ಬೆಂಗಳೂರು: ನೂತನ ವೈಶಿಷ್ಟ್ಯಗಳೊಂದಿಗೆ ಕಳೆದ ವಾರ ದೇಶದ ಗ್ಯಾಜೆಟ್ ಮಾರುಕಟ್ಟೆ ಪ್ರವೇಶಿಸಿದ್ದ ಸ್ಯಾಮ್ಸಂಗ್ ಮಡಚಬಲ್ಲ ಸ್ಮಾರ್ಟ್‌ಫೋನ್‌ಗಳ ಬೆಲೆ ಬಹಿರಂಗವಾಗಿದೆ.
ಕಂಪನಿ ಹೊಸ ಗ್ಯಾಲಕ್ಸಿ ಝೆಡ್ ಫೋಲ್ಡ್4, ಫ್ಲಿಪ್4 ಬೆಲೆ ವಿವರವನ್ನು ಬಿಡುಗಡೆ ಮಾಡಿದೆ.
ಹೊಸ ಝೆಡ್ ಸರಣಿ ಸ್ಮಾರ್ಟ್ಫೋನ್ ಜತೆಗೆ ಗ್ಯಾಲಕ್ಸಿ ವಾಚ್ ಸಿರೀಸ್ 5 ಮತ್ತು ಗ್ಯಾಲಕ್ಸಿ ಬಡ್ಸ್ ಪ್ರೊ ದೇಶದಲ್ಲಿ ಬಿಡುಗಡೆಯಾಗಿತ್ತು.
ಸ್ಯಾಮ್ಸಂಗ್ ಗ್ಯಾಲಕ್ಸಿ ಝೆಡ್ ಫ್ಲಿಪ್ 4 ನೂತನ ಗ್ಯಾಲಕ್ಸಿ ಝೆಡ್ ಫ್ಲಿಪ್ 4 ಸ್ಮಾರ್ಟ್ಫೋನ್ ಎರಡು ಸ್ಟೋರೇಜ್ ಮಾದರಿಗಳಲ್ಲಿ ಲಭ್ಯವಿದೆ. 8 GB RAM + 128 GB ಆವೃತ್ತಿಗೆ ₹89,999 ಮತ್ತು 8 GB RAM + 256 GB ಮಾದರಿಗೆ ₹94,999 ದರವಿದೆ. ಬೋರಾ ಪರ್ಪಲ್, ಗ್ರಾಫೈಟ್ ಹಾಗೂ ಪಿಂಕ್ ಗೋಲ್ಡ್ ಬಣ್ಣದಲ್ಲಿ ನೂತನ ಗ್ಯಾಲಕ್ಸಿ ಝೆಡ್ ಫ್ಲಿಪ್ 4 ದೊರೆಯಲಿದ್ದು, ಸ್ಯಾಮ್ಸಂಗ್ ಸ್ಟೋರ್‌ನಲ್ಲಿ ‘ಬಿಸ್ಪೋಕ್ ಎಡಿಶನ್‘ ಲಭ್ಯವಿದ್ದು, ₹97,999 ಕ್ಕೆ ದೊರೆಯಲಿದೆ.
ಗ್ಯಾಲಕ್ಸಿ ಝೆಡ್ ಫೋಲ್ಡ್4 ನೂತನ ಸ್ಮಾರ್ಟ್ಫೋನ್ 12 GB RAM + 256 GB ಮಾದರಿಗೆ ₹1,54,999 ದರ ಹಾಗೂ 12 GB RAM + 512 GB ಆವೃತ್ತಿಗೆ ₹1,64,999 ದರವಿದೆ. ಸ್ಯಾಮ್ಸಂಗ್ ಸ್ಟೋರ್ ಎಕ್ಸ್‌ಕ್ಲೂಸಿವ್ ಆಗಿ 12 GB+1 TB ಮಾದರಿ ಲಭ್ಯವಿದ್ದು, ₹1,84,999 ದರ ಇರಲಿದೆ.
