ಆಸ್ಟ್ರೇಲಿಯಾ: ಪೂರ್ಣ ಗ್ರಹಣ ಗೋಚರ

ಮೂರು ಸಾವಿರಕ್ಕೂ ಕಡಿಮೆ ನಿವಾಸಿಗಳಿರುವ ಎಕ್ಸ್‌ಮೌತ್‌ ಪಟ್ಟಣ ಈ ಸೂರ್ಯಗ್ರಹಣ ವೀಕ್ಷಣೆಗೆ ಸೂಕ್ತತಾಣವೆಂದು ದೊಡ್ಡ ಸಂಖ್ಯೆಯಲ್ಲಿ ಜನ ಜಮಾಯಿಸಿದ್ದರು. ‌

ಎಕ್ಸ್‌ಮೌತ್‌ ಮಾತ್ರವಲ್ಲದೆ ಇಂಡೋನೇಷ್ಯಾ ಮತ್ತು ಪೂರ್ವ ಟಿಮೋರ್ ಭಾಗದ ಹಲವು ಪ್ರದೇಶಗಳಲ್ಲೂ ಸೂರ್ಯಗ್ರಹಣ ಸ್ಪಷ್ಟವಾಗಿ ಗೋಚರಿಸಿತು. ಈ ವಿಸ್ಮಯ ನೋಡಲು ಖಗೋಳಾಸಕ್ತರು ಕೆಲವು ದಿನಗಳ ಹಿಂದೆಯೇ ಶಿಬಿರಗಳನ್ನು ನಿರ್ಮಿಸಿಕೊಂಡು ಕಾದುಕುಳಿತಿದ್ದರು. ಸೂರ್ಯ ಗ್ರಹಣದ ದೃಶ್ಯಗಳನ್ನು ಸೆರೆ ಹಿಡಿದು ಸಂಭ್ರಮಿಸಿದರು.

ನಾಸಾದ ಖಗೋಳ ಶಾಸ್ತ್ರಜ್ಞ ಹೆನ್ರಿ ಥ್ರೂಪ್‌ ಕೂಡ ಎಕ್ಸ್‌ಮೌತ್‌ನಲ್ಲಿ ಗ್ರಹಣದ ಸೊಗಬನ್ನು ಆನಂದಿಸಿದರು. ‘ಗ್ರಹಣ ಕೇವಲ ಒಂದು ಕ್ಷಣದ ವಿಸ್ಮಯವಾದರೂ ಹೆಚ್ಚು ಕಾಲ ನೆನಪಿನಲ್ಲಿ ಉಳಿಯುತ್ತದೆ. ಇದಕ್ಕಿಂತ ಉತ್ತಮವಾದುದನ್ನು ನೋಡಲು ಸಾಧ್ಯವಿಲ್ಲ’ ಎಂದು ಅವರು ಅಭಿಪ್ರಾಯಪಟ್ಟರು.