<p>ತನ್ನ ಕೃತಕ ಬುದ್ಧಿಮತ್ತೆ ಕಾರ್ಯಕ್ಷಮತೆಯನ್ನು ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸುತ್ತಿರುವ ಟೆಕ್ ದೈತ್ಯ 'ಮೆಟಾ' ಕಂಪನಿಯು, 'OpenAI' ನೌಕರರನ್ನು ತನ್ನತ್ತ ಸೆಳೆಯಲು ಅಂದಾಜು ₹ 860 ಕೋಟಿಗೂ ಅಧಿಕ (100 ಮಿಲಿಯನ್ ಡಾಲರ್) ಬೋನಸ್ ಘೋಷಿಸಿದೆ ಎಂಬುದಾಗಿ 'OpenAI' ಸಿಇಒ ಸ್ಯಾಮ್ ಆಲ್ಟ್ಮನ್ ಆರೋಪಿಸಿದ್ದಾರೆ.</p><p>ಫೇಸ್ಬುಕ್ ಮಾತೃಸಂಸ್ಥೆಯಾಗಿರುವ ಮೆಟಾ, ತನ್ನ ಪ್ರತಿಸ್ಪರ್ಧಿಗಳಿಗೆ ಸಮರ್ಥ ಪೈಪೋಟಿ ನಡೆಸಲು ಸೂಪರ್ಇಂಟಲಿಜೆನ್ಸ್ ಘಟಕವನ್ನು ನಿರ್ಮಿಸಲು ಮುಂದಾಗಿದೆ. ಈ ಹೊತ್ತಿನಲ್ಲೇ, ಎಐ ಮಾದರಿ ಅಭಿವೃದ್ಧಿಗೆ ಅತ್ಯುತ್ತಮ ಸಿಬ್ಬಂದಿಯನ್ನು ನೇಮಿಸಿಕೊಳ್ಳುವ ಸಲುವಾಗಿ ಮೆಟಾ ಕಂಪನಿಯು OpenAI ಸಿಬ್ಬಂದಿಗೆ ಆಮಿಷ ಒಡ್ಡಿದೆ ಎಂಬ ಆರೋಪ ಕೇಳಿಬಂದಿದೆ.</p><p>ಮಂಗಳವಾರ ಪ್ರಸಾರವಾದ ಪಾಡ್ಕಾಸ್ಟ್ನಲ್ಲಿ ಮಾತನಾಡಿರುವ ಆಲ್ಟ್ಮನ್, 'ನಮ್ಮ ತಂಡದ ಬಹಳಷ್ಟು ಮಂದಿಗೆ ಮೆಟಾ ಭಾರಿ ಕೊಡುಗೆಗಳನ್ನು ಘೋಷಿಸಲಾರಂಭಿಸಿದೆ. ನಿಮಗೆ ಗೊತ್ತಾ, 100 ಮಿಲಿಯನ್ ಡಾಲರ್ ಘೋಷಣೆಯಾಗಿದೆ. ಮುಂದೆ ಅದು ಮತ್ತಷ್ಟು ಹೆಚ್ಚಾಗಬಹುದು' ಎಂದಿದ್ದಾರೆ.</p><p>'ಮೆಟಾ ನಮ್ಮನ್ನು ದೊಡ್ಡ ಪ್ರತಿಸ್ಪರ್ಧಿ ಎಂದು ಭಾವಿಸಿದೆ ಎಂಬುದಾಗಿ ಕೇಳಿದ್ದೇನೆ' ಎಂದಿರುವ ಆಲ್ಟ್ಮನ್, 'ನಮ್ಮಲ್ಲಿನ ಅತ್ಯುತ್ತಮ ನೌಕರರಲ್ಲಿ ಕನಿಷ್ಠ ಒಬ್ಬರೂ ಈವರೆಗೆ ಮೆಟಾದ ಆಫರ್ ಸ್ವೀಕರಿಸಿಲ್ಲ' ಎಂದು ಹೇಳಿದ್ದಾರೆ.</p><p>ಈ ಕುರಿತು ಮೆಟಾದಿಂದ ಸದ್ಯಕ್ಕೆ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.</p><p>Scale AIನಲ್ಲಿ ಇತ್ತೀಚೆಗೆ ಅಂದಾಜು ₹ 1.23 ಲಕ್ಷ ಕೋಟಿ (14.3 ಬಿಲಿಯನ್ ಡಾಲರ್) ಹೂಡಿಕೆ ಮಾಡಿರುವ ಮೆಟಾ, ತನ್ನದೇ ಹೊಸ ಸೂಪರ್ಇಂಟಲಿಜೆನ್ಸ್ ಘಟಕ ರಚಿಸುವ ಪ್ರಯತ್ನದಲ್ಲಿದೆ. ಅದರ ಹೊಣೆಯನ್ನು ಅಲೆಕ್ಸಾಂಡರ್ ವಾಂಗ್ ಅವರಿಗೆ ವಹಿಸಿದೆ. ಈ ವೇಳೆಯೇ ಆಲ್ಟ್ಮನ್ ಹೇಳಿಕೆ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ತನ್ನ ಕೃತಕ ಬುದ್ಧಿಮತ್ತೆ ಕಾರ್ಯಕ್ಷಮತೆಯನ್ನು ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸುತ್ತಿರುವ ಟೆಕ್ ದೈತ್ಯ 'ಮೆಟಾ' ಕಂಪನಿಯು, 'OpenAI' ನೌಕರರನ್ನು ತನ್ನತ್ತ ಸೆಳೆಯಲು ಅಂದಾಜು ₹ 860 ಕೋಟಿಗೂ ಅಧಿಕ (100 ಮಿಲಿಯನ್ ಡಾಲರ್) ಬೋನಸ್ ಘೋಷಿಸಿದೆ ಎಂಬುದಾಗಿ 'OpenAI' ಸಿಇಒ ಸ್ಯಾಮ್ ಆಲ್ಟ್ಮನ್ ಆರೋಪಿಸಿದ್ದಾರೆ.</p><p>ಫೇಸ್ಬುಕ್ ಮಾತೃಸಂಸ್ಥೆಯಾಗಿರುವ ಮೆಟಾ, ತನ್ನ ಪ್ರತಿಸ್ಪರ್ಧಿಗಳಿಗೆ ಸಮರ್ಥ ಪೈಪೋಟಿ ನಡೆಸಲು ಸೂಪರ್ಇಂಟಲಿಜೆನ್ಸ್ ಘಟಕವನ್ನು ನಿರ್ಮಿಸಲು ಮುಂದಾಗಿದೆ. ಈ ಹೊತ್ತಿನಲ್ಲೇ, ಎಐ ಮಾದರಿ ಅಭಿವೃದ್ಧಿಗೆ ಅತ್ಯುತ್ತಮ ಸಿಬ್ಬಂದಿಯನ್ನು ನೇಮಿಸಿಕೊಳ್ಳುವ ಸಲುವಾಗಿ ಮೆಟಾ ಕಂಪನಿಯು OpenAI ಸಿಬ್ಬಂದಿಗೆ ಆಮಿಷ ಒಡ್ಡಿದೆ ಎಂಬ ಆರೋಪ ಕೇಳಿಬಂದಿದೆ.</p><p>ಮಂಗಳವಾರ ಪ್ರಸಾರವಾದ ಪಾಡ್ಕಾಸ್ಟ್ನಲ್ಲಿ ಮಾತನಾಡಿರುವ ಆಲ್ಟ್ಮನ್, 'ನಮ್ಮ ತಂಡದ ಬಹಳಷ್ಟು ಮಂದಿಗೆ ಮೆಟಾ ಭಾರಿ ಕೊಡುಗೆಗಳನ್ನು ಘೋಷಿಸಲಾರಂಭಿಸಿದೆ. ನಿಮಗೆ ಗೊತ್ತಾ, 100 ಮಿಲಿಯನ್ ಡಾಲರ್ ಘೋಷಣೆಯಾಗಿದೆ. ಮುಂದೆ ಅದು ಮತ್ತಷ್ಟು ಹೆಚ್ಚಾಗಬಹುದು' ಎಂದಿದ್ದಾರೆ.</p><p>'ಮೆಟಾ ನಮ್ಮನ್ನು ದೊಡ್ಡ ಪ್ರತಿಸ್ಪರ್ಧಿ ಎಂದು ಭಾವಿಸಿದೆ ಎಂಬುದಾಗಿ ಕೇಳಿದ್ದೇನೆ' ಎಂದಿರುವ ಆಲ್ಟ್ಮನ್, 'ನಮ್ಮಲ್ಲಿನ ಅತ್ಯುತ್ತಮ ನೌಕರರಲ್ಲಿ ಕನಿಷ್ಠ ಒಬ್ಬರೂ ಈವರೆಗೆ ಮೆಟಾದ ಆಫರ್ ಸ್ವೀಕರಿಸಿಲ್ಲ' ಎಂದು ಹೇಳಿದ್ದಾರೆ.</p><p>ಈ ಕುರಿತು ಮೆಟಾದಿಂದ ಸದ್ಯಕ್ಕೆ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.</p><p>Scale AIನಲ್ಲಿ ಇತ್ತೀಚೆಗೆ ಅಂದಾಜು ₹ 1.23 ಲಕ್ಷ ಕೋಟಿ (14.3 ಬಿಲಿಯನ್ ಡಾಲರ್) ಹೂಡಿಕೆ ಮಾಡಿರುವ ಮೆಟಾ, ತನ್ನದೇ ಹೊಸ ಸೂಪರ್ಇಂಟಲಿಜೆನ್ಸ್ ಘಟಕ ರಚಿಸುವ ಪ್ರಯತ್ನದಲ್ಲಿದೆ. ಅದರ ಹೊಣೆಯನ್ನು ಅಲೆಕ್ಸಾಂಡರ್ ವಾಂಗ್ ಅವರಿಗೆ ವಹಿಸಿದೆ. ಈ ವೇಳೆಯೇ ಆಲ್ಟ್ಮನ್ ಹೇಳಿಕೆ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
