ಬುಧವಾರ, ಫೆಬ್ರವರಿ 26, 2020
19 °C

ಶೀಘ್ರವೇ ಭಾರತದಲ್ಲಿ ವಾಟ್ಸ್‌ಆ್ಯಪ್‌ ಪೇ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬಿಮ್ ಪೇ ಆಯ್ತು. ಗೂಗಲ್ ಪೇ ಬಂದಾಯ್ತು. ಫೋನ್ ಪೇ, ಪೇಟಿಎಂ, ಯನೋ ಕೂಡ ಚಾಲ್ತಿಯಲ್ಲಿದೆ. ಅಮೆಜಾನ್ ಸೇರಿದಂತೆ ಇನ್ನೂ ಹಲವು ಕಂಪನಿಗಳು ‘ಪೇ ಅಪ್ಲಿಕೇಷನ್’ ಅನ್ನು ಚಾಲನೆಯಲ್ಲಿಟ್ಟಿವೆ. ಈಗ ವಾಟ್ಸ್ಆ್ಯಪ್ ಮೂಲಕವೂ ‘ಪೇ’ ಮಾಡುವಂತಹ ವ್ಯವಸ್ಥೆ ಶೀಘ್ರದಲ್ಲೇ ಬರಲಿದೆ.

‘ಈ ವರ್ಷವೇ ಭಾರತದಲ್ಲಿ ಡಿಜಿಟಲ್‌ ಪಾವತಿ ಸೇವೆಯಾದ ‘ವಾಟ್ಸ್‌ಆ್ಯಪ್‌ ಪೇ’ ಆರಂಭಿಸುವುದಾಗಿ ವಾಟ್ಸ್‌ಆ್ಯಪ್‌ ಹೇಳಿದೆ.

ಇದು ದೇಶದಲ್ಲಿ 40 ಕೋಟಿ ಬಳಕೆದಾರರನ್ನು ಹೊಂದಿದ್ದು, ಅತ್ಯಂತ ದೊಡ್ಡ ಮಾರುಕಟ್ಟೆಯಾಗಿದೆ. ಒಂದು ವರ್ಷದಲ್ಲಿ 10 ಲಕ್ಷ ಜನರು ಈ ಸೇವೆಯನ್ನು ಪ್ರಾಯೋಗಿಕವಾಗಿ ಬಳಕೆ ಮಾಡಿದ್ದಾರೆ. ಪೂರ್ಣ ಪ್ರಮಾಣದಲ್ಲಿ ಸೇವೆ ಆರಂಭಿಸಲು ದೇಶದಲ್ಲಿ ಬ್ಯಾಂಕಿಂಗ್‌ ನಿಯಂತ್ರಕ ‘ಆರ್‌ಬಿಐ’ನ ಅನುಮತಿಗಾಗಿ ಕಾಯುತ್ತಿದ್ದೇವೆ ಎಂದು ತಿಳಿಸಿದೆ.

ವಾಟ್ಸ್‌ಆ್ಯಪ್‌ ಪೇ ಅತ್ಯಂತ ಸರಳವಾಗಿದೆ. ವಾಟ್ಸ್‌ಆ್ಯಪ್‌ನಲ್ಲಿ ಮೆಸೆಜ್‌ ಕಳುಹಿಸುವಷ್ಟೇ ಸುಲಭವಾಗಿ ಹಣ ವರ್ಗಾಯಿಸಬಹುದು ಎಂದು ಕಂಪನಿಯ ಜಾಗತಿಕ ಮುಖ್ಯಸ್ಥ ವಿಲ್‌ ಕ್ಯಾತ್‌ಕಾರ್ಟ್‌ ತಿಳಿಸಿದ್ದಾರೆ.

ಇಂತಹ ಸೇವೆಗಳಿಂದ ವಿತ್ತೀಯ ಒಳಗೊಳ್ಳುವಿಕೆಯ ಪ್ರಕ್ರಿಯೆಗೆ ವೇಗ ಸಿಗಲಿದೆ. ಅತ್ಯಂತ ವೇಗವಾಗಿ ಬೆಳವಣಿಗೆ ಕಾಣುತ್ತಿರುವ ಡಿಜಿಟಲ್‌ ಆರ್ಥಿಕತೆಗೆ ಇನ್ನಷ್ಟು ಜನರು ಸೇರಲಿದ್ದಾರೆ. ಭಾರತವು ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆಯಾಗಿದ್ದು, ಆನ್‌ಲೈನ್‌ ವಹಿವಾಟು ನಡೆಸುವವರ ಸಂಖ್ಯೆಯಲ್ಲಿ ಏರಿಕೆಯಾಗುತ್ತಲೇ ಇದೆ.

ಪೂರ್ಣ ಪ್ರಮಾಣದಲ್ಲಿ ಬಿಡುಗಡೆ ಆದ ಬಳಿಕ ಸ್ಥಳೀಯ ಡಿಜಿಟಲ್ ಪಾವತಿ ಪಾವತಿ ಕಂಪನಿಗಳಾದ ಪೇಟಿಎಂ ಮತ್ತು ಫೋನ್‌ ಪೇ ಹಾಗೂ ಜಾಗತಿಕ ಕಂಪನಿಗಳಾದ ಅಮೆಜಾನ್‌ ಪೇ ಮತ್ತು ಗೂಗಲ್‌ ಪೇಗೆ ಪೈಪೋಟಿ ನೀಡುವ ನಿರೀಕ್ಷೆ ಇದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು