕ್ಸ್, 4 GB RAM ಹಾಗೂ 64 GB ಮೆಮೊರಿ ಸ್ಟೋರೇಜ್ ಹೊಂದಿದೆ. ಹಾಗೂ 3,200mAh ಹಾಗೂ 5,580mAh ಎಂಬ ಎರಡು ಬ್ಯಾಟರಿ ಆಯ್ಕೆಗಳಲ್ಲಿ ದೊರೆಯಲಿದೆ.
